newsics.com
10 ಲಕ್ಷ ಸಂಬಳ ಬೇಕಾ; ನಿತ್ಯ 8 ಗಂಟೆ ನಿದ್ದೆ ಮಾಡಿ!
ನಿಮಗೆ ನಿದ್ದೆ ಮಾಡಲು ಇಷ್ಟವಿದ್ದು, ಅದಕ್ಕಾಗಿ ಸಂಬಳ ನೀಡಿದ್ರೆ ಹೇಗಿರುತ್ತದೆ ಅಂತ ಒಮ್ಮೆ ಕಲ್ಪಿಸಿಕೊಳ್ಳಿ. ಇಂತಹದೊಂದ ಜಾಬ್ ಆಫರ್ ಇದೀಗ ಬಂದಿದ್ದು, ನೀವೂ ಅಪ್ಲೈ ಮಾಡಬಹುದು. ಹೌದು, ವೇಕ್ ಫಿಟ್ ಎಂಬ ಭಾರತದ ಬ್ರ್ಯಾಂಡ್ ನಿಮ್ಮ ಕನಸನ್ನು ನನಸಾಗಿಸಲು ಮುಂದಾಗಿದೆ. ಅವರು ವಿಶೇಷವಾದ ವೃತ್ತಿಪರ ಸ್ಲೀಪ್ ಇಂಟರ್ನ್ ಕಾರ್ಯಕ್ರಮವು ಕೇವಲ ಒಂದು ಇಂಟರ್ನ್ ಶಿಪ್ ಅಲ್ಲ. ವಿಶ್ರಾಂತಿಯನ್ನು ಗೌರವಿಸುವ ಕಂಪನಿ ಇದು. ನೀವು ನಿದ್ದೆ ಮಾಡಿದ್ರೆ ದುಡ್ಡು ಕೊಡೋಕೆ ಇವರು ರೆಡಿ ಇದ್ದಾರೆ.
ಪ್ರೊಫೆಷನಲ್ ಸ್ಲೀಪ್ ಇಂಟರ್ನ್ ಪ್ರೋಗ್ರಾಂ ನಿದ್ರೆಯ ಬಗ್ಗೆ ಉತ್ಸುಕರಾಗಿರುವವರಿಗೆ ಅದ್ಭುತ ಅವಕಾಶವನ್ನು ನೀಡಿದೆ. ಈ ಉದ್ಯೋಗಕ್ಕೆ ಸೇರಲು ಸಾಮಾಜಿಕ ನೆಟ್ ವರ್ಕಿಂಗ್ ಪ್ಲಾಟ್ ಫಾರ್ಮ್ ಲಿಂಕ್ಡ್ ಇನ್ ನಲ್ಲಿ ವಿವರವಾದ ಉದ್ಯೋಗ ವಿವರಣೆಯನ್ನು ಕಂಪನಿ ಹಂಚಿಕೊಂಡಿದೆ. ವೃತ್ತಿಪರ ಸ್ಲೀಪ್ ಇಂಟರ್ನ್ಶಿಪ್ ಬಗ್ಗೆ ಹೇಳೇದಾದ್ರೆ ಉದ್ಯೋಗದ ಹೆಸರು ವೃತ್ತಿಪರ ಸ್ಲೀಪ್ ಇಂಟರ್ನ್. ಉದ್ಯೋಗ ಸ್ಥಳ: (WFB) ಹಾಸಿಗೆಯಿಂದ ಕೆಲಸ ಮಾಡಿ. ಉದ್ಯೋಗ ಅವಧಿ 2 ತಿಂಗಳುಗಳು. ಸ್ಟೈಫಂಡ್ 1 ಲಕ್ಷದಿಂದ 10 ಲಕ್ಷ ರೂ. ವರೆಗೆ ನೀಡುತ್ತಾರೆ.
ಇನ್ನು ಉದ್ಯೋಗದ ಜವಾಬ್ದಾರಿಗಳು ಹೀಗಿರುತ್ತದೆ. ಪ್ರತಿ ರಾತ್ರಿ 8-9 ಗಂಟೆಗಳ ಕಾಲ ಶ್ರದ್ಧೆಯಿಂದ ಮತ್ತು ನಿಯಮಿತವಾಗಿ ನಿದ್ರಿಸುವುದು. ಹಗಲಿನಲ್ಲಿ 20 ನಿಮಿಷಗಳ ಪವರ್ ನ್ಯಾಪ್ ಅನ್ನು ಮಾಡುವುದು. ನಿಮ್ಮ ಮನೆಗೇ ಉಚಿತ ಹಾಸಿಗೆಯನ್ನು ಒದಗಿಸುವ ವೇಕ್ ಫಿಟ್ ಕಂಪನಿ ಪ್ರತಿ ರಾತ್ರಿ ನಿರ್ದಿಷ್ಟ ಸಮಯದಲ್ಲಿ ಮಲಗಬೇಕು ಎಂದು ಹೇಳುತ್ತೆ.