Friday, February 3, 2023

ಕೊಕ್ಕರೆ ಹಾಗೂ ಹುಲಿ

Follow Us

ಒಂದಾನೊಂದು ಕಾಲದಲ್ಲಿ ದಟ್ಟ ಅರಣ್ಯದ ಹೃದಯಭಾಗದಲ್ಲಿ ಸುಂದರ ನದಿಯೊಂದು ಹರಿಯುತಿತ್ತು..ಅದರ ದಡದಲ್ಲಿ ಕೊಕ್ಕರೆಯೊಂದು ವಾಸವಾಗಿತ್ತು.. ಅಲ್ಲೇ ಸಮೀಪದ ಗುಹೆಯೊಂದರಲ್ಲಿ ಹುಲಿಯು ತನ್ನ ಸಂಸಾರದೊಂದಿಗೆ ವಾಸಿಸುತ್ತಿತ್ತು..ಹುಲಿಯ ಮರಿ ಹುಟ್ಟಿದ ದಿನದಂದೇ
ಕೊಕ್ಕರೆಯ ಮರಿಯು ಮೊಟ್ಟೆಯೊಡೆದು ಹೊರಬಂದಿತ್ತು..ಅಂದು ನದಿಯ ತೀರಕ್ಕೆ ನೀರು ಕುಡಿಯಲು ಬಂದಿದ್ದ ಹುಲಿಯ ದಂಪತಿಗಳನ್ನು ಬೇಟೆಗಾರ ಕೊಂದನು.. ಹುಲಿಮರಿ ಅನಾಥವಾಯಿತು.. ಇದನ್ನು ನೋಡಿದ ಕೊಕ್ಕರೆಗೆ ಹುಲಿಮರಿಯ ಮೇಲೆ ಮರುಕ ಹುಟ್ಟಿತು..ಅದು ತನ್ನ ಮರಿಯೊಡನೇ ಹುಲಿಮರಿಯನ್ನೂ ಸಾಕಲು ನಿರ್ಧರಿಸಿತು… ಅಂದಿನಿಂದ ಹುಲಿಮರಿಗೆ ತಾನೇ ಮೀನು, ಏಡಿಗಳನ್ನು ತಂದು ತಿನ್ನಲು ಕೊಡುತಿತ್ತು..ತನ್ನ ಮರಿಯಂತೆಯೇ ಅದನ್ನು ಬಹಳ ಪ್ರೀತಿಯಿಂದ ಸಾಕಿತು.. ಕೊಕ್ಕರೆಯ ಮರಿ ಹಾಗೂ ಹುಲಿಮರಿ ಇಬ್ಬರೂ ಒಟ್ಟಿಗೆ ಆಡವಾಡುತ್ತಾ, ಊಟ ಮಾಡುತ್ತಾ ಅನ್ಯೋನ್ಯವಾಗಿದ್ದರು..
ಇದನ್ನು ಕಂಡು ತಾಯಿ ಕೊಕ್ಕರೆ ಒಳಗೊಳಗೇ ಹೆಮ್ಮೆಪಡುತಿತ್ತು..

ದಿನಗಳು ಉರುಳಿದವು ..ಒಂದು ದಿನ ತಾಯಿ ಕೊಕ್ಕರೆ ಆಹಾರ ಹುಡುಕಲು ಹಾರಿ ಹೋಯಿತು.. ಅದೇ ಸಮಯಕ್ಕೆ ಎಲ್ಲಿಂದಲೋ ಹಾರಿ ಬಂದ ದೈತ್ಯ ಕೊಕ್ಕರೆಯೊಂದು ಆಟವಾಡುತಿದ್ದ ಕೊಕ್ಕರೆ ಮರಿಯ
ಮೇಲೆರಗಿ ಅದನ್ನು ಹಿಂಸಿಸಲು ಪ್ರಾರಂಭಿಸಿತು… ಅದನ್ನು ಕಂಡ ಹುಲಿಮರಿ ಕೆರಳಿತು… ಕೋಪದಿಂದ ಘರ್ಜಿಸುತ್ತಾ ಒಮ್ಮೆಲೆ ದೈತ್ಯ ಕೊಕ್ಕರೆಯ ಮೇಲೆರಗಿ ಅದನ್ನು ಒಂದೇ ಬಾರಿಗೆ ನುಂಗಿ ಹಾಕಿತು.. ಅದರ ಮಾಂಸದ ರುಚಿ ಕಂಡ ಹುಲಿ ” ಆಹಾ! ಎಷ್ಟು ಸ್ವಾದಿಷ್ಟಕರವಾಗಿದೆ ಕೊಕ್ಕರೆಯ ಮಾಂಸದ ರುಚಿ!??” ಎಂದು ಉದ್ಗರಿಸಿತು.. ಇದನ್ನೆಲ್ಲ ಕಂಡು ನಡುಗುತ್ತಾ ನಿಂತಿದ್ದ ಕೊಕ್ಕರೆ ಮರಿಯ ಕಡೆ ತಿರುಗಿ
” ನೋಡು! ನಾನೆಷ್ಟು ನಿನ್ನನ್ನು ಪ್ರೀತಿಸುತ್ತೇನೆ ” ಎಂದು ನಾಲಿಗೆ ಚಪ್ಪರಿಸುತ್ತಾ, ಕೊಕ್ಕರೆಮರಿಯನ್ನು ತಿಂದು ತೇಗಿತು…..ಸ್ವಲ್ಪ ಹೊತ್ತಿನ ನಂತರ ಆಹಾರ ತಂದಿದ್ದ ತಾಯಿ ಕೊಕ್ಕರೆ, ತನ್ನ ಮರಿಯನ್ನು ಕಾಣದೆ ಕಂಗಾಲಾಯಿತು.. ಅಲ್ಲೇ ಬಿದ್ದಿದ್ದ ಪುಕ್ಕ ಮೂಳೆಗಳನ್ನು ಕಂಡು ಹೌಹಾರಿತು…
ದುಷ್ಟ ಮೃಗವನ್ನು ಪ್ರೀತಿಯಿಂದ ಸಾಕಿ ಬೆಳೆಸಿದ್ದ ಕೊಕ್ಕರೆಗೆ ತನ್ನ ತಪ್ಪಿನ ಅರಿವಾಯಿತು..ಅಷ್ಟರಲ್ಲೇ ಅಲ್ಲಿಗೆ ಬಂದ ಹುಲಿಮರಿ ನಗುತ್ತಾ “ನೀವಿಷ್ಟು ರುಚಿಕರವಾಗಿದ್ದಿರೆಂದು ಇಷ್ಟು ದಿನವಾದರೂ ತಿಳಿಯದೇ ಹೋಯಿತಲ್ಲಾ!? ನಾನೆಂಥಾ ದಡ್ಡ” ಎನ್ನುತ್ತಾ
ತಾಯಿ ಹಕ್ಕಿಯನ್ನು ಕಬಳಿಸಿತು…

ನೀತಿ:
ದುಷ್ಟ ಸ್ವಭಾವ, ಗುಣಗಳು ಎಂದಿಗೂ ಬದಲಾಗವು.

ಮತ್ತಷ್ಟು ಸುದ್ದಿಗಳು

vertical

Latest News

ಕಲಾ ತಪಸ್ವಿ, ಖ್ಯಾತ ನಿರ್ದೇಶಕ ಕೆ . ವಿಶ್ವನಾಥ್ ಇನ್ನಿಲ್ಲ

newsics.com ಹೈದರಾಬಾದ್: ತೆಲುಗು ಚಿತ್ರರಂಗದ ದಿಗ್ಗಜ ನಿರ್ದೇಶಕ , ಕಲಾ ತಪಸ್ವಿ ಎಂದೇ ಖ್ಯಾತರಾಗಿದ್ದ ಕೆ . ವಿಶ್ವನಾಥ್ (92) ನಿಧನಹೊಂದಿದ್ದಾರೆ. ವಯೋ ಸಹಜ ಕಾಯಿಲೆಯಿಂದ ಅವರು...

ಭಾರತದ ಮೊದಲ ಟ್ರಾನ್ಸ್ಮೆನ್ ಸಹದ್ ಈಗ ತುಂಬು ಗರ್ಭಿಣಿ!

newsics.com ಕೊಟ್ಟಾಯಂ(ಕೇರಳ): ಹೆಣ್ಣಾಗಿ ಹುಟ್ಟಿ ಗಂಡಾಗಿ ಬದಲಾದ ಕೋಝಿಕ್ಕೋಡ್‌ನ ಉಮ್ಮಲತ್ತೂರ್‌ನ ಟ್ರಾನ್ಸ್‌ಜೆಂಡರ್ ದಂಪತಿ ಹೊಸದೊಂದು ಆವಿಷ್ಕಾರಕ್ಕೆ ಸಿದ್ಧರಾಗಿದ್ದಾರೆ. ಹೆಣ್ಣಾಗಿ ಹುಟ್ಟಿ ಗಂಡಾಗಿ ಬದಲಾದ ಸಹದ್ ಮತ್ತು ಗಂಡಾಗಿ ಹುಟ್ಟಿ ಹೆಣ್ಣಾಗಿ ಬದಲಾದ ಜಿಯಾ ಹೊಸ ಅತಿಥಿಯ...

ಹುಡುಗಿಯರನ್ನು ನೋಡಿ ಪ್ರಜ್ಞಾಹೀನನಾಗಿ ಆಸ್ಪತ್ರೆ ಸೇರಿದ ಪರೀಕ್ಷಾರ್ಥಿ!

newsics.com ಪಟ್ನಾ: ಬಹುತೇಕರು ಹುಡುಗಿಯರನ್ನು ನೋಡಿ‌ ಖುಷಿಪಡುತ್ತಾರೆ. ಕೆಲವರು ಇನ್ನೂ ಇಲೊಂದು ಹೆಜ್ಜೆ ಮುಂದೆ ಹುಡುಗಿಯರನ್ನು ಚುಡಾಯಿಸುತ್ತಾರೆ. ಆದರೆ, ಇಲ್ಲೊಬ್ಬ ವಿದ್ಯಾರ್ಥಿ ಹುಡುಗಿಯರನ್ನು ನೋಡಿ ಮೂರ್ಛೆ ಹೋಗಿದ್ದಾನೆ. ಪರೀಕ್ಷೆ ಬರೆಯಲಾರದೆ ಆಸ್ಪತ್ರೆ ಸೇರಿದ್ದಾನೆ. ಸಂಪೂರ್ಣ ವಿದ್ಯಾರ್ಥಿನಿಯರಿದ್ದ...
- Advertisement -
error: Content is protected !!