Wednesday, August 4, 2021

ಅಪ್ಪಟ ದೇಸಿ ಪ್ರತಿಭೆ

Follow Us

ಯಕ್ಷಗಾನ ಕಲಾವಿದನಾಗಬೇಕೆಂಬ ಆಸೆ ಹೊತ್ತು ಮೇಳಕ್ಕೆ ಸೇರಿ ಕೇವಲ 9 ವರ್ಷಗಳಲ್ಲಿ ಬಯಲಾಟದ ಪ್ರತಿಭೆಗಳಲ್ಲಿ ಮುಂಚೂಣಿಯಲ್ಲಿರುವ ಕಲಾವಿದರ ಪಟ್ಟಿಯಲ್ಲಿ ಸೇರ್ಪಡೆಯಾಗಿರುವ ಶಿವಮೂರ್ತಿ ರಾವ್ ತಾರೇಕೊಡ್ಲು ಅವರ ಯಕ್ಷಪಯಣ ಕುತೂಹಲ ಹುಟ್ಟಿಸುತ್ತದೆ.

 12 


♦ ದಿವ್ಯಾ ಶ್ರೀಧರ್ ರಾವ್

newsics.com@gmail.com



 ಕ ನಸಿನಲ್ಲಿ ಬರುತ್ತಿದ್ದ ಯಕ್ಷಗಾನ ವೇಷವು ತನ್ನನ್ನು ಯಕ್ಷರಂಗದತ್ತ ಸೆಳೆದಿದ್ದೇ ತನ್ನ ಜೀವನದ ಒಂದು ಅದ್ಭುತವೆಂಬುದನ್ನು, ಅದ್ಭುತ ವ್ಯಕ್ತಿಯಾಗುವ ಮೂಲಕ ಸಾಬೀತುಪಡಿಸಿದ ಅಪ್ಪಟ ದೇಸಿ ಕಲಾವಿದ ಶಿವಮೂರ್ತಿ ರಾವ್ ತಾರೇಕೊಡ್ಲು.

ಪಿಯುಸಿ ಮುಗಿಸಿ, ಮುಂದೆ ಓದುವ ಆಸೆಯನ್ನು ಆರ್ಥಿಕ ಪರಿಸ್ಥಿತಿ ತಡೆದ ಪರಿಣಾಮ ದುಡಿಯುವ ಅನಿವಾರ್ಯತೆಗಾಗಿ ಕೂಲಿ ಕೆಲಸ ಆಯ್ಕೆ ಮಾಡಿಕೊಂಡು, ಕೂಲಿ ಮಾಡಿ ಸುಸ್ತಾಗಿ ಮಲಗಿದಾಗ ಕನಸಿನಲ್ಲಿ ಯಕ್ಷಗಾನ ವೇಷವೊಂದು ಬಂದು, ಅದರಿಂದ ತಾನು ಯಕ್ಷಗಾನ ಕಲಾವಿದನಾಗಬೇಕೆಂಬ ಆಸೆ ಹೊತ್ತು ಮೇಳಕ್ಕೆ ಸೇರಿ ಕೇವಲ 9 ವರ್ಷಗಳಲ್ಲಿ ಬಯಲಾಟದ ಪ್ರತಿಭೆಗಳಲ್ಲಿ ಮುಂಚೂಣಿಯಲ್ಲಿರುವ ಕಲಾವಿದರ ಪಟ್ಟಿಯಲ್ಲಿ ಸೇರ್ಪಡೆಯಾಗಿರುವ ಶಿವಮೂರ್ತಿಯವರ ಯಕ್ಷಪ್ರಯಾಣ ಕುತೂಹಲ ಹುಟ್ಟಿಸುತ್ತದೆ.

ಮೂಲತಃ ಉಡುಪಿ ಜಿಲ್ಲೆ ಕುಂದಾಪುರದವರಾದ ಶಿವಮೂರ್ತಿಯವರ ದೊಡ್ಡಣ್ಣ ಉದಯ್ ಕುಮಾರ್ ತಾರೇಕೊಡ್ಲು ಅವರೂ ಯಕ್ಷಕ್ಷೇತ್ರದಲ್ಲಿ ಮಾಡಿರುವ ಸಾಧನೆ ಇವರನ್ನು ಪ್ರೇರೇಪಿಸಿದೆ. ಹಾಗೆಯೇ ಆನಂದ್ ದೇವಾಡಿಗ ಕಮಲಶಿಲೆ ಹಾಗೂ ದಿ. ದಿನೇಶ್ ಮಡಿವಾಳ ಹೆನ್ನಾಬೈಲು ಅವರ ಶಿಷ್ಯನಾಗಿ ಬಾಲಗೋಪಾಲನಾಗಿ ಮೇಳಕ್ಕೆ ಸೇರಿದರು. ಗೆಜ್ಜೆ ಕಟ್ಟಿದ 4ನೇ ವರ್ಷದಲ್ಲೆ ಅಭಿಮನ್ಯುವಿನ ವೇಷ ಮಾಡಿ ಸೈ ಎನ್ನಿಸಿಕೊಂಡು ಗೌರವಕ್ಕೊಳಗಾದರು. ನಂತರ ಅವರು ಹಿಂತಿರುಗಿ ನೋಡಲೇ ಇಲ್ಲ.

ಶ್ರದ್ದೆ ಹಾಗೂ ಭಕ್ತಿಯಿಂದ ಮಾಡುವ ವೇಷದ ಬಗ್ಗೆ ಪೂರ್ವ ತಯಾರಿ ಮಾಡಿಕೊಳ್ಳುವ ಶಿವಮೂರ್ತಿಯವರು, ಕುಣಿತ ಹಾಗೂ ಮಾತುಗಾರಿಕೆಯಲ್ಲಿ ಸೈ ಎನ್ನಿಸಿ, ತಾಳಮದ್ದಳೆ ಕ್ಷೇತ್ರಕ್ಕೂ ಕಾಲಿಟ್ಟು ಅಪಾರ ಪ್ರಮಾಣದ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಕೃಷ್ಣ, ಕುಶ, ಬರ್ಬರಿಕ, ಅಭಿಮನ್ನುವಿನ ಇವರ ವೇಷಕ್ಕಾಗಿ ಅದೆಷ್ಟೋ ಬಾರಿ ಇವರಿಗಾಗಿಯೇ ಇಂತಹ ಪ್ರಸಂಗಗಳ ನಿರ್ಣಯವಾಗಿದ್ದು, ಅದಕ್ಕೆ ಕಾರಣ ಯಕ್ಷರಂಗದಲ್ಲಿ ತನ್ನ ಸ್ಪೂರ್ತಿಯಾಗಿರುವ ವಿಶ್ವ ಹೆನ್ನಾಬೈಲು, ಮಂಕಿ ಈಶ್ವರ್ ನಾಯ್ಕ, ಗಣೇಶ್ ಬಳೆಗಾರ್ ಹಾಗೂ ತನ್ನಣ್ಣ ಉದಯ್ ಕುಮಾರ್ ತಾರೆಕೊಡ್ಲು ಎಂಬುದನ್ನು ಹೇಳಲು ಮರೆಯದ ಈ ಸಣ್ಣ ವಯಸ್ಸಿನ ದೊಡ್ಡ ಪ್ರತಿಭೆ.


ಪ್ರಾದೇಶಿಕ ಮಟ್ಟದಲ್ಲಿರುವ ಈ ಯಕ್ಷಗಾನ ದೇಶವ್ಯಾಪಿಯಾಗಿ ಬೆಳೆಯುವಲ್ಲಿ ನಾವು ಕೆಲಸ ಮಾಡಬೇಕು. ವೇಷ ಹಾಕಿಕೊಂಡ ಮೇಲೆ ನೇರವಾಗಿ ಜನರ ಮುಂದೆ ನಿಂತು ಮಾತನಾಡುವ ಈ ಕಲೆಗೆ ಯಾವುದೇ ರಿಹರ್ಸಲ್ ಇಲ್ಲ. ಯಕ್ಷಗಾನ ವಿಶ್ವವ್ಯಾಪಿಯಾಗುವುದು ನಿಸ್ಸಂದೇಹ.
♦ ಶಿವಮೂರ್ತಿ ರಾವ್ ತಾರೆಕೊಡ್ಲು 9611426113

ಮತ್ತಷ್ಟು ಸುದ್ದಿಗಳು

Latest News

ಭೂಕಂಪದ ಮುನ್ಸೂಚನೆ ನೀಡುವ ಮೊಬೈಲ್ ಆ್ಯಪ್ ಬಿಡುಗಡೆ

newsics.com ಉತ್ತರಾಖಂಡ್: ಭೂಕಂಪಗಳ ಮುನ್ನೆಚ್ಚರಿಕೆ ನೀಡುವ ದೇಶದ ಮೊದಲ ಮೊಬೈಲ್ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ. 'ಉತ್ತರಾಖಂಡ್ ಭೂಕಂಪ್ ಅಲರ್ಟ್' ಎನ್ನುವ ಅಪ್ಲಿಕೇಶನ್ ಅನ್ನು ಉತ್ತರಾಖಂಡದ ಮುಖ್ಯಮಂತ್ರಿ...

ಧರ್ಮಸ್ಥಳ, ಕುಕ್ಕೆ ದೇವಾಲಯ, ಕಟೀಲಿನಲ್ಲಿ ಸೇವೆ ಸ್ಥಗಿತ: ವಾರಾಂತ್ಯ ಭಕ್ತರಿಗೂ ನಿರ್ಬಂಧ

newsics.com ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೊರೋನಾ ಹೆಚ್ಚುತ್ತಿರುವ ಕಾರಣ ನಾಳೆಯಿಂದ ಆ‌ 15ರವರೆಗೆ ಧರ್ಮಸ್ಥಳ, ಕಟೀಲು, ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಗಳಿಗೆ ಶನಿವಾರ, ಭಾನುವಾರ ಭಕ್ತರ ಪ್ರವೇಶಕ್ಕೆ ನಿರ್ಬಂಧ ಹೇರಲಾಗಿದೆ. ಉಳಿದ ದಿನ ಬೆಳಗ್ಗೆ...

ಒಲಿಂಪಿಕ್ಸ್: ಸೆಮೀಸ್’ನಲ್ಲಿ ಮಹಿಳೆಯರ ಹಾಕಿ ತಂಡಕ್ಕೆ ಸೋಲು

newsics.com ಟೋಕಿಯೋ: ಒಲಿಂಪಿಕ್ಸ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಸೆಮಿ ಫೈನಲ್ ಪ್ರವೇಶಿಸಿದ್ದ ಮಹಿಳಾ ಹಾಕಿ ತಂಡಕ್ಕೆ ನಿರಾಸೆಯಾಗಿದೆ. ತಂಡ ಸೆಮಿಫೈನಲ್ ನಲ್ಲಿ ಅರ್ಜೆಂಟೈನಾ ವಿರುದ್ಧ 1-2 ಗೋಲುಗಳ ಅಂತರದಿಂದ ಸೋಲನ್ನು ಅನುಭವಿಸಿದೆ. ಆದರೆ ಪದಕ...
- Advertisement -
error: Content is protected !!