Saturday, April 17, 2021

ಬಿನ್ನಹವು ಜಗದೊಡೆಯ…

Archana H Bengaluru
♦ ಅರ್ಚನಾ ಎಚ್, ಬೆಂಗಳೂರು
response@134.209.153.225
newsics.com@gmail.com

 

ಮುಂಗಾರಿನಬ್ಬರಕೆ ಒಳಸುಳಿವ ಅಲೆಗಳು
ದಡವ ತಾಕುವ ಮುನ್ನ ನಿನ್ನೆ ಧ್ಯಾನಿಸುತೆ…
ಕ್ಷಿತಿಗರ್ಭದೊಡಲಲ್ಲಿ ವ್ಯಥೆಪಡುತ ಬೆಂದೆದ್ದ
ಹಾಟಕದ ಅದಿರುಗಳು ಮತ್ತೆ ಸಿಂಗರಿಸೇ..

ನಭದೊಡಲು ನಗುಮೊಗದಿ
ನಳನಳಿಸಿ ನಗೆಹನಿಸಿ ವರುಣಾನಾಗಮನಕೆ
ಬೆಂದುರಿಗೆ ತಂಪು.. ಹಕ್ಕಿಯಿಂಚರದ ಕಂಪು..!
ಮಳೆಯ ಓತಪ್ರೋತ ನರ್ತನಕೆ
ಮುದುಡಿದ್ದೆಲ್ಲವರಳಿ ನಿಂತು.. ನೆಲಕಚ್ಚಿ ಜಂತು..!

ಮೊಗೆದ ಹನಿಗಳ ಲೆಕ್ಕ ಜಗದಗಲ ಜಲಧಿ
ಇಂದ್ರಛಾಪದೆಳೆಯ ವರ್ಣಮಯ ಪರಿಧಿ..
ಋತುಮಾನ ಹೃದ್ಯ ಪ್ರಕೃತಿಯೇ ಪದ್ಯ
ಗಿರಿಶಿಖರ ಪರ್ವತಗಳಾದಿ ಗದ್ಯ..!!
ಅಧಮ್ಯ ಸೃಷ್ಟಿಯ ಜ್ಞಾನವರಿತವನೇ ವೇದ್ಯ…!

ಕಮಾನು ಕಟ್ಟಿ ಜಮಾನ ಮೆರೆದು
ಹಗೆಯ ಉರಿಬುಗ್ಗೆಯಲಿ ಉಕ್ಕಿಬೆಂದು..!
ಜಗದ ಲಾಸ್ಯದ ಮೇಘ..! ಸಿಡಿಲಿನಬ್ಬರಕೆ
ನಗೆಮೊಗೆದು ಗಹಗಹಿಸಿ ಹಬ್ಬಿ ನಗುತ
ಉರಿಬೆಂದ ತನುಮನವ ತಾಯಂತೆ ತಬ್ಬುತ್ತಾ
ಮದವರಿದ ಮನಗಳನು ಮುದಗೊಳಿಸುತಾ..

ಜಗದ ಸಂಕಟಮುಖಕೆ ಶಾಂತಿ ಮದ್ದನು ಬಳಿದು
ಬಿನ್ನಹವು ಜಗದೊಡೆಯ ನಿತ್ಯ ನಿನ್ನೇ ಧ್ಯಾನಿಸುವೆ..
ಪಿಡುಗಗಳ ಪರಿಹರಿಸಿ ಪೇಯ ಕುಡಿಸಿ
ಮಡಿದ ಮನಗಳಿಗಷ್ಟು ಒಲವ ಸಿಂಪಡಿಸು
ಮುದದಿ ನಲಿವಾತ್ಮಗಳನಷ್ಟೇ ಜಗದಲಿರಿಸು…

 

ಮತ್ತಷ್ಟು ಸುದ್ದಿಗಳು

Latest News

ತ್ರಿಬಲ್ ಟಿ ಸೂತ್ರ ಪಾಲನೆಗೆ ಪ್ರಧಾನಿ ಮೋದಿ ಸಲಹೆ

newsics.com ನವದೆಹಲಿ: ಇಂದಿಲ್ಲಿ (ಏ.17) ನಡೆದ ಕೊರೋನಾ ಹಿನ್ನೆಲೆಯ ಮಹತ್ವದ ಸಭೆಯ ಬಳಿಕ ಪ್ರಧಾನಿ ಮೋದಿಯವರು ತ್ರಿಬಲ್ ಟಿ ಸೂತ್ರ ಅನುಷ್ಠಾನಗೊಳಿಸುವಂತೆ ಸೂಚಿಸಿದ್ದಾರೆ. ದೇಶದಲ್ಲಿ ಅತಿಯಾಗಿ ಹೆಚ್ಚುತ್ತಿರುವ ಕೊರೋನಾ...

ಆಮ್ಲಜನಕ‌ ಕೊರತೆ: ಐಸಿಯುನಲ್ಲಿದ್ದ ಮೂವರು ಕೊರೋನಾ ಸೋಂಕಿತರು ಸಾವು

newsics.com ಲಖನೌ (ಉತ್ತರ ಪ್ರದೇಶ): ಆಮ್ಲಜನಕದ ಕೊರತೆಯಿಂದಾಗಿ ಮೂವರು ಕೋವಿಡ್ ರೋಗಿಗಳು ಶನಿವಾರ ಸಾವನ್ನಪ್ಪಿದ್ದಾರೆ. ಮೃತರು ಗೋಮ್ಟಿನಗರದ ಡಾ. ರಾಮ್ ಮನೋಹರ್ ಲೋಹಿಯಾ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ಐಸಿಯುಗೆ ದಾಖಲಾಗಿದ್ದರು. ಕೋವಿಡ್ ಪ್ರಕರಣಗಳ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿದ್ದು,...

ಆಸ್ಪತ್ರೆಗೆ ನುಗ್ಗಿ 850 ರೆಮಿಡಿಸಿವರ್ ಇಂಜೆಕ್ಷನ್ ಕಳ್ಳತನ

newsics.com ಭೋಪಾಲ್(ಮಧ್ಯಪ್ರದೇಶ): ಇಲ್ಲಿನ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ನುಗ್ಗಿದ ದುಷ್ಕರ್ಮಿಗಳು 850 ರೆಮಿಡಿಸಿವರ್ ಇಂಜೆಕ್ಷನ್ ಗಳನ್ನು ಕಳ್ಳತನ ಮಾಡಿದ್ದಾರೆ. ದೇಶದಲ್ಲಿ ಕೊರೋನಾ ಸೋಂಕು ಹೆಚ್ಚಾಗುತ್ತಿರುವ ನಡುವೆ ಕಾಳಸಂತೆಯಲ್ಲಿ ಔಷಧ ಮಾರಾಟದ ಬೇಡಿಕೆ ಕೂಡ ಹೆಚ್ಚಾಗುತ್ತಿದೆ. ಈ...
- Advertisement -
error: Content is protected !!