Wednesday, October 5, 2022

ಸಾವೆಂದರೆ…

Follow Us

ವೈರಾಣುವಿಗೆ ಉಸಿರೆರೆದು ಸೋತು.. ನಮ್ಮವರನೆಲ್ಲಾ ಮಣ್ಣೊಳಗೆ ಹೂತು.. ಆಗಂತುಕನ ಬಲೆಯೊಳಗೆ ಸಿಲುಕಿ.. ಸಂಜೀವಿನಿಗಾಗಿ ಎಲ್ಲೆಲ್ಲೋ ಕೆದಕಿ.. ಸಿಗದೆ ಅನಾಥನಂತೆ ಮಲಗಿ.. ಸಮಾಧಿಯಾಗುವುದು ಸಾವೇ..

♦ ಚಂದ್ರಶೇಖರ ಹೆಗಡೆ

ಸಹಾಯಕ ಪ್ರಾಧ್ಯಾಪಕರು,
ಬೀಳಗಿ, ಬಾಗಲಕೋಟೆ
newsics.com@gmail.com


 ಸಾ ವೆಂದರೆ ಹೀಗೆಯೇ..
ಎಲ್ಲ ಇದ್ದೂ ಇಲ್ಲವಾಗುವುದೆ ?
ಇಲ್ಲದಿರುವುದಕ್ಕೆ ಬೆನ್ನುಬಿದ್ದು
ಖಾಲಿಯಾಗುವುದೆ ?
ಹಸಿರು ತುಂಬಿದ್ದರೂ ಬರಡು
ಕೊರಡಾದೆನೆಂದು ವ್ಯಸನಿಯಾಗಿ
ಹೊರಟುಬಿಡುವುದೆ ?

ವೈರಾಣುವಿಗೆ ಉಸಿರೆರೆದು ಸೋತು
ನಮ್ಮವರನೆಲ್ಲಾ ಮಣ್ಣೊಳಗೆ ಹೂತು
ಆಗಂತುಕನ ಬಲೆಯೊಳಗೆ ಸಿಲುಕಿ
ಸಂಜೀವಿನಿಗಾಗಿ ಎಲ್ಲೆಲ್ಲೋ ಕೆದಕಿ
ಸಿಗದೆ ಅನಾಥನಂತೆ ಮಲಗಿ
ಸಮಾಧಿಯಾಗುವುದು ಸಾವೇ..

ಹಾಗಿರಲಿಕ್ಕಿಲ್ಲ…ಹಾಗಾದರೆ..
ಎಲ್ಲೆಂದರಲ್ಲಿ ಬೇರು ಚಾಚಿ
ಎಂದೂ ಅಲುಗಾಡದಂಥ
ಸ್ಥಾವರದ ಶಿಖರವೇರಿ ಉಬ್ಬಿ ನಿಂತು
ಬೀಗಿ ಜಂಗಮನಾಗದೇ ನಗುತ್ತಲೇ
ಹೃದಯ ನೀಗುವುದು… ಸಾವೆ ?

ಇಲ್ಲಾ…
ನಮ್ಮ ನಡುವೆಯೇ ಗೋಡೆಗಳ ಕಟ್ಟಿ
ವಾಲಿ ಬೀಳದಂತೆ ತೇಪೆ ಹಾಕಿ
ಬೆಚ್ವಗಿರುವುದೆಂದುಕೊಂಡ ಭವದ
ಗೂಡಿನೊಳಗೆ ಭೂಮಿತೂಕದ
ನೆಮ್ಮದಿಯನರಸಿ ಒಂಟಿಯಾಗುವುದು
ಸಾವೇ….?

ಹೊತ್ರು ಹೊತ್ತಿಗೆ ರಸಗವಳವ ಹುಡುಕಿ
ಮತ್ತೆ ಸುತ್ತಿ ಮಡಕೆ ಜಲ ಮುಕ್ಕಳಿಸಿ
ಕೊರತೆಯೊಂದಾಯಿತೆಂದು ತಾಂಬೂಲವ
ಬಯಸಿ ನಿತ್ಯಸಂತೆಯೊಳ ಹೊರಗೆ ನುಡಿಸಿ
ಎಂದಿನಂತೆ ತಿರುಗಿ ಮುರುಗಿ
ಹೊರಟುಬಿಡುವುದು ಸಾವೇ?

ಮಾತನಾಡಿದರೊಂದು ಮುತ್ತು
ಉದುರಿಹೋದೀತೆಲ್ಲಿ ಗತ್ತು
ಸಮಯಕಂಟಿಕೊಂಡು ಹರಗಿ
ನೆತ್ತಿಯ ಮೇಲೊಂದು ಒತ್ತಡದ
ತೂಗುಕತ್ತಿಯನಿಟ್ಟುಕೊಂಡು
ಎದುರಾದವರ ಮರೆಮಾಚಿ
ಧಿಕ್ಕರಿಸಿ ಬದುಕುವ ಬದುಕು…?

ಮತ್ತಷ್ಟು ಸುದ್ದಿಗಳು

vertical

Latest News

ದೇಶದ ಗಡಿಯಲ್ಲಿ ಶೃಂಗೇರಿ ಶಾರದೆಗೆ ಪೂಜೆ: ಇಂದು‌ ಮೂರ್ತಿ ಹಸ್ತಾಂತರ

newsics.com ಚಿಕ್ಕಮಗಳೂರು: ಭಾರತದ ಗಡಿಯಲ್ಲೂ ಶೃಂಗೇರಿಯ ಶಾರದೆ ಪೂಜೆಗೊಳ್ಳಲಿದ್ದಾಳೆ. ಕಾಶ್ಮೀರದ ಗಡಿ ನಿಯಂತ್ರಣ ರೇಖೆ ಪ್ರದೇಶ ತೀತ್ವಾಲ್‌ನಲ್ಲಿ ನಿರ್ಮಾಣವಾಗುತ್ತಿರುವ ದೇಗುಲಕ್ಕೆ ಶೃಂಗೇರಿ ಮಠದಿಂದ ಶಾರದೆಯ ಪಂಚಲೋಹ ವಿಗ್ರಹ ರವಾನೆಯಾಗಲಿದೆ. ಈ...

ಸೌತ್ ಆಫ್ರಿಕಾ ವಿರುದ್ಧ ಭಾರತಕ್ಕೆ ಸೋಲು

newsics.com ನವದೆಹಲಿ: ಭಾರತ ಹಾಗೂ ಸೌತ್ ಆಫ್ರಿಕಾ ನಡುವಿನ ಕೊನೆಯ ಟಿ-20 ಪಂದ್ಯದಲ್ಲಿ ಭಾರತ ಸೋಲು ಕಂಡಿದೆ. 227 ರನ್​​​ಗಳ ಬೃಹತ್ ಟಾರ್ಗೆಟ್ ಬೆನ್ನತ್ತಿದ ಇಂಡಿಯಾ ಆರಂಭದಿಂದಲೇ ಮುಗ್ಗರಿಸಿತು. ದಿನೇಶ್ ಕಾರ್ತಿಕ್ 46 ರನ್​ ಹಾಗೂ...

ದೇಶದ ಶೇ.90ಕ್ಕಿಂತ ಹೆಚ್ಚು ಸ್ಟಾರ್ಟ್‌ಅಪ್‌ಗಳು ವಿಫಲ: ಬಿಲಿಯನೇರ್ ಆನಂದ್ ಮಹೀಂದ್ರ

newsics.com ನವದೆಹಲಿ: ದೇಶದ ಶೇ.90ರಷ್ಟು ಸ್ಟಾರ್ಟ್‌ಅಪ್‌ಗಳು ವಿಫಲವಾಗಿವೆ ಎಂದು ಬಿಲಿಯನೇರ್ ಆನಂದ್ ಮಹೀಂದ್ರ ಹೇಳಿದ್ದಾರೆ. ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಟ್ವೀಟ್ ಮಾಡಿ, ಎಲ್ಲಾ ಸ್ಟಾರ್ಟ್‌ಅಪ್‌ಗಳಲ್ಲಿ 90% ಕ್ಕಿಂತ ಹೆಚ್ಚು ವಿಫಲವಾಗಿವೆ. ಒಂದು-ಆಫ್ ಸನ್ನಿವೇಶಗಳಿಂದಾಗಿ...
- Advertisement -
error: Content is protected !!