Tuesday, August 9, 2022

ಚಿತೆಯ ಮೇಲಿನ ಹಾಡು…

Follow Us


♦ ಪ್ರೊ.ಚಂದ್ರಶೇಖರ ಹೆಗಡೆ

ಕನ್ನಡ ಸಹಾಯಕ ಪ್ರಾಧ್ಯಾಪಕರು
newsics.com@gmail.com

 

 ದು ರ್ಮರಣಗಳ ಕತ್ತಲೆಯಲ್ಲಿ
ಸಾಗುತ್ತಿರುವ ಮನುಜನ ನೆತ್ತಿಯ ಮೇಲೆ
ಬರೀ ಮೂಳೆ ರಕ್ತ ಮಾಂಸದ ಮಹಾಭಿಷೇಕ
ಬೆಳಕನ್ನೆಲ್ಲಿ ಹುಡುಕುವುದೋ
ಮುರಿದು ಬಿದ್ದ ಸಮಾಧಿಯೊಳಗೆ ?

ಸಾವಿನಿಂದುದಿಸಿದ ತಾಪದ ಮೇಲೆ
ಬೇಯಿಸಿಕೊಳ್ಳುತ್ತಿದೆ ವಿಧಿ
ಎಂದೂ ಕುದಿಯಲಾರದ ಬೇಳೆಗಳ
ಬೆಂದುಹೋಗುವವೆಂದು ಕಾದಿದೆ
ಜಗ ನಡುಗಿ ಬಿಡುಗಣ್ಣ ಬಿಟ್ಟುಕೊಂಡು
ಭರವಸೆಯ ಕೆದಕಿ

ಜವರಾಯನ ಭೋಜನವಿಂದು
ಪುಷ್ಕಳಮಾಯ್ತು ಜೀವಗಳನುಂಡು ತೇಗಿ
ಅತಿರೇಕಗಳನೆಲ್ಲ ಇನ್ನಿಲ್ಲದಂತೆ
ಬಳಿದು ರಸಾಯನದಂತೆ ಹೀರಿ
ಬಗೆ ಬಗೆಯ ಒಡಲ ಭಕ್ಷ್ಯಗಳ
ಸವಿರುಚಿಯ ಚಪ್ಪರಿಸಿದೆ ತೂಗಿ

ಕಳೆಗಟ್ಟಿದೆ ಹಬ್ಬವಿಂದು ಸಲ್ಲುವವರಿಂದಲೇ
ತುಂಬಿಕೊಂಡು ಆ ಯಮಲೋಕ
ಕರ್ತಾರನ ಕಮ್ಮಟದ ಖಾಲಿತನದಿ
ನಿರ್ಭಾವದಿಂದೆದ್ದ ಒಳಸುಳಿಗಳನೇಕ
ಭುವನದೆಣಿಕೆಗೆ ದಕ್ಕೀತೇ ಲಯಕಾರನ
ಮಾಯೆಯೊಳಗಿನ ರಾಮನ ಲೆಕ್ಕ

ಹೆಣಗಳ ಸೇತುವೆಯ ಕೊನೆಗೆ
ನಂಬಿಕೊಂಡ ಅಮರ ದೇವಲೋಕ
ಸಕ್ಕರೆಯಿರುವಲ್ಲಿ ಹೊರಟಿದೆ
ಹುಡುಕಾಟದ ಇರುವೆಗಳ ಮೆರವಣಿಗೆ
ಮುಕ್ತಿಯೆಂದವರಲ್ಲೀಗ ಹೇಳತೀರದ ಹಿಂಜರಿಕೆ
ತುಂಬಿದೆ ಜಗವೆಲ್ಲಾ ಕಮಟು ಜೀವದ ವಾಕರಿಕೆ

ಮತ್ತಷ್ಟು ಸುದ್ದಿಗಳು

vertical

Latest News

12 ಸಾವಿರಕ್ಕಿಂತ ಕಡಿಮೆ ಬೆಲೆಯ ಚೀನಾ ಮೊಬೈಲ್ ಬ್ಯಾನ್‌ಗೆ ಕೇಂದ್ರ ಸರ್ಕಾರ ಚಿಂತನೆ

newsics.com ನವದೆಹಲಿ: ಚೀನಾ ಕಂಪನಿಗಳ 12,000 ರೂ.ಗಳಿಗಿಂತ (150 ಡಾಲರ್) ಕಡಿಮೆ ಬೆಲೆಯ ಸ್ಮಾರ್ಟ್‌ಫೋನ್‌ ಮಾರಾಟ ನಿರ್ಬಂಧಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ. ಕುಗ್ಗುತ್ತಿರುವ ದೇಶೀಯ ಮೊಬೈಲ್ ಉದ್ಯಮ...

ಮಹಿಳೆಯರ ಎದುರು ಬೆತ್ತಲಾಗುತ್ತಿದ್ದ ವ್ಯಕ್ತಿಯ ಸಜೀವ ದಹನಕ್ಕೆ ಯತ್ನ, ಸ್ಥಿತಿ ಗಂಭೀರ

newsics.com ಬೆತುಲ್(ಮಧ್ಯಪ್ರದೇಶ): ಮಹಿಳೆಯರು ಮತ್ತು ಯುವತಿಯರ ಎದುರು ಅಶ್ಲೀಲವಾಗಿ ವರ್ತಿಸುತ್ತಿದ್ದ ವ್ಯಕ್ತಿಯೊಬ್ಬನ ಮೇಲೆ ಊರಿನ ಜನರು ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದು, ಆತನ ಪರಿಸ್ಥಿತಿ ಚಿಂತಾಜನಕವಾಗಿದೆ. ಈ‌ ಸಂಬಂಧ ಇಬ್ಬರನ್ಮು‌ ಬಂಧಿಸಲಾಗಿದೆ ಈ ಘಟನೆ ಮಧ್ಯಪ್ರದೇಶದ...

ಹಾವಿಗೆ ಹಾಲಲ್ಲ, ರಕ್ತಾಭಿಷೇಕ!

newsics.com ವಿಜಯನಗರ: ಶ್ರಾವಣ ಮಾಸದ ಎರಡನೇ ಭಾನುವಾರ ನಾಗರ ಹುತ್ತಕ್ಕೆ ಪೂಜೆ ಮಾಡಿ ರಕ್ತಾಭಿಷೇಕ ಮಾಡುವ ವಿಶೇಷ ಆಚರಣೆ ವಿಜಯನಗರದ ಕೂಡ್ಲಿಗಿ ತಾಲೂಕಿನ ಬತ್ತನ ಹಳ್ಳಿಯಲ್ಲಿದೆ. ಕೊರಚ ಮತ್ತು‌ ಕೊರಮ ಸಮುದಾಯದ ಜನರು ನಾಗರ ಪಂಚಮಿ...
- Advertisement -
error: Content is protected !!