ಶಬರಿಮಲೆಗೆ ಮಹಿಳೆಯರ ಪ್ರವೇಶ ಸಾಧ್ಯತೆ-ಗುಪ್ತಚರ ವರದಿ ಎಚ್ಚರಿಕೆ

ಶಬರಿಮಲೆಗೆ ಈ ಬಾರಿ ಕೂಡ ಇತರ ರಾಜ್ಯಗಳ ಮಹಿಳೆಯರು ಪ್ರವೇಶಿಸಲು ಯತ್ನಿಸಬಹುದು ಎಂಬ ಮಾಹಿತಿ ಪೊಲೀಸರಿಗೆ ದೊರೆತಿದೆ. ಗುಪ್ತಚರ ಇಲಾಖೆ ಇದನ್ನು ದೃಢೀಕರಿಸಿದೆ. ಮುಖ್ಯವಾಗಿ ಇತರ ರಾಜ್ಯಗಳಲ್ಲಿನ ಮಹಿಳಾ ಹಕ್ಕು ಹೋರಾಟಗಾರರು ಶಬರಿಮಲೆ ಪ್ರವೇಶಕ್ಕೆ ಸಿದ್ದತೆ ನಡೆಸಿದ್ದಾರೆ. ಈ ಬಗ್ಗೆ ಗುಪ್ತಚರ ಇಲಾಖೆ ಬಳಿ ಮಾಹಿತಿ ಇದೆ ಎನ್ನಲಾಗಿದೆ. ಕಳೆದ ಬಾರಿ ಶಬರಿಮಲೆ ಪ್ರವೇಶಕ್ಕೆ ಸುಪ್ರೀಂ ಕೋರ್ಟ್ ಮಹಿಳೆಯರಿಗೆ ಅವಕಾಶ  ನೀಡಿತ್ತು. ಆದರೆ ಇದಕ್ಕೆ ಹಿಂದೂಪರ ಸಂಘಟನೆಗಳಿಂದ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು. ಹದಿನೈದು ಸಾವಿರಕ್ಕೂ ಹೆಚ್ಚು ಭದ್ರತಾ ಸಿಬ್ಬಂದಿಯನ್ನು ದೇವಸ್ಥಾನದಲ್ಲಿ ನಿಯೋಜಿಸಲಾಗಿತ್ತು.