Tuesday, May 24, 2022

ಸ್ವರಾರ್ಣವನಿಗೊಂದು ಪದನಮನ

Follow Us

ಎಸ್ಪಿಬಿಯವರ ಶರೀರ ಇಂದಿಲ್ಲವಾದರೂ ಅವರ ಶಾರೀರ, ಶಾರೀರದಿಂದ ಹೊರಬಂದ ಗಾನಸುಧೆ ನಮ್ಮನ್ನು ಕಾಲಾತೀತವಾಗಿ ಕಾಡುತ್ತವೆ. ಅವರಿಗೆ ಅವರೇ ಸಾಟಿ… ಸದಾ ಹಸನ್ಮುಖಿಯಾಗಿ, ಸುಸಂಸ್ಕೃತ ಹಾಗೂ ಸರಳ ಜೀವನ ಶೈಲಿಯಿಂದಲೇ ಜನರ ಗಮನ ಸೆಳೆದವರು. ನಿಜ ಅರ್ಥದಲ್ಲಿ, ತಾನೂ ಬೆಳಗಿ ಇತರರನ್ನೂ ಬೆಳಗಿಸಿದ ‘ಸಂಗೀತ ಲೋಕದ ದಿಲೀಪ’ ಎಸ್ಪಿಬಿ.

     ನುಡಿನಮನ     


♦ ಸುಮಾವೀಣಾ ಹಾಸನ
newsics.com@gmail.com


“ನಿಂ ತಾಗ ಬುಗುರಿಯ ಆಟ ಎಲ್ಲಾರು ಒಂದೇ ಓಟ ಕಾಲ ಕ್ಷಣಿಕ ಕಣೋ” ಎಸ್ ಪಿ.ಬಿ.ಯವರೇ ಹಾಡಿದ ಹಾಡು. ಭೂಮಿ ಅನ್ನುವ ಬಣ್ಣದ ಬುಗುರಿ ಬಿಟ್ಟು, ಬಾಳು ಅನ್ನುವ ಸುಂದರ ನಗರಿ ಬಿಟ್ಟು ತೆರಳಿದ ಸ್ವರಾರ್ಣವ ಬಾಲು ಸರ್ ನೀವು ಚಿರಂಜೀವಿಗಳು. ಕೊರೋನಾ ಪಿಡುಗಿನ ಈ ಕಾಲದಲ್ಲಿ ಕೊರೋನಾ ಕುರಿತ ಹಾಡೇ ಇವರ ಕಡೆಯ ಗೀತೆಯಾಗಿದ್ದು ವಿಪರ್ಯಾಸವೇ ಸರಿ. ಸಂಗೀತಕ್ಕೆ ಭಾಷೆ ಇಲ್ಲ ಮಾಧುರ್ಯವೇ ಭಾಷೆ ಎನ್ನುತ್ತಾರೆ. ಆ ಮಾಧುರ್ಯವನ್ನು ಉಸಿರಾಗಿಸಿಕೊಂಡವರು ಎಸ್.ಪಿ.ಬಿ. “ಆಡು ಮುಟ್ಟದ ಸೊಪ್ಪಿಲ್ಲ” ಎಂಬಂತೆ ಇವರು ಹಾಡದೆ ಇರುವ ಸಂಗೀತ ಪ್ರಕಾರವಿಲ್ಲ. ಆಗಿನ ಕಾಲಕ್ಕೆ ಗ್ರಾಮಾಫೋನಿನಲ್ಲಿ ಬರುತ್ತಿದ್ದ ಹಾಡುಗಳನ್ನು ಕೇಳಲೆಂದೇ ಚಹಾದಂಗಡಿ ಪ್ರವೇಶಿಸಿ ಕೇಳುವಿಕೆಯ ಮೂಲಕವೇ ಗಾಯನದ ಬೆಳಕನ್ನು ಕಂಡು ಗಾಯನ ಲೋಕಕ್ಕೆ ಬೆಳಗಾದವರು. ಹದಿನಾರು ಭಾಷೆಗಳಲ್ಲಿ ಹಾಡಿದ ಅಜಾತಶತ್ರು.
ಸಂಗೀತ ದಿಲೀಪ…
ಕವಿಗೆ ಕವಿ ಮಣಿಯುತ್ತಾನೆ ಎಂಬ ಮಾತಿನಂತೆ ಗಾಯಕನೂ ಗಾಯಕನಿಗೆ ಮಣಿಯುತ್ತಾನೆ ಎಂಬುದು ಅನೇಕ ಬಾರಿ ವೇದ್ಯವಾದದ್ದು “ಎದೆ ತುಂಬಿ ಹಾಡುವೆನು” ಕಾರ್ಯಕ್ರಮದ ಮೂಲಕ. ಅಷ್ಟು ಶ್ರೇಷ್ಟ ಗಾಯಕನಾಗಿ ಹೆಸರು ಮಾಡಿದ್ದರೂ ಪುಟ್ಟ ಮಕ್ಕಳನ್ನು ಆತ್ಮೀಯವಾಗಿ ಸ್ವಾಗತಿಸಿ ಮಕ್ಕಳ ಹಾಡನ್ನು ಮುದ್ದಾಡುತ್ತಿದ್ದ ಇವರ ಭಾವ ನಿಜಕ್ಕೂ ಅನನ್ಯ. ಎಸ್ಪಿಬಿಯವರ ಶರೀರ ಇಂದಿಲ್ಲವಾದರೂ ಅವರ ಶಾರೀರ, ಶಾರೀರದಿಂದ ಹೊರ ಬಂದ ಗಾನಸುಧೆ ನಮ್ಮನ್ನು ಕಾಲಾತೀತವಾಗಿ ಕಾಡುತ್ತವೆ. ಅವರಿಗೆ ಅವರೇ ಸಾಟಿ… ತಮ್ಮ ಗಾಯನ ಎಂಬ ಅದ್ಭುತ ಶಕ್ತಿಯಿಂದಲೇ ಸಂತೋಷ ಅನ್ನುವ ಶಕ್ತಿಯನ್ನು ಪ್ರೇಕ್ಷಕರಲ್ಲಿ ಅನನ್ಯವಾಗಿ ತುಂಬಿದವರು. ಸದಾ ಹಸನ್ಮುಖಿಯಾಗಿ, ಸುಸಂಸ್ಕೃತ ಹಾಗೂ ಸರಳ ಜೀವನ ಶೈಲಿಯಿಂದಲೇ ಸಾಮಾಜಿಕರ ಗಮನ ಸೆಳೆದವರು. ಇವರು ಪಡೆಯದ ಪ್ರಶಸ್ತಿಗಳಿಲ್ಲ, ಸ್ವೀಕರಿಸದ ಗೌರವಗಳಿಲ್ಲ. ನಿಜ ಅರ್ಥದಲ್ಲಿ ಸಂಗೀತ ಕ್ಷೇತ್ರದ ದಿಲೀಪರು. ತಾನೂ ಬೆಳಗಿ ಇತರರನ್ನೂ ಬೆಳಗಿಸಿದವರು.
ಕಾಡುವ ಹಾಡುಗಳು…
ಧ್ವನಿ ವ್ಯತ್ಯಾಸ ಮಾಡಿ ಇವರಂತೆ ಮತ್ತೊಬ್ಬರು ಹಾಡಿದವರಿಲ್ಲ. ಅನುಪಮ ಚಿತ್ರದ “ಬರ್ತಾಳೆ ಕನಸಿನ ರಾಣಿ ಹಾಡನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.1980ರಲ್ಲಿ ತೆರೆಕಂಡ “ಎಲ್ಲಿಂದಲೋ ಬಂದವರು” ಚಲನಚಿತ್ರದ “ಕೆಂಪಾದವೋ ಎಲ್ಲ ಕೆಂಪಾದವೋ” ಎಂಬ ಗೀತೆಯೊಂದಿಗೇ ಪ್ರಸಿದ್ಧ. ಇದು ಪಿ. ಲಂಕೇಶರ ಸುಮಧುರ ಮತ್ತು ಅರ್ಥವತ್ತಾದ ಈ ಗೀತೆ. ಈ ಗೀತೆಯನ್ನು ಸುಮಧುರವಾಗಿ ಹಾಡಿದವರು ಎಸ್.ಪಿ ಬಿಯವರು. “ಹಸುರಿದ್ದ ಗಿಡಮರ ಬೆಳ್ಳಗಿದ್ದ ಹೂವೆಲ್ಲ ನೆತ್ತರ ಕುಡಿದ್ಹಾಂಗೆ ಕೆಂಪಾದವೋ”, “ನುಡಿ ನುಡಿಗೂ ಹೋದಾಗ ಪಚ್ಚೆಯ ತೆನೆಯಂತ ಭೂಮಿಯೂ ಎಲ್ಲಾನೂ ಕೆಂಪಾದವೋ” ಎಂಬ ರಮ್ಯ ಸಾಲುಗಳು ಸಂಗೀತ ರಸಿಕರನ್ನು ನಿತ್ಯ ಕಾಡುತ್ತವೆ. ಮಾಮರವೆಲ್ಲೋ, ಆಸೆಯ ಭಾವ, ನೋಡಿ ಸ್ವಾಮಿ ನಾವಿರೋದೇ ಹೀಗೆ, ಶಿಲೆಗಳು ಸಂಗೀತವ ಹಾಡಿವೆ, ಸೇವಂತಿಯೇ, ನಗುವ ಗುಲಾಬಿ ಹೂವೆ. ಅಪರಾಧಿ ನಾನಲ್ಲ… ಮುಂತಾದ ವೈವಿಧ್ಯಮಯ ಹಾಡುಗಳ ಸರದಾರ ಭೌತಿಕವಾಗಿ ನಮ್ಮೊಂದಿಗಿಲ್ಲದಿದ್ದರೂ ಸ್ವರದಲ್ಲಿ ಸದಾ ಇರುತ್ತಾರೆ.
‘ಶ್ರೀನಿವಾಸ ಕಲ್ಯಾಣ’ ಚಿತ್ರದ ಇವರೇ ಹಾಡಿದ ಭಕ್ತಿರಸಗಮ್ಯವಾದ ಹಾಡು “ಪವಡಿಸೂ ಪರಮಾತ್ಮ…” ಅದರೆ ಈ ದಿನ ಬದುಕಿನ ಹಾಡನ್ನು ಮುಗಿಸಿ ಚಿರ ನಿದ್ರೆಗೆ ಜಾರಿದ್ದಾರೆ. ಸರಿ! ಸ್ವರ ಸಂಜೀವಿಗಳೆ ಪವಡಿಸಿ, ಸ್ವರಮಾಂತ್ರಿಕರೆ ಶ್ರೀ ಗಾನಗಂಧರ್ವರೆ… ಬಾಳ ಕಥೆ ಮುಗಿದರೂ ನಿಮ್ಮ ಗಾನ ಬಂಧನ ಎಂದೆಂದಿಗೂ ಸ್ಥಾಯಿ.

ಗಾನ ಗಾರುಡಿಗ ಇನ್ನು ಗಾನ ಲೀನ…

ನನ್ನ ಸಮಾಧಿ ಮೇಲೆ ಈ ಸಾಲುಗಳಿರಲಿ…

ಗಾನಲೋಕದ ಗಾನ ಗಾರುಡಿಗ…

ನಿಮ್ಮ ಹಾಡುಗಳೊಂದಿಗೇ ಬೆಳೆದವರು ನಾವು…

ಮತ್ತಷ್ಟು ಸುದ್ದಿಗಳು

Latest News

ಬಸ್ ನಿಲ್ದಾಣದಲ್ಲಿ ಮಗು ಸಿಕ್ಕ ಪ್ರಕರಣಕ್ಕೆ ಟ್ವಿಸ್ಟ್ : ತನಿಖೆಯಲ್ಲಿ ಬಯಲಾಯ್ತು ಅಕ್ರಮ ಸಂಬಂಧದ ಅಸಲಿಯತ್ತು

newsics.com ಮೈಸೂರು: ಕಳೆದ 15 ದಿನಗಳ ಹಿಂದೆ ರಾಯಚೂರಿನ ಬಸ್ ನಿಲ್ದಾಣದಲ್ಲಿ ಮಹಿಳೆಯೊಬ್ಬರು ಯುವಕನ ಕೈಗೆ ಮಗುವನ್ನು ಕೊಟ್ಟು ಪರಾರಿಯಾದ ಪ್ರಕರಣ ಇದೀಗ ಹೊಸ ತಿರುವನ್ನೇ ಪಡೆದುಕೊಂಡಿದೆ....

ಪ್ರವಾಸಿಗರನ್ನು ಸ್ಕೂಬಾ ಡೈವಿಂಗ್ ಗೆ ಹೊತ್ತೊಯ್ದ ದೋಣಿ ಮುಳುಗಡೆ; ಇಬ್ಬರು ಸಾವು

newsics.com ಮಹಾರಾಷ್ಟ್ರ: ಸ್ಕೂಬಾ ಡೈವಿಂಗ್ ವೇಳೆ 20 ಪ್ರವಾಸಿಗರನ್ನು ಹೊತ್ತೊಯ್ಯುತ್ತಿದ್ದ ದೋಣಿಯು ಮುಳುಗಿ ಇಬ್ಬರು ಸಾವನ್ನಪ್ಪಿರುವ ಘಟನೆ ಮಹಾರಾಷ್ಟ್ರದ ಸಿಂಧುದುರ್ಗ ಜಿಲ್ಲೆಯಲ್ಲಿ ನಡೆದಿದೆ. ಅಷ್ಟೇ ಅಲ್ಲದೇ ನಾಲ್ವರ ಸ್ಥಿತಿ ಗಂಭೀರವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಮಹಾರಾಷ್ಟ್ರದ...

ತಮ್ಮ ಪಾಠ ಸೇರ್ಪಡೆಗೆ ಅನುಮತಿ ನಿರಾಕರಿಸಿದ ಲೇಖಕ ದೇವನೂರ ಮಹಾದೇವ

newsics.com ಮೈಸೂರು: 'ನನ್ನ ಪಾಠ ಸೇರಿದ್ದರೆ ಕೂಡಲೇ ಕೈ ಬಿಡಬೇಕು' ಎಂದು ಪಠ್ಯ ಪುಸ್ತಕ ಪರಿಷ್ಕರಣೆಗೆ ವಿರೋಧ ವ್ಯಕ್ತಪಡಿಸಿರುವ ಲೇಖಕ ದೇವನೂರ ಮಹಾದೇವ ತಮ್ಮ ಪಾಠ ಸೇರ್ಪಡೆಗೆ ಅನುಮತಿ ನಿರಾಕರಿಸಿದ್ದಾರೆ. 'ನನ್ನದೊಂದು ಕಥನವನ್ನು ಹತ್ತನೇ ತರಗತಿ...
- Advertisement -
error: Content is protected !!