Saturday, December 10, 2022

ಮರಳಿ ಗೂಡಿಗೆ

Follow Us

  • ವೆಂಕಟೇಶ ಚಾಗಿ, ಲಿಂಗಸುಗೂರ

ಭ್ಯುದಾರಣ್ಯ ಎಂಬ ಕಾಡಿನಲ್ಲಿ ಎರಡು ಗೊರವಂಕ ಪಕ್ಷಿಗಳು ವಾಸಿಸುತ್ತಿದ್ದವು. ಅವುಗಳು ಪ್ರೀತಿಯಿಂದ ಒಬ್ಬರನ್ನೊಬ್ಬರು ಚಿನ್ನಿ ಮುನ್ನಿ ಎಂದು ಕರೆದುಕೊಳ್ಳುತ್ತಿದ್ದವು. ಚಿನ್ನಿ ಮುನ್ನಿ ಪಕ್ಷಿಗಳು ತುಂಬಾ ಆತ್ಮೀಯರಾಗಿದ್ದರು . ಆಹಾರ ಹುಡುಕಲು ಒಟ್ಟಿಗೆ ಹೋಗುತ್ತಿದ್ದವು. ಒಂದೇ ಗಿಡದಲ್ಲಿ ಅಕ್ಕಪಕ್ಕ ಗೂಡನ್ನು ಕಟ್ಟಿ ಸುಖವಾದ ಸಂಸಾರವನ್ನು ನಡೆಸುತ್ತಿದ್ದವು. ಯಾವುದೇ ತಂಟೆ ತಕರಾರು ಗಳಿಲ್ಲದೆ ಸುಖವಾಗಿ ಜೀವನ ಸಾಗಿಸುತ್ತಿದ್ದವು . ಕಷ್ಟಕಾಲದಲ್ಲಿ ಪರಸ್ಪರ ಸಹಕಾರದೊಂದಿಗೆ ಒಟ್ಟಿಗೆ ಬದುಕುತ್ತಿದ್ದವು. ಚಿನ್ನಿ ಮುನಿಯನ್ನು ಆ ಕಾಡಿನ ಎಲ್ಲಾ ಪ್ರಾಣಿಗಳು ಪಕ್ಷಿಗಳು ಒಂದೇ ಜೀವ ಎರಡು ದೇಹ ಎನ್ನುತ್ತಿದ್ದವು.

ಒಂದು ದಿನ ಚಿನ್ನಿ ಮುನ್ನಿ ಆಹಾರ ಹುಡುಕುತ್ತ ಕಾಡಿನಿಂದ ನಾಡಿಗೆ ಬಂದವು. ನಾಡಿನಲ್ಲಿ ಕೇವಲ ಮನೆಗಳನ್ನು ಕಂಡು ಆಶ್ಚರ್ಯಗೊಂಡವು. ಇಲ್ಲಿ ಮರಗಳು ಅತಿ ವಿರಳವಾಗಿ ಇರುವುದನ್ನು ಕಂಡು ದುಃಖಿಸಿದವು. ನಾಡಿನಲ್ಲಿ ಆಹಾರ ಹುಡುಕುವುದು ಹೇಗೆಂದು ಚಿಂತೆಗೀಡಾದವು. ಆ ಸಂದರ್ಭದಲ್ಲಿ ನಾಡಿನ ಗುಬ್ಬಿಯೊಂದು ಚಿನ್ನಿ ಮುನ್ನಿಗೆ ಭೇಟಿಯಾಯಿತು. ಗುಬ್ಬಚ್ಚಿ ತನ್ನ ಪರಿಚಯವನ್ನು ಮಾಡಿಕೊಂಡಿತು. “ಸ್ನೇಹಿತರೆ, ನಾನು ಈ ನಾಡಿನ ಗುಬ್ಬಚ್ಚಿ . ಒಂದು ಕಾಲದಲ್ಲಿ ಈ ಪ್ರದೇಶ ಗಿಡಮರಗಳಿಂದ ಸಮೃದ್ಧವಾಗಿತ್ತು .ಇಲ್ಲಿ ಯಥೇಚ್ಛವಾಗಿ ಆಹಾರ ನಮಗೆ ದೊರಕುತ್ತಿತ್ತು . ಆದರೆ ಮಾನವರು ಎಲ್ಲ ಗಿಡ ಮರಗಳನ್ನು ಕಡಿದು ತಮ್ಮ ಮನೆಗಳನ್ನು ನಿರ್ಮಿಸಿಕೊಂಡಿದ್ದಾರೆ . ಈಗ ಅಲ್ಲಿ ಇಲ್ಲಿ ಮಾತ್ರ ಸಣ್ಣ ಸಣ್ಣ ಸಸ್ಯಗಳಿವೆ ಅಷ್ಟೇ. ಇಲ್ಲಿ ಆಹಾರ ದೊರೆಯದೇ ಇರುವದರಿಂದ ನನ್ನ ಕುಟುಂಬವೆಲ್ಲ ಬೇರೆಬೇರೆ ದಿಕ್ಕಿನೆಡೆಗೆ ಹಾರಿಹೋದವು. ಬನ್ನಿ ಈ ನಗರವನ್ನು ಒಮ್ಮೆ ನೋಡುವಿರಂತೆ ” ಎಂದು ಗುಬ್ಬಚ್ಚಿ ಇಬ್ಬರನ್ನು ಕರೆದುಕೊಂಡು ನಗರದ ಪ್ರದಕ್ಷಿಣೆ ಹಾಕತೊಡಗಿತು.

ಚಿನ್ನಿ ಮುನ್ನಿಗೆ ಅಲ್ಲಿನ ದೊಡ್ಡ ದೊಡ್ಡ ಕಟ್ಟಡಗಳನ್ನು ಕಂಡು ಸಂತಸವೇನೋ ಆಯಿತು. ವಿಶಾಲವಾದ ಬಯಲು, ಆಟದ ಸ್ಥಳವನ್ನು ಕಂಡು ಆಟವಾಡಿದವು. ಚಿನ್ನಿ ಮುನ್ನಿಗೆ ಹಸಿವು ಹಾಗೂ ನೀರಡಿಕೆಯಾದಾಗ ಅವುಗಳಿಗೆ ತಿನ್ನಲು ಎಲ್ಲೂ ಆಹಾರ, ನೀರು ಸಿಗಲಿಲ್ಲ . ಒಂದು ಅಂಗಡಿಯ ಬಳಿ ಧಾನ್ಯಗಳನ್ನು ಮಾರಾಟ ಮಾಡಲಾಗುತ್ತಿತ್ತು. ಅಲ್ಲಿ ಧಾನ್ಯಗಳನ್ನು ತಿನ್ನಲು ಹೋದಾಗ ಅವುಗಳನ್ನು ಹೊಡೆದು ಓಡಿಸಲಾಯಿತು. ಆಗ ಗುಬ್ಬಚ್ಚಿ ” ಅಗೋ, ಅಲ್ಲಿ ಕಸ ಚೆಲ್ಲಿರುವರಲ್ಲ ; ಅಲ್ಲಿ ನಮಗೆ ಆಹಾರ ಸಿಗುತ್ತದೆ ಹೋಗೋಣ ಬನ್ನಿ ” ಎಂದು ಕರೆದುಕೊಂಡು ಹೋಯಿತು.ಆ ಸ್ಥಳದಿಂದ ಗಬ್ಬುವಾಸನೆ ಬರುತ್ತಿದ್ದು ಆಹಾರ ಪದಾರ್ಥಗಳು ಕಂಡವು. ತಿನ್ನೋಣ ಬನ್ನಿ ಎಂದು ಗುಬ್ಬಚ್ಚಿ ಕರೆದಾಗ ಚಿನ್ನಿ ಮುನ್ನಿ , ” ಛೆ , ಇಂತಹ ಕೆಟ್ಟ ಆಹಾರವನ್ನು ತಿನ್ನಬೇಕೇ? ನಾವು ಕಾಡಿನಲ್ಲಿ ಇರುವಾಗ ಗಿಡದಲ್ಲಿ ಇದ್ದ ತಾಜಾ ಹಣ್ಣುಗಳನ್ನು ಕಾಳುಗಳನ್ನು ತಿನ್ನುತ್ತಿದ್ದೆವು. ಇಂಥಹ ಕೆಟ್ಟ ಆಹಾರ ಪದಾರ್ಥಗಳನ್ನು ನಾವು ತಿನ್ನಲಾರೆವು” ಎಂದಾಗ ಗುಬ್ಬಚ್ಚಿ ” ನಿಮಗೆ ಇಲ್ಲಿ ಆಹಾರ ಸಿಗುವುದಿಲ್ಲ . ಹಾರಾಡಲು ಶಕ್ತಿಗಾದರೂ ಸ್ವಲ್ಪ ತಿನ್ನು ಬನ್ನಿ ” ಎಂದಿತು. ಹಕ್ಕಿಗಳು ಅನಿವಾರ್ಯವಾಗಿ ತಿನ್ನಬೇಕಾಯಿತು. ಅಲ್ಲಿ ವಾಹನಗಳು , ಧ್ವನಿವರ್ಧಕಗಳು, ಕಾರ್ಖಾನೆಗಳು , ಮುಂತಾದವುಗಳ ಕರ್ಕಶ ಶಬ್ದದಿಂದ ಹಕ್ಕಿಗಳು ಬೆಚ್ಚಿದವು. ನಗರದ ಹೊಗೆಯಿಂದಾಗಿ ಉಸಿರುಗಟ್ಟಿದ ಅನುಭವ ಹಕ್ಕಿಗಳಿಗಾಯಿತು. ಹಕ್ಕಿಗಳ ಎದೆಯ ಬಡಿತ ಜೋರಾಯಿತು. ಯಾವುದೋ ತರಂಗಗಳು ತಮಗೆ ತೊಂದರೆ ಕೊಡುತ್ತಿವೆ ಏನು ಎಂದೆನಿಸಿ ಗುಬ್ಬಚ್ಚಿಗೆ ಕೇಳಿದಾಗ “ಸ್ನೇಹಿತರೇ, ಅಗೋ ನೋಡಿ ಅದು ಮೊಬೈಲ್ ಟವರ್. ಅದು ತರಂಗಗಳನ್ನು ಸೂಸುತ್ತದೆ . ಮಾನವರು ಒಬ್ಬರಿಗೊಬ್ಬರ ಸಂವಹನಕ್ಕಾಗಿ ಮೊಬೈಲ್ ಎಂಬ ವಸ್ತುವನ್ನು ಬಳಸುತ್ತಾರೆ. ಇವುಗಳಿಂದ ಮಾರಕ ತರಂಗಗಳು ಹೊಮ್ಮುತ್ತವೆ. ಇವುಗಳಿಂದ ನಮಗೆ ತೊಂದರೆ ತಪ್ಪಿದ್ದಲ್ಲ. ಈ ತರಂಗಗಳಿಂದ ದೂರ ಹೋಗೋಣ ಬನ್ನಿ” ಎಂದಿತು.

ಅಲ್ಲಿ ಕೆಲವು ಜನರು ಈ ಹಕ್ಕಿಗಳನ್ನು ಕಂಡು ಕಲ್ಲು ಬೀರತೊಡಗಿದರು. ಹಕ್ಕಿಗಳು ಎಲ್ಲಾ ಶಕ್ತಿಯನ್ನು ಒಂದು ಮಾಡಿ ಮುಗಿಲಿನ ಕಡೆಗೆ ಹಾರಿದವು . ಗುಬ್ಬಚ್ಚಿಗೆ ” ಗೆಳೆಯ ನಿನ್ನ ಕಂಡದ್ದು ತುಂಬಾ ಸಂತೋಷವಾಯಿತು .ಆದರೆ ಈ ಜಾಗ ನಮ್ಮ ವಾಸಕ್ಕೆ ತಕ್ಕದ್ದಲ್ಲ . ನಮಗೆ ಕಾಡೇ ವಾಸಿ. ಬಾ ಹೋಗೋಣ. ಕಾಡಿಗೆ ಹೋಗಿ ನೆಮ್ಮದಿಯ ಬದುಕು ಸಾಗಿಸುವ” ಎಂದಾಗ ಗುಬ್ಬಚ್ಚಿಯು ಒಪ್ಪಿ ತನ್ನ ಸಂಸಾರ ಸಮೇತವಾಗಿ ಕಾಡಿನ ಕಡೆ ನಡೆಯಿತು . ಎಲ್ಲಾ ಪಕ್ಷಿಗಳು ಕಾಡಿನಲ್ಲಿ ಸ್ವಚ್ಛಂದವಾಗಿ ಬದುಕಿ ಬಾಳಿದವು.

ಮತ್ತಷ್ಟು ಸುದ್ದಿಗಳು

vertical

Latest News

ತೃತೀಯ ಏಕದಿನ ಪಂದ್ಯ: ದ್ವಿಶತಕ ಬಾರಿಸಿದ ಈಶಾನ್ ಕಿಶನ್, ಭಾರತ ಬೃಹತ್ ಮೊತ್ತದತ್ತ

newsics.com ಢಾಕಾ:  ಬಾಂಗ್ಲಾ ವಿರುದ್ಧದ ಮೂರನೆ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಭಾರತದ ಈಶಾನ್ ಕಿಶನ್ ದ್ವಿಶತಕ ಸಿಡಿಸಿದ್ದಾರೆ. ಇದೀಗ 210 ರನ್ ಬಾರಿಸಿ ಈಶಾನ್ ಕಿಶನ್...

ಡಿಸೆಂಬರ್ 15ರಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ ಪಿ ನಡ್ಡಾ ರಾಜ್ಯಕ್ಕೆ ಭೇಟಿ

newsics.com ಬೆಂಗಳೂರು:  ಗುಜರಾತ್ ಚುನಾವಣೆ ಬಳಿಕ ಬಿಜೆಪಿ ಹೈಕಮಾಂಡ್ ಇದೀಗ ರಾಜ್ಯದತ್ತ ದೃಷ್ಟಿ ನೆಟ್ಟಿದೆ. ಇದರ ಮೊದಲ ಭಾಗವಾಗಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ ಪಿ ನಡ್ಡಾ ರಾಜ್ಯ ಭೇಟಿ ನಿಗದಿ ಪಡಿಸಲಾಗಿದೆ. ಡಿಸೆಂಬರ್ 15ರಂದು...

ಕಾರ್ಕಳ ಬಳಿ ಭೀಕರ ಅಪಘಾತ: ದಂಪತಿ, ಮಗು ಸಹಿತ ಮೂವರ ಸಾವು

newsics.com ಮಂಗಳೂರು:  ಉಡುಪಿ ಸುಬ್ರಹ್ಮಣ್ಯ ರಾಜ್ಯ ಹೆದ್ದಾರಿಯಲ್ಲಿ ಸಂಭವಿಸಿದ ಭೀಕರ  ಅಪಘಾತದಲ್ಲಿ ಒಂದೇ ಕುಟುಂಬದ ಮೂವರು ಮೃತಪಟ್ಟಿದ್ದಾರೆ. ಕಾರ್ಕಳದ ನೆಲ್ಲಿಕಾರು ಗ್ರಾಮ ಪಂಚಾಯತ್ ವ್ಯಾಪ್ತಿಗೆ ಒಳಪಟ್ಟಿರುವ ಮೈನೇರು ಎಂಬಲ್ಲಿ ಈ ದುರಂತ ಸಂಭವಿಸಿದೆ. ಖಾಸಗಿ ಬಸ್ ಮತ್ತು...
- Advertisement -
error: Content is protected !!