ವಂಚನೆ: ಕಣ್ವ ಗ್ರೂಪ್ ಮಾಲೀಕ ಬಂಧನ

ಬೆಂಗಳೂರು: ಹೂಡಿಕೆದಾರರಿಗೆ ವಂಚನೆ ಹಿನ್ನೆಲೆಯಲ್ಲಿ ಕಣ್ವ ಗ್ರೂಪ್ ಮಾಲೀಕ ನಂಜುಂಡಯ್ಯ ಅವರನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದಾರೆ. ಕಣ್ವ ಗ್ರೂಪ್ ನ ಕಣ್ವ ಕೋ ಆಪರೇಟಿವ್ ಸೊಸೈಟಿ ತನ್ನ ಗ್ರಾಹಕರಿಗೆ ಸೈಟ್ ಕೊಡಿಸುವುದಾಗಿ ಹೇಳಿ ನಿವೇಶನವನ್ನೂ ನೀಡದೆ, ಸಾವಿರಾರು ಕೋಟಿ ರೂ.ಗಳನ್ನೂ ಮರಳಿಸದೆ ವಂಚಿಸಿದೆ ಎಂಬ ಆರೋಪದಡಿ ತನಿಖೆ ಕೈಗೊಂಡಿದ್ದ ಬೆಂಗಳೂರಿನ ಬಸವೇಶ್ವರನಗರ ಠಾಣೆ ಪೊಲೀಸರು‌ ಶುಕ್ರವಾರ ಬಂಧಿಸಿದ್ದಾರೆ. ನಿವೇಶನ ಕೊಡಿಸುವುದಾಗಿ ತನ್ನಿಂದ 16 ಲಕ್ಷ ರೂ. ಪಡೆದು ವಂಚಿಸಿದ್ದಾರೆ ಎಂದು ಮುನಿಯಪ್ಪ ಎಂಬುವರು ಪೊಲೀಸರಿಗೆ ದೂರು ‌ನೀಡಿದ್ದರು. ನಂಜುಂಡಯ್ಯ ವಿರುದ್ಧ ನಾಲ್ಕು ಪ್ರಕರಣಗಳು ದಾಖಲಾಗಿದ್ದವು. ಬೆಂಗಳೂರು ಪೊಲೀಸ್ ಕಮಿಷನರ್ ಭಾಸ್ಕರರಾವ್ ಸೂಚನೆ‌ ಮೇರೆಗೆ ಈ ಪ್ರಕರಣ ಇಂದು ಸಂಜೆ ಸಿಸಿಬಿಗೆ ವರ್ಗಾವಣೆಯಾಗಲಿದೆ.