ಬಿಗ್ ಬಾಸ್ ಫ್ಯಾಮಿಲಿ ಅವಾರ್ಡ್ಸ್: ಕಿರುತೆರೆಯ 15 ತಾರೆಯರ ಹೊಸ ಜರ್ನಿ

newsics.com
ಬೆಂಗಳೂರು: ಬಿಗ್ ಬಾಸ್ ಸೀಸನ್ 8 ಮುಗಿಯುತ್ತಿದ್ದಂತೆ ಬಿಡದಿಯ ಬಿಗ್ ಬಾಸ್ ಮನೆಯಲ್ಲಿ ಬಿಗ್​ ಬಾಸ್ ಫ್ಯಾಮಿಲಿ ಅವಾರ್ಡ್ಸ್ ಕಾರ್ಯಕ್ರಮ ಆರಂಭವಾಗುತ್ತಿದೆ.
15 ಮಂದಿ ಸೆಲೆಬ್ರಿಟಿಗಳು 6 ದಿನಗಳ ಕಾಲ ಮನೆಯಲ್ಲಿ ಇರಲಿದ್ದಾರೆ.
ಕಲರ್ಸ್​ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಧಾರಾವಾಹಿಯ ನಟ, ನಟಿಯರು ಸೇರಿದಂತೆ ಕಳೆದ 7 ಸೀಸನ್ ಗಳ ಸ್ಪರ್ಧಿಗಳೂ ಇರಲಿದ್ದಾರೆ.
ಈಗಾಗಲೇ ಇದರ ಪ್ರೋಮೋ ರಿಲೀಸ್ ಆಗಿದ್ದು, ವೀಕ್ಷಕರು ಹುಬ್ಬೇರಿಸಿದ್ದಾರೆ.
ಬಿಗ್ ಬಾಸ್ ಫ್ಯಾಮಿಲಿ ಅವಾರ್ಡ್ಸ್ ನಲ್ಲಿ ನಿರಂಜನ್​ ದೇಶಪಾಂಡೆ, ಅಕುಲ್ ಬಾಲಾಜಿ, ನಯನಾ ನಾಗರಾಜ್​, ಹೃತ್ವಿಕ್​ ಮಠದ, ಅಭಿನವ್​ ವಿಶ್ವನಾಥನ್​, ಚಂದನಾ ಅನಂತಕೃಷ್ಣ, ಕಿರಣ್ ರಾಜ್​, ಧನುಷ್​, ಭವ್ಯಾ ಗೌಡ, ತ್ರಿವಿಕ್ರಮ್​, ಗಗನ್​ ಚಿನ್ನಪ್ಪ, ಪ್ರೇರಣಾ ಹಾಗೂ ಕೌಸ್ತುಬಾ ಮಣಿ ಇರಲಿದ್ದಾರೆ. ಈಗಾಗಲೇ ಈ ಸೆಲೆಬ್ರಿಟಿಗಳು ಬಿಗ್ ಬಾಸ್​ ಮನೆ ಸೇರಿಕೊಂಡಿದ್ದು, ಇದೇ ಶನಿವಾರ ಹಾಗೂ ಭಾನುವಾರ ಸಂಜೆ 4ಕ್ಕೆ ಚಾಲನೆ ಸಿಗಲಿದೆ.
ಸುದೀಪ್ ಕೂಡ ಒಂದು ದಿನ ಬಂದು ಕಾರ್ಯಕ್ರಮ ನಡೆಸಿಕೊಡುತ್ತಾರೆ ಎಂದು ಹೇಳಲಾಗುತ್ತಿದೆ.