newsics.com
ರಾಜಸ್ಥಾನದಲ್ಲಿ ಗರಾಸಿಯಾ ಬುಡಕಟ್ಟು ಸಮುದಾಯದ ಜನರು ಅನೇಕ ಶತಮಾನಗಳಿಂದ ವಾಸಿಸುತ್ತಿದ್ದಾರೆ. ಈ ಬುಡಕಟ್ಟಿನ ಜನರು ಪ್ರಕೃತಿಗೆ ಅನುಸಾರವಾಗಿ ಬದುಕುತ್ತಾರೆ. ಸಾಮಾನ್ಯವಾಗಿ ಈ ಸಮಾಜ ಹೆಣ್ಣನ್ನು ಗಂಡಿನ ದಾಸ್ಯದಲ್ಲೇ ಇರಲು ಬಯಸುತ್ತದೆ. ಆದರೆ ಬಹುತೇಕ ಬುಡಕಟ್ಟು ಸಮುದಾಯಗಳಲ್ಲಿ ಹೆಣ್ಣಿಗೆ ಮೊದಲ ಪ್ರಾಶಸ್ತ್ಯ ಕೊಡಲಾಗಿದೆ.
ಈ ಗರಾಸಿಯಾ ಬುಡಕಟ್ಟು ಸಮುದಾಯ ಲಿವ್-ಇನ್ ಜೀವನಶೈಲಿಗೆ ಆದ್ಯತೆ ನೀಡುತ್ತಿದ್ದಾರೆ. ಅಲ್ಲಿ ದೌರ್ಜನ್ಯಗಳಿಲ್ಲ, ಅದೊಂದು ಆ ಸಮುದಾಯದ ಸಂಪ್ರದಾಯದಂತೆ ನಡೆದುಕೊಂಡು ಬಂದಿದೆ. ಈ ಸಮುದಾಯದ ಜನರು ಒಂದೇ ಷರತ್ತಿನ ಅಡಿಯಲ್ಲಿ ಮದುವೆಯಾಗುತ್ತಾರೆ. ಅದೇನೆಂದರೆ, ಮಹಿಳೆ ಮಗುವನ್ನು ಹೊಂದಿರುವಾಗ ಅಥವಾ ಅದಕ್ಕೂ ಮೊದಲು, ಮಹಿಳೆ ಬಯಸಿದಲ್ಲಿ, ಅವಳು ತನ್ನ ಲಿವ್-ಇನ್ ಪಾಲುದಾರನನ್ನು ಬದಲಾಯಿಸಬಹುದು.
ಇದಲ್ಲದೆ, ಈ ಬುಡಕಟ್ಟಿನ ಮಹಿಳೆಯರಿಗೆ ಪುರುಷರಿಗಿಂತಲೂ ಹೆಚ್ಚು ಸ್ಥಾನಮಾನವಿದೆ. ಒಬ್ಬ ಮಹಿಳೆ ತಾನು ಯಾರೊಂದಿಗೆ ವಾಸಿಸಬೇಕು ಮತ್ತು ಯಾರೊಂದಿಗೆ ಬದುಕಬಾರದು ಎಂಬುದನ್ನು ಸ್ವತಃ ಅವಳೇ ನಿರ್ಧರಿಸುತ್ತಾಳೆ. ಹಾಗಂತ ಇಲ್ಲಿ ಪುರುಷರ ಮೇಲೆ ಮಹಿಳೆಯರು ದೌರ್ಜನ್ಯವನ್ನೂ ಮಾಡೋದಿಲ್ಲ. ಭಾರತದಲ್ಲಿ ಇಂತಹ ಅನೇಕ ಬುಡಕಟ್ಟುಗಳಿವೆ, ಅವರಲ್ಲಿ ಲಿವ್-ಇನ್, ಅಂದರೆ ಮದುವೆಗೆ ಮೊದಲು ಹುಡುಗ ಮತ್ತು ಹುಡುಗಿಯ ನಡುವೆ ಒಟ್ಟಿಗೆ ವಾಸಿಸುವುದು ಸಾಮಾನ್ಯವಾಗಿದೆ.
ಗರಾಸಿಯಾ ಬುಡಕಟ್ಟಿನ ಜನರ ನಡುವೆ ವಾರ್ಷಿಕ ಗೌರ್ ಜಾತ್ರೆಯನ್ನು ಆಯೋಜಿಸಲಾಗುತ್ತದೆ. ಇದರಲ್ಲಿ ಮಹಿಳೆಯನ್ನು ಇಷ್ಟಪಡುವವನು ಅವಳ ಒಪ್ಪಿಗೆಯಿದ್ದರೆ ಅವಳೊಂದಿಗೆ ಹೋಗುತ್ತಾನೆ. ಇದರ ನಂತರ, ಹುಡುಗ ಮತ್ತು ಹುಡುಗಿ ಹಿಂತಿರುಗಿದಾಗ ಹುಡುಗನ ಮನೆಯವರು ಹುಡುಗಿಯ ಕುಟುಂಬಕ್ಕೆ ಸ್ವಲ್ಪ ಹಣವನ್ನು ನೀಡುತ್ತಾರೆ. ಪ್ರತಿ ವರ್ಷ ನಡೆಯುವ ಈ ಮೇಳದಲ್ಲಿ ಹೆಣ್ಣು ತನ್ನ ಸಂಗಾತಿಯನ್ನು ಬದಲಾಯಿಸಿಕೊಳ್ಳಬಹುದು.