ತಿರುಪತಿ ದೇಗುಲ ವೆಬ್ ನಲ್ಲಿ ಕ್ರೈಸ್ತ ಸಂದೇಶ! 

ತಿರುಮಲ: ತಿರುಮಲ ತಿಮ್ಮಪ್ಪ ದೇವಸ್ಥಾನದ ಅಧಿಕೃತ ವೆಬ್‌ಸೈಟ್ www. thirumala.org ನಲ್ಲಿ ಕ್ರೈಸ್ತ ಪ್ರಾರ್ಥನೆಯ ಸಾಲುಗಳು ಕಾಣಿಸಿಕೊಂದಿರುವುದಕ್ಕೆ ಹಿಂದೂ ಭಕ್ತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.ದೇಗುಲದ 2020ರ ಕ್ಯಾಲೆಂಡರ್ ಹಾಗೂ ಡೈರಿಯನ್ನು ಡೌನ್ಲೌಡ್ ಮಾಡಿಕೊಳ್ಳಲು ಭಕ್ತರಿಗೆ ಅವಕಾಶ ಕಲ್ಪಿಸಲಾಗಿತ್ತು. ಭಕ್ತರು ವೆಬ್ಸೈಟ್ ತೆರೆದಾಗ ಶ್ರೀಯೇಸಯ್ಯ ಎಂಬ ಸಾಲಿನ ಲಿಂಕ್ ಕಾಣಿಸಿಕೊಂಡಿದೆ. ತಕ್ಷಣ ದೇವಾಲಯದ ಆಡಳಿತ ಮಂಡಳಿ ವೆಬ್ಸೈಟ್ನಲ್ಲಿದ್ದ ಲಿಂಕ್ ತೆಗೆದು ಕ್ಯಾಲೆಂಡರ್ ಡೌನ್ಲೋಡ್ ಗೆ ಅವಕಾಶ ಕಲ್ಪಿಸಿದೆ. ಈ ಹಿನ್ನೆಲೆಯಲ್ಲಿ ಟಿಟಿಡಿ ಆಡಳಿತ ಮಂಡಳಿ ವೆಬ್ಸೈಟ್ ಹ್ಯಾಕ್ ಆಗಿದೆಯೇ ಎಂದು ಪರಿಶೀಲಿಸುವಂತೆ ಸೂಚಿಸಿತನಿಖೆಗೆ ಆದೇಶಿಸಿದೆ.