Saturday, April 17, 2021

ಭೂ ಗೋಳು

♦ ನಂದಿನಿ ಹೆದ್ದುರ್ಗ
response@134.209.153.225
newsics.com@gmail.com

 ಆ ದೊಡ್ಡ ಆಟದ ಬಯಲಲ್ಲಿ
ಎಲ್ಲೆಲ್ಲೂ ದುಂಡುದುಂಡಾದ ಕಲ್ಲು.
ಹೊಸದಾಗಿ ಬಂದ ಮಗುವಿಗಚ್ಚರಿ.
ಕೇಳಿತು..”ಯಾಕಿಲ್ಲಿ ಕಲ್ಲೆಲ್ಲಾ ಗೋಲಿ.?”
ಕೇಳಿತೇ ನಿಟ್ಟುಸಿರು?
ಊರ ಜೀವಗಳ ದಾಹ ನೀಗಿಸಿದ ಜಾಗವದು;
ಇದೀಗ ಮಕ್ಕಳಾಟದ ಬೆವರು
ಉಗಿದ ಉಗುಳೇ
ಅದರ ಬಾಯಿಗೆ ನೀರು.

ಭಾರಿ ಭಾರಿ ಕರಿಯ ಹೆಬ್ಬಾವು ರಸ್ತೆ.
ಒಂದರ ಪಕ್ಕದಲೊಂದು;
ಮೇಲೆ ಹರಿದಾಡುತ್ತಿವೆ ಇರುವೆ ಗೊದ್ದಗಳಂತೆ ವಾಹನಗಳು ಸಾಲು ಸಾಲು.
ಪಕ್ಕದಲ್ಲೇ ಸತ್ತು ಮಲಗಿವೆ ಶತಮಾನದ ನೆನಪುಗಳು.
ಅಭಿವೃದ್ಧಿಯ ಹೆಸರಿನಲ್ಲಿ ನಡೆಯುತ್ತಿದೆ ಶ್ರಾದ್ಧ.
ಗೊತ್ತೇ ನಿಮಗೆ?
ಸಣ್ಣಪುಟ್ಟ ಮಣ್ಣ ರಸ್ತೆ ದೇಶದ ಪ್ರಗತಿಗೆ ವಿರುದ್ಧ.

ಎದೆಹಾಲು ಬಾಟಲಿಗೆ ತುಂಬುವಾತುರದಲ್ಲಿ
ಬೆಟ್ಟದೆದೆಗೆ ಚೂರಿ ಇರಿತ.
ಭಾರಿ ಕೊರೆತ;
ಜೀವಜಲದ ಮೇಲ್ಸೆಳೆತ.
ಎಳೆದಷ್ಟೂ ಉಳಿಯುವುದಿಕೆ
ಒಳಗಿದೆಯೇ ಅಕ್ಷಯಪಾತ್ರೆ?
ಮೇಲಿಂದ ಜೀವಜಲ ಸುರಿಯಬೇಕೆನಲು ಕಾಡೆಲ್ಲಾ ಬೋಳುಬೋಳು;
ತೇಗಬೀಟೆಯ ಬಾಗಿಲಿಲ್ಲದ ಮನೆ.
ಛೇ!
ಅದೇನು ಚಂದ?

ಬೆಟ್ಟ ಬರಿದಾದರೆ ಆಗಲಿ ಬಿಡಿ
ಕಟ್ಟುವೆವು ನಾವು ಕಸದ ಬೆಟ್ಟವೊಂದನ್ನು.
ಉಸಿರಾಡಲು ಹಸಿರೇ ಏಕೆ ಬೇಕು?
ಆಕ್ಸಿಜನ್ ಸಿಲಿಂಡರ್ ಸಾಕು;
ಮಳೆಚಕ್ರ ಇನ್ಯಾಕೆ.?
ಮೋಡದ ಬೀಜವಿದೆ ನಮಗೆ‌ ಬಿತ್ತುವುದಕೆ.
ನರಲೋಕದಲ್ಲಿ ನಡೆಯಲಿ ಅಭಿವೃದ್ಧಿಯ ದರ್ಬಾರು;
ಬಾಯಾರಿದಾಗ ನೀರೇ ಯಾಕೆ?
ಇಲ್ಲವೇ ಎಲ್ಲೆಡೆ ಬಾರು.
ನಡೆಯಲಿ ಕಾರುಬಾರು…!

ಮತ್ತಷ್ಟು ಸುದ್ದಿಗಳು

Latest News

ಆಸ್ಪತ್ರೆಗೆ ನುಗ್ಗಿ 850 ರೆಮಿಡಿಸಿವರ್ ಇಂಜೆಕ್ಷನ್ ಕಳ್ಳತನ

newsics.com ಭೋಪಾಲ್(ಮಧ್ಯಪ್ರದೇಶ): ಇಲ್ಲಿನ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ನುಗ್ಗಿದ ದುಷ್ಕರ್ಮಿಗಳು 850 ರೆಮಿಡಿಸಿವರ್ ಇಂಜೆಕ್ಷನ್ ಗಳನ್ನು ಕಳ್ಳತನ ಮಾಡಿದ್ದಾರೆ. ದೇಶದಲ್ಲಿ ಕೊರೋನಾ ಸೋಂಕು ಹೆಚ್ಚಾಗುತ್ತಿರುವ ನಡುವೆ ಕಾಳಸಂತೆಯಲ್ಲಿ ಔಷಧ...

ಕೇಂದ್ರ ಸಚಿವ ಕಿರೆನ್ ರಿಜಿಜುಗೆ ಕೊರೋನಾ ಸೋಂಕು

newsics.com ನವದೆಹಲಿ: ಕೇಂದ್ರ ಸಚಿವ ಕಿರೆನ್ ರಿಜಿಜು ಅವರಿಗೆ ಶನಿವಾರ ಕೊರೋನಾ ಸೋಂಕು ತಗುಲಿದೆ. ಈ ವಿಷಯವನ್ನು ಸ್ವತಃ ಸಚಿವ ಕಿರೆನ್ ರಿಜಿಜು ಅವರೇ ತಿಳಿಸಿದ್ದಾರೆ. ಟ್ವಿಟರ್ ನಲ್ಲಿ ಈ‌ ಮಾಹಿತಿ ಹಂಚಿಕೊಂಡಿರುವ ರಿಜಿಜು,...

ಕೊರೋನಾ ಸೋಂಕಿತರ ಚಿಕಿತ್ಸೆಗೆ ‌ಬಳಸುವ ರೆಮ್​ಡಿಸಿವಿರ್ ಇಂಜೆಕ್ಷನ್ ಬೆಲೆ ಇಳಿಕೆ

newsics.com ನವದೆಹಲಿ: ಕೊರೋನಾ ಸೋಂಕಿತ ರೋಗಿಗಳ ಚಿಕಿತ್ಸೆಗೆ ಬಳಸುವ ರೆಮ್​ಡಿಸಿವಿರ್ ಇಂಜೆಕ್ಷನ್ ಬೆಲೆಯನ್ನು ಫಾರ್ಮಾ ಕಂಪೆನಿಗಳು ‌ಸ್ವಪ್ರೇರಣೆಯಿಂದ ಇಳಿಕೆ ಮಾಡಿವೆ. ಕೆಡಿಲಾ ಕಂಪನಿಯು ತನ್ನ ರೆಮ್ಡೆಕ್ ಬ್ರಾಂಡಿನ ರೆಮ್ಡೆಸಿವಿರ್ ಬೆಲೆಯನ್ನು 2800 ರೂ.ನಿಂದ 899 ರೂಪಾಯಿಗೆ...
- Advertisement -
error: Content is protected !!