ನಟಿ ಉಮಾಶ್ರೀ ಮತ್ತೆ ಕಿರುತೆರೆಗೆ

ಬೆಂಗಳೂರು: ಹಿರಿಯ ನಟಿ ಉಮಾಶ್ರೀ ಅವರು ಕಿರುತೆರೆಯಲ್ಲಿ ಕಾಣಿಸಿಕೊಳ್ಳಲು ನಿರ್ಧರಿಸಿದ್ದಾರೆ.
‘ಆರತಿಗೊಬ್ಬ ಕೀರ್ತಿಗೊಬ್ಬ’ ಸೀರಿಯಲ್​ನಲ್ಲಿ ಕಥಾನಾಯಕರಿಬ್ಬರ ತಾಯಿಯಾಗಿ ‘ಪುಟ್ಮಲ್ಲಿ’ ಹೆಸರಿನ ಪಾತ್ರದಲ್ಲಿ ಅವರು ನಟಿಸುತ್ತಿದ್ದಾರೆ. ‘ಪುಟ್ನಂಜ’ ಸಿನಿಮಾದಲ್ಲಿ ಕಥಾನಾಯಕನ ಅಜ್ಜಿಯಾಗಿ, ಇದೇ ಹೆಸರಿನ ಪಾತ್ರಕ್ಕೆ ಅವರು ಬಣ್ಣ ಹಚ್ಚಿದ್ದರು.
ರಾಜಕೀಯ ಪ್ರವೇಶದ ಬಳಿಕ ಬಣ್ಣದ ಲೋಕದಿಂದ ಕೊಂಚ ಅಂತರ ಕಾಯ್ದುಕೊಂಡಿದ್ದರು. ಈ ಹಿಂದೆ ‘ಅಮ್ಮ ನಿನಗಾಗಿ’, ‘ಮುಸ್ಸಂಜೆ’, ‘ಕಿಚ್ಚು’ ಮುಂತಾದ ಧಾರಾವಾಹಿಗಳಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಈಗ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಮೈಸೂರು ಮಂಜು ನಿರ್ದೇಶನದಡಿ ಮೂಡಿಬರಲಿರುವ ಈ ಧಾರಾವಾಹಿಯಲ್ಲಿ ಅವಳಿ ಮಕ್ಕಳ ತಾಯಿಯ ಪಾತ್ರವನ್ನು ಉಮಾಶ್ರೀ ನಿಭಾಯಿಸುತ್ತಿದ್ದಾರೆ.