Saturday, November 27, 2021

ಸ್ವಾರ್ಥದ ಫಲ

Follow Us

* ಪ್ರಕಾಶ್‌ ಕೆ ನಾಡಿಗ್‌
response@134.209.153.225
newsics.cpm@gmail.com

ದೊಡ್ಡ ಮಲೆನಾಡಿನ ಅರಣ್ಯಕ್ಕೆ ಹೊಂದಿಕೊಂಡಂತೆ ಒಂದು ದೊಡ್ಡ ನದಿಯಿತ್ತು. ಮಳೆಗಾಲದಲ್ಲಿ ಒಂದು ದಿನ ತುಂಬಾ ಜೋರಾಗಿ ಮಳೆ ಬಂದು ನೋಡ ನೋಡುತ್ತಿದ್ದಂತೆಯೇ ನದಿ ತುಂಬಿ ಉಕ್ಕಿ ಹರಿಯಲಾರಂಭಿಸಿತು. ಅರಣ್ಯದೊಳಗೆಲ್ಲಾ ನೀರು ನುಗ್ಗಲಾರಂಭಿಸಿತು. ಕಾಡಿನ ಪ್ರಾಣಿಗಳೆಲ್ಲಾ ದಿಕ್ಕಾಪಾಲಾಗಿ ಓಡಲಾರಂಭಿಸಿದವು. ಕೆಲ ಪ್ರಾಣಿಗಳು ಮರ ಹತ್ತಿ ಕುಳಿತರೆ, ಮರ ಹತ್ತಲಾಗದ ಕೆಲ ಪ್ರಾಣಿಗಳು ಜೀವ ಉಳಿಸಿಕೊಳ್ಳಲು ಒದ್ದಾಡುತ್ತಿದ್ದವು. ಇದನ್ನು ಕಂಡ ಅಲ್ಲಿಯೇ ಇದ್ದ ಚತುರ ಈಜುಗಾರ ಕಾಡು ನಾಯಿಗಳು ಮೊಲ, ನರಿ, ಜಿಂಕೆ, ಕಡವೆ, ಕರಡಿ ಮುಂತಾದ ಪ್ರಾಣಿಗಳ ಜೀವ ಉಳಿಸಿದವು. ನಿಧಾನವಾಗಿ ಮಳೆ ಕಡಿಮೆಯಾಗಿ ನದಿಯ ನೀರು ಕಡಿಮೆಯಾಯಿತು.
ಐದು ಕಾಡು ನಾಯಿಗಳು ಕೆಲ ಕಾಡು ಪ್ರಾಣಿಗಳ ಜೀವ ಉಳಿಸಿದ್ದನ್ನು ಕೇಳಿ ಕಾಡಿನ ರಾಜ ಸಿಂಹನಿಗೆ ಬಹಳ ಸಂತೋಷವಾಯಿತು. ಅದು ಎಲ್ಲಾ ಪ್ರಾಣಿಗಳನ್ನು ಕರೆದು, ಕಾಡು ನಾಯಿಗಳು ತುಂಬಾ ಧೈರ್ಯಶಾಲಿ ಹಾಗೂ ದಯಾಳುಗಳು. ಕಾಡಿನ ಅನೇಕ ಪ್ರಾಣಿಗಳ ಜೀವ ಉಳಿಸಿದ ಅವುಗಳಿಗೆ ನಾನು ಬಹುಮಾನ ಕೊಡಬೇಕೆಂದಿದ್ದೇನೆ. ಇಂದಿನಿಂದ ಪ್ರತಿದಿನ ರಾತ್ರಿ ಈ ನಾಯಿಗಳು ನನ್ನೊಡನೆಯೇ ಭೋಜನ ಮಾಡುತ್ತವೆ. ನೀವೆಲ್ಲರೂ ಅವುಗಳಿಗೆ ಗೌರವ ಕೊಡಬೇಕು ಎಂದಿತು.
ಕಾಡಿನ ರಾಜನ ಮಾತಿಗೆ ಎಲ್ಲಾ ಪ್ರಾಣಿಗಳು ಜೋರಾಗಿ ಚಪ್ಪಾಳೆ ತಟ್ಟುತ್ತಿದ್ದವು. ಆಗ ಮಧ್ಯದಿಂದ ಬಂದ ಮೊಲವೊಂದು ರಾಜನೇ, ನೀವು ತಿಳಿದಿರುವ ಹಾಗೆ ಈ ಕಾಡು ನಾಯಿಗಳು ಧೈರ್ಯವಂತರು ಎಂಬುದರಲ್ಲಿ ಎರಡು ಮಾತಿಲ್ಲ. ಅದರೆ ಅವು ದಯಾಳುಗಳಲ್ಲ. ಇಂದು ಬೆಳಗ್ಗೆ ಅವುಗಳು ತಮ್ಮ ತಮ್ಮಲ್ಲೇ ಮಾತನಾಡಿಕೊಳ್ಳುವುದನ್ನು ಕೇಳಿಸಿಕೊಂಡೆ. ಈ ನಾಯಿಗಳು ಕಾಡು ಪ್ರಾಣಿಗಳನ್ನು ಉಳಿಸಿದ್ದು, ಅವುಗಳನ್ನು ಪ್ರವಾಹದಿಂದ ಕಾಪಾಡಬೇಕೆಂಬ ಉದ್ದೇಶದಿಂದಲ್ಲ. ಈಗ ಅವುಗಳನ್ನು ಬದುಕಿಸಿದರೆ ಮುಂದೆ ಆಹಾರವಾಗಿ ತಿನ್ನಬಹುದೆಂಬ ಯೋಚನೆಯಿಂದ ಮಾತ್ರ ಅವು ಪ್ರಾಣಿಗಳನ್ನು ಬದುಕಿಸಿದವು ಎಂದಿತು.
ಇದನ್ನು ಕೇಳಿದ ಸಿಂಹಕ್ಕೆ ಕೋಪ ನೆತ್ತಿಗೇರಿತು. ಇನ್ನೊಂದು ಕ್ಷ ಣ ನೀವು ನನ್ನ ಕಣ್ಣ ಮುಂದಿದ್ದರೆ ನಿಮ್ಮನ್ನು ತಿಂದು ಬಿಡುತ್ತೇನೆ. ಮತ್ತೆಂದೂ ನನ್ನ ಕಣ್ಣಿಗೆ ಕಾಣಿಸಿಕೊಳ್ಳಬೇಡಿರೆಂದು ಹೇಳಿ ಕಾಡು ನಾಯಿಗಳನ್ನು ಕಾಡಿನಿಂದ ಅಟ್ಟಿತು. ಸ್ವಾರ್ಥದ ಉದ್ದೇಶದಿಂದ ಮಾಡಿದ ಒಳ್ಳೆ ಕೆಲಸ ಪ್ರಶಂಸೆಗೆ ಯೋಗ್ಯವಲ್ಲ ಎಂಬುದೇ ಈ ಕಥೆಯ ನೀತಿ.

ಮತ್ತಷ್ಟು ಸುದ್ದಿಗಳು

Latest News

ಡಿಸೆಂಬರ್ 6ರಂದು ರಷ್ಯಾ ಅಧ್ಯಕ್ಷ ಪುತಿನ್ ಭಾರತಕ್ಕೆ ಭೇಟಿ

newsics.com ನವದೆಹಲಿ: ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್  ಡಿಸೆಂಬರ್ 6ರಂದು ಭಾರತಕ್ಕೆ ಭೇಟಿ ನೀಡಲಿದ್ದಾರೆ. ಭಾರತ ಮತ್ತು ರಷ್ಯಾ ಶೃಂಗಸಭೆಯಲ್ಲಿ ಅವರು ಭಾಗವಹಿಸಲಿದ್ದಾರೆ. ಭಾರತ ಪ್ರವಾಸದ ವೇಳೆ ಪುತಿನ್,...

ರೈತರ ಪಂಪ್ ಸೆಟ್ ಗಳಿಗೆ ಸೌರ ವಿದ್ಯುತ್: ರಾಜ್ಯದ ಚಿಂತನೆ

newsics.com ಬೆಂಗಳೂರು: ಜಲ ಮೂಲಗಳಿಂದ ಸಾಕಷ್ಟು ವಿದ್ಯುತ್ ಲಭಿಸದ ಕಾರಣ ಸೌರ ವಿದ್ಯುತ್ ಘಟಕಗಳಿಂದ ರೈತರ ಪಂಪ್ ಸೆಟ್ ಗಳಿಗೆ ವಿದ್ಯುತ್ ಪೂರೈಸಲು ರಾಜ್ಯ ಸರ್ಕಾರ ಮುಂದಾಗಿದೆ. ಈ ಸಂಬಂಧ ಕೇಂದ್ರ ಸರ್ಕಾರಕ್ಕೆ ಪ್ರಸ್ತಾವನೆ...

ನಕ್ಸಲ್ ಮುಖಂಡ ಮಡ್ವಿ ಭೀಮಾ ಎನ್ ಕೌಂಟರ್

newsics.com ರಾಯ್ ಪುರ: ನಕ್ಸಲ್ ಸಂಘಟನೆಯಲ್ಲಿ ಸಕ್ರಿಯನಾಗಿದ್ದ ಮಡ್ವಿ ಭೀಮಾ , ಭದ್ರತಾಪಡೆ ನಡೆಸಿದ ಕಾರ್ಯಾಚರಣೆಯಲ್ಲಿ ಹತನಾಗಿದ್ದಾನೆ.  ಛತ್ತೀಸ್ ಘಡದ ಸುಕ್ಮಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಹಲವು ಪ್ರಕರಣಗಳಲ್ಲಿ ಭೀಮಾ ಆರೋಪಿಯಾಗಿದ್ದ ಎಂದು ಪೊಲೀಸರು...
- Advertisement -
error: Content is protected !!