Tuesday, November 24, 2020

ನಾವು ಹೆಂಗಸರೇ ಹೀಗೆ

ನಂದಿನಿ ವಿಶ್ವನಾಥ ಹೆದ್ದುರ್ಗ

ಹೆಜ್ಜೆ ಕೊಳಕೆಂಬುದು ತಿಳಿದಿದ್ದರೂ
ತೊಳೆದ ನೆಲವನ್ನು ಮತ್ತೆ ಒರೆಸಿ
ಥಳಥಳಿಸುತ್ತೇವೆ
ನಾಳೆ ಬರುವ ಅವರ
ಸಲುವಾಗಿ.
ಬಂದವರು ಹೋದ ಮೇಲೆ
ಹೊಳೆದಿದ್ದ
ನೆಲದ ಮೇಲೆ ಹಾವು ಹೊರಳಿದ
ಹಾಗೆ ಇದು
ಒರೆಸಲಾಗದ ಕುರುಹು
ಭರಿಸಲಾಗದ ನೋವು!

ಸೆಜ್ಜೆಯೊಳಗೂ
ಉಜ್ಜಿ ಮೆತ್ತಿದ್ದ ದಾರಿಗುಂಟದ ಕೆಸರು.
ಎದೆ…
ಆಗ ತಾನೆ ಸಾರಿಸಿದ ಹಸಿ ನೆಲ.
ಹೀಗೆ
ಬಂದವರು
ಹಾಗೆ
ಹೋದ ಮೇಲೆ
ಮನ.. ತಳ ಒಡೆದ ತಪ್ಪಲೆ
ಉಳಿಯುವುದು ಇಲ್ಲಿ
ಬರೀ ಕಲೆ..!

ನಾವು ಹೆಂಗಸರೇ ಹೀಗೆ

ಹೊಸಿಲಿನೊಳಗಡೆ
ಹಠದ ಜೊತೆಗೆ
ಹಗೆಯ ಮೊಳಕೆ ಕಟ್ಟಿ
ದಣಿಯುತ್ತೇವೆ
ಉಸಿರುಗಟ್ಟಿ.
ಆಸರಕೆ
ಹೊಸಿಲಾಚೆ ಹೊರಟು
ನಿಂತು ಒಣಮರದ ಕೆಳಗೆ
ಬೇಡುತ್ತೇವೆ ನೆರಳು
ಭ್ರಮಿಸುತ್ತೇವೆ ಹೂ ಘಮಲು.
ಹಣ್ಣಿಗಾಗಿ
ಟೊಂಗೆ ತುದಿಯೇರಿ
ನೆಲಕುರುಳಿ ನಲುಗಿ
ಮನೆ
ತಲುಪಿ ಮಾಡುತ್ತೇವೆ ತಲಾಶು.
ಎಂದೋ ಇಟ್ಟು
ಮರೆತಿದ್ದ ಒಂದು
ಪಕಳೆ ಕಳಚಿದ್ದ ಹೂವು.
ನೆನಪು ನೀರೊಲೆಯ
ಉರಿಯೊಳಗೆ.
ಉಳಿಯುವುದು ಬರೀ ಬೇಗೆ

ನಾವು ಹೆಂಗಸರೇ ಹೀಗೆ

ಜೀನ್ಸು ತೊಟ್ಟು
ತೆಗೆಯುತ್ತೇವೆ ಜ್ವರಕ್ಕೆ ದೃಷ್ಟಿ.
ತುಂಡುಗೂದಲಿಗೇ
ದುಂಡು ಮಲ್ಲಿಗೆ ಗಿಡಿದು
ಓದುತ್ತೇವೆ ಪರಿಮಳದ
ಕವಿತೆ.
ಕಿವಿಯಿದ್ದರೆ
ಮೂರು ದಾರಿ ಕೂಡುವಲ್ಲೂ
ಪ್ರವರ ಬಿಚ್ಚುತ್ತೇವೆ.
ನಕ್ಕು ಮಾತಾಡಿದವನ
ದುಃಖಕ್ಕೆ ಬಿಡುವಾಗಿ
ಸೋಗನ್ನೆ ಮಾಗಿದ
ಮನವೆಂದು
ಒಳಗಿರಲಾಗದೆ ತಳಮಳಿಸಿ
ತಿರುವಿನಲಿ ದಿಕ್ಕು ಬದಲಿಸಿ
ದಯೆಗಾಗಿ ಗುಡಿಯ ನೋಡಿ..

ಕೊನೆಗಿಲ್ಲಿ ಉಳಿಯುವುದಾದರೂ ಏನು?
ಹೀಗೆ ತಳಮಳಿಸುವ ಹೃದಯವಷ್ಟೇ
ತನ್ನಲ್ಲಿ ತಾನು!

ಮತ್ತಷ್ಟು ಸುದ್ದಿಗಳು

Latest News

ನಿವಾರ್ ಚಂಡಮಾರುತ: ಪುದುಚೇರಿಯಲ್ಲಿ ನ.26ರವರೆಗೆ ನಿಷೇಧಾಜ್ಞೆ ಜಾರಿ

NEWSICS.COM ಚೆನ್ನೈ: ನಿವಾರ್ ಚಂಡಮಾರುತ ದಕ್ಷಿಣ ಕರಾವಳಿಯತ್ತ ಸಾಗುತ್ತಿದ್ದಂತೆ ರಾಷ್ಟ್ರೀಯ ವಿಪತ್ತು ಪ್ರತಿಕ್ರಿಯೆ ಪಡೆಯ (ಎನ್‌ಡಿಆರ್‌ಎಫ್) ಮೂವತ್ತು ತಂಡಗಳನ್ನು ತಮಿಳುನಾಡು, ಆಂಧ್ರಪ್ರದೇಶ ಮತ್ತು ಪುದುಚೇರಿಯಾದ್ಯಂತ ಕಾರ್ಯರೂಪಕ್ಕೆ ತರಲಾಗಿದೆ. ನೈಋತ್ಯ...

ಗ್ರಾಮ ಪಂಚಾಯಿತಿ ಚುನಾವಣೆ: ಅಭ್ಯರ್ಥಿಗಳ ಅರ್ಹತೆ ಬಗ್ಗೆ ಸ್ಪಷ್ಟನೆ ನೀಡಿದ ಚುನಾವಣಾ ಆಯೋಗ

NEWSICS.COM ಬೆಂಗಳೂರು: ರಾಜ್ಯದಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆಗೆ ಒಪ್ಪಿಗೆ ಸಿಕ್ಕ ಬೆನ್ನಲ್ಲೇ ಸಿದ್ದತೆಗಳು ನಡೆಯುತ್ತಿವೆ. ಈ ಸಂಬಂಧ ಚುನಾವಣಾ‌ ಆಯೋಗ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕಾಮಗಾರಿ ನಡೆಸುತ್ತಿರುವ ಗುತ್ತಿಗೆದಾರರು ಚುನಾವಣೆಗೆ ಸ್ಪರ್ಧಿಸುವಂತಿಲ್ಲ ಎಂದು ಸ್ಪಷ್ಟಪಡಿಸಿದೆ....

ಎಫ್’ಐಆರ್ ರದ್ದತಿಗೆ ಒಪ್ಪದ ಹೈಕೋರ್ಟ್: ಜ.8ಕ್ಕೆ ವಿಚಾರಣೆಗೆ ಬರಲು ಕಂಗನಾ, ರಂಗೋಲಿಗೆ ಸೂಚನೆ

NEWSICS.COM ಮುಂಬೈ: ಬಾಲಿವುಡ್ ನಟಿ ಕಂಗನಾ ರಾಣಾವತ್ ಸಹೋದರಿಯರ ವಿರುದ್ಧದ ಪ್ರಕರಣವನ್ನು ಬಾಂಬೆ ಹೈಕೋರ್ಟ್ ರದ್ದುಗೊಳಿಸಲಿಲ್ಲ, ಬದಲಾಗಿ ಜನವರಿ 8 ರಂದು ಮುಂಬೈ ಪೊಲೀಸರ ಮುಂದೆ ಹಾಜರಾಗುವಂತೆ ಸೂಚನೆ ನೀಡಿದೆ. ಪೊಲೀಸರು ಮೂರು ಬಾರಿ ಸಮನ್ಸ್...
- Advertisement -
error: Content is protected !!