Tuesday, January 19, 2021

ವೀರ ಯೋಧ

  • ಮಾರುತಿ ದಾಸಣ್ಣವರ
    response@134.209.153.225

 

ಗೊಂದಲದ ರಣಭೂಮಿಯ
ರಕ್ತ ಮಾಂಸದ ಕೆಸರಲ್ಲಿ
ನನ್ನವೇ ಹೆಣಗಳ ಎಡವುತ್ತ ಹೊರಟ
ವೀರ ಯೋಧನು ನಾನು

ನನ್ನೆದೆಯ ನಾಲಿಗೆಗಳ
ಅಸಮಾಧಾನದ ಕಿಡಿಗಳು
ಬಾಣಗಳಾಗಿ ನನ್ನ ಬತ್ತಳಿಕೆಯಲ್ಲಿ
ಚಡಪಡಿಸುತ್ತಿದ್ದರೂ
ಪ್ರಯೋಗಿಸಲಾರದ
ಅಸಹಾಯ ಶೂರ..

ಒಲವಿನಾಕಾಶದಲ್ಲಿ ಅವಕಾಶಗಳ
ಹುಡುಕುತ್ತಿರುವ ಸಂಬಂಧಗಳ
ಕುಣಿಕೆಯಲ್ಲಿ ಬಂದಿಯಾಗಿ
ನನ್ನನ್ನೇ ಹೋಳು ಹೋಳಾಗಿ
ಕುಯ್ದು ಕೊಟ್ಟ
ದಾನಶೂರ..

ಒಳಹೊಕ್ಕ ಹುರುಪಿನಲಿ
ಹೊರಬರುವ ಹಾದಿಯ
ಕಳಕೊಂಡ ಹುಡುಗ ಬುದ್ಧಿಯ
ದುಡುಕುವೀರ..

ಮಲಗಿದ್ದಾನೆ
ಬೇಡವೆಂದರೂ ಮುಳ್ಳುಗಳ
ಹಾಸಿಗೆಯ ಮೇಲೆ
ಸಾಯಲೊಲ್ಲದ, ಬದುಕಲೂ ಆರದ ಅಜ್ಜ
ಆತ ಬದುಕೆಲ್ಲಿ
ಅವರಿವರಿಗಾಗಿ
ಸತ್ತದ್ದೇ ಹೆಚ್ಚು..

ಮಂಡಿಯೂರಿ ಕುಳಿತ ಅಪ್ಪ
ಕಣ್ಣೊರೆಸಿಕೊಳ್ಳುತ್ತಾನೆ
ಯಾರಿಗೂ ಕಾಣದಂತೆ
ಆತ ಪಡೆದದ್ದಕ್ಕಿಂತ
ಕಳಕೊಂಡದ್ದೇ ಹೆಚ್ಚು..

ಯಾರು ಯಾರಿಗೋ ಶಾಪ ಹಾಕುತ್ತಿದ್ದಾಳೆ
ನಿಗಿ ನಿಗಿ ಕೆಂಡದ ಮುಂದೆ
ಕೂತ ಅವ್ವ..
ಹಂಡೆಯಲ್ಲಿ ಕತ ಕತ ಕುದಿಯುತ್ತಿದೆ
ನೀರು…
ಹೋರಾಡದೇ ಹೊಲಸಾದ
ನನ್ನ ಮೈಯ ಜಳಕಕ್ಕೆ…

ಅಸ್ತ್ರ ಹಿಡಿದಿದ್ದಾಳೀಕೆ
ಯಾರಿಗೋ ಗೊತ್ತಿಲ್ಲ..
ಆಟವಾಡಲು ಕೊಡು ಎಂದು
ಮಗ ರಂಪ ಮಾಡುತ್ತಿದ್ದಾನೆ…

 

ಮತ್ತಷ್ಟು ಸುದ್ದಿಗಳು

Latest News

ಕಬ್ಬನ್’ಪಾರ್ಕ್’ನಲ್ಲಿ ಸ್ಮಾರ್ಟ್ ಸಿಟಿ ನಿರ್ಮಾಣ ಕಾರ್ಯ ಆರಂಭ

newsics.com ಬೆಂಗಳೂರು: ಸುಮಾರು ಒಂದು ವರ್ಷದ ನಂತರ ಕಬ್ಬನ್ ಪಾರ್ಕ್‌ನಲ್ಲಿ ಸ್ಮಾರ್ಟ್ ಸಿಟಿ ಕೆಲಸ ಭಾನುವಾರ (ಜ.17) ಪ್ರಾರಂಭವಾಗಿದೆ. ಸದ್ಯ ಉದ್ಯಾನವನದ ಮೂಲಕ 4 ಕಿ.ಮೀ ನಡಿಗೆ...

ಮಾರ್ಚ್‌ ಮೊದಲ ವಾರ ಬಜೆಟ್- ಸಿಎಂ

newsics.com ಕುಂದಾಪುರ(ಉಡುಪಿ): ಮಾರ್ಚ್‌ ಮೊದಲ ವಾರ ಬಜೆಟ್ ಮಂಡಿಸುತ್ತೇನೆ ಎಂದು ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಹೇಳಿದರು.ಕುಂಭಾಶಿಯ ಆನೆಗುಡ್ಡೆ ದೇವಸ್ಥಾನದಲ್ಲಿ ಮಂಗಳವಾರ ಗಣಹೋಮದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ಉಡುಪಿಯ ಧಾರ್ಮಿಕ ಪ್ರವಾಸದಲ್ಲಿ ಸಕಾಲಕ್ಕೆ...

ಸಸ್ಯಾಹಾರಿಗಳಿಗೆ ಕೊರೋನಾ ಸೋಂಕಿನ ಅಪಾಯ ಕಡಿಮೆ-ವರದಿ

newsics.com ನವದೆಹಲಿ: ಕೌನ್ಸಿಲ್ ಆಫ್ ಸೈಂಟಿಫಿಕ್ ಅಂಡ್ ಇಂಡಸ್ಟ್ರಿಯಲ್ ರಿಸರ್ಚ್ (ಸಿಎಸ್ಐಆರ್) ತನ್ನ ಸುಮಾರು 40 ಸಂಸ್ಥೆಗಳಲ್ಲಿ ನಡೆಸಿದ ಹೊಸ ಸಮೀಕ್ಷೆಯಲ್ಲಿ, ಧೂಮಪಾನಿಗಳು ಮತ್ತು ಸಸ್ಯಾಹಾರಿಗಳಲ್ಲಿ ಕಡಿಮೆ ಸಿರೊಪೊಸಿಟಿವಿಟಿ ಹೊಂದಿರುವುದು ಕಂಡುಬಂದಿದ್ದು, ಅವರು ಕೊರೋನಾವೈರಸ್...
- Advertisement -
error: Content is protected !!