ಶಬರಿಮಲೆ ಇಂದು ಅಯ್ಯಪ್ಪ ದರ್ಶನ ಆರಂಭ

ಮಂಡಲಪೂಜೆ ಮಹೋತ್ಸವಕ್ಕೆ ಶಬರಿಮಲೆ ಸಜ್ಜಾಗಿದ್ದು, ಇಂದು ಸಂಜೆ ದೇವಸ್ಥಾನದ ಬಾಗಿಲು ತೆರೆಯಲಿದೆ. ಸುಮಾರು ಒಂದು ತಿಂಗಳ ಕಾಲ ಮಂಡಲ ಅವಧಿಯಲ್ಲಿ ಲಕ್ಷಾಂತರ ಭಕ್ತರು ಭೇಟಿ ನೀಡಲಿದ್ದಾರೆ. ಈ ಮಧ್ಯೆ ಕೇರಳ ಸರ್ಕಾರ ಎಚ್ಚರಿಕೆಯ ಹೆಜ್ಜೆ ಇಟ್ಟಿದೆ. ಮಹಿಳೆಯರು ದೇವಸ್ಥಾನ ಪ್ರವೇಶಿಸಲು ಇಚ್ಚಿಸುವುದಾದರೆ ನ್ಯಾಯಾಲಯದಿಂದ ಮೊದಲು ಆದೇಶ ಪತ್ರ ತರಬೇಕು. ಬಳಿಕವಷ್ಟೇ ಅವರ ಬೇಡಿಕೆ ಪರಿಗಣಿಸುವುದಾಗಿ ಹೇಳಿದೆ. ಶಬರಿಮಲೆಯಲ್ಲಿ ಕಾನೂನು ಮತ್ತು ಶಿಸ್ತು ಪಾಲನೆಗೆ ಮೊದಲ ಆದ್ಯತೆ ಎಂದು ಸರ್ಕಾರ ಹೇಳಿದೆ. ಯಾವುದೇ ಪ್ರಚಾರ ಅಭಿಯಾನಕ್ಕೆ ಶಬರಿಮಲೆ ಸೂಕ್ತ ಸ್ಥಳವಲ್ಲ. ಅದು ಭಕ್ತಿಯ ತಾಣ. ಭಕ್ತರು   ಯಾವುದೇ ಆತಂಕಕ್ಕೆ ಒಳಗಾಗಬಾರದು ಎಂಬ ನಿರ್ಧಾರಕ್ಕೆ ರಾಜ್ಯ ಸರ್ಕಾರ ಬಂದಿದೆ.