ಮಸಾಲೆ ಚಹಾಕ್ಕೆ ದಾಲ್ಚಿನ್ನಿ , ಏಲಕ್ಕಿ ,ಒಣ ಶುಂಠಿಯಂತಹ ಮಸಾಲೆಗಳು ಹಾಗೂ ಗಿಡಮೂಲಿಕೆಗಳನ್ನು ಸೇರಿಸುವುದರಿಂದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಜ್ವರ, ಅಲರ್ಜಿಯನ್ನು ತೆಗೆದು ಹಾಕುತ್ತದೆ.
ಚಹಾಕ್ಕೆ ಮಸಾಲೆಗಳನ್ನು ಸೇರಿಸುವುದರಿಂದ ಇದು ಪರಿಮಳ ನೀಡುವುದಲ್ಲದೇ ಶಕ್ತಿಯನ್ನು ಪಡೆಯಲು ಸಹಕಾರಿ.
• ಡಾ.ಬಿ. ಅಹಲ್ಯಾ
newsics.com@gmail.com
ಬೆಳಗ್ಗೆ ಒಂದು ಕಪ್ ಬಿಸಿ ಮಸಾಲೆಯುಕ್ತ ಚಹಾ ಕುಡಿಯುವುದು ದೇಹಕ್ಕೆ ಬೇಕಾದ ಉಷ್ಣತೆಯನ್ನು ನೀಡುತ್ತದೆ. ದಾಲ್ಚಿನ್ನಿ , ಏಲಕ್ಕಿ , ಲವಂಗ, ಜಾಯಿಕಾಯಿ, ಕೇಸರಿ, ಶುಂಠಿ ಮಸಾಲೆಗಳು ದೇಹಕ್ಕೆ ಶಾಖವನ್ನು ನೀಡುತ್ತದೆ. ಜೀರ್ಣಕ್ರಿಯೆಗೆ ಸಹಕರಿಸುತ್ತದೆ. ಇದನ್ನು ಅತಿಯಾಗಿ ಕುಡಿಯುವುದು ಕೂಡ ಉತ್ತಮವಲ್ಲ.
ಚಹಾಕ್ಕೆ ಪೆನ್ನೆಲ್, ಕೇರಂ ಬೀಜಗಳನ್ನು ಸೇರಿಸುವುದರಿಂದ ಜೀರ್ಣಾಂಗ ವ್ಯವಸ್ಥೆ ಆರೋಗ್ಯವಾಗಿರುತ್ತದೆ. ದೇಹದಿಂದ ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ.
ಮಸಾಲೆ ಚಹಾಕ್ಕೆ ದಾಲ್ಚಿನ್ನಿ , ಏಲಕ್ಕಿ ,ಒಣ ಶುಂಠಿಯಂತಹ ಮಸಾಲೆಗಳು ಹಾಗೂ ಗಿಡಮೂಲಿಕೆಗಳನ್ನು ಸೇರಿಸುವುದರಿಂದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಜ್ವರ, ಅಲರ್ಜಿಯನ್ನು ತೆಗೆದು ಹಾಕುತ್ತದೆ.
ಚಹಾಕ್ಕೆ ಮಸಾಲೆಗಳನ್ನು ಸೇರಿಸುವುದರಿಂದ ಇದು ಪರಿಮಳ ನೀಡುವುದಲ್ಲದೇ ಶಕ್ತಿಯನ್ನು ಪಡೆಯಲು ಸಹಕಾರಿ. ಜೀರ್ಣಕ್ರಿಯೆಗೆ ಪ್ರಯೋಜನಕಾರಿ.ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ.
ಚಹಾದಲ್ಲಿ ಮಸಾಲೆ ಬೆರೆಸಿ ಮತ್ತು ಬೆಳಿಗ್ಗೆ ಕುಡಿಯುವುದರಿಂದ ತೂಕ ಇಳಿಕೆಗೆ ನೆರವಾಗುತ್ತದೆ. ಲವಂಗ , ದಾಲ್ಚಿನ್ನಿ ಮತ್ತು ಜಾಯಿಕಾಯಿಯಂತಹ ಮಸಾಲೆಗಳು ತೂಕ ನಷ್ಟ ಪ್ರಕ್ರಿಯೆ ವೇಗವಾಗಿ ಸಾಗಲು ಸಹಾಯ ಮಾಡುತ್ತದೆ. ಈ ಮಸಾಲೆಗಳು ಕೊಬ್ಬನ್ನು ಸುಡಲು ಹಾಗೂ ಹಸಿವನ್ನು ಕಡಿಮೆ ಮಾಡಲು ನೆರವಾಗುತ್ತದೆ. ಇವು ಹೃದಯದ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
ಅರಿಶಿನ ಹಾಗೂ ಲವಂಗದಂತಹ ಮಸಾಲೆಗಳು ಉರಿಯೂತದ ವಿರುದ್ಧ ಹೋರಾಡುತ್ತದೆ.ನೋವು ಹಾಗೂ ಗಾಯಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
ಇವುಗಳಿಂದ ಅನುಕೂಲವೂ ಇದೆ. ಅನಾನುಕೂಲವೂ ಇದೆ. ಮಸಾಲಾ ಟೀ ಸೇವನೆಯಿಂದ ಹೊಟ್ಟೆ ನೋವು , ಮಲಬದ್ಧತೆ ,ಅತಿಸಾರದಂತಹ ತೊಂದರೆ ಉಂಟಾಗಬಹುದು. ಇದರಲ್ಲಿ ಕೆಫೀನ್ ಇರುತ್ತದೆ.ಒತ್ತಡ ಹಾಗೂ ಆತಂಕದಿಂದ ಬಳಲುವವರಿಗೆ ಇದು ಒಳ್ಳೆಯದಲ್ಲ. ಯಾವುದೇ ನಿರ್ದಿಷ್ಟ ಮಸಾಲೆಯ ಅಲರ್ಜಿ ಇದ್ದರೆ ಮಸಾಲೆ ಟೀ ಸೇವಿಸಬೇಡಿ. ಬಿಪಿ ಸಮಸ್ಯೆ ಇದ್ದರೂ ಸೇವಿಸಬೇಡಿ.
ಮಸಾಲೆ ಟೀ ಕುಡಿಯಲು ಇಷ್ಟ ಪಡುತ್ತಿದ್ದರೆ ಒಂದು ಕಪ್ ಕುಡಿಯಬಹುದು ಎಂಬುದನ್ನು ನೆನಪಿಡಿ. ಮನೆಯಲ್ಲಿ ಇರುವ ಮಸಾಲೆಗಳಿಂದ ಟೀ ತಯಾರಿಸಿ. ಇದರಿಂದ ಹಾನಿಯಾಗದು.
