Wednesday, August 4, 2021

ಕವಿತೆಯೆಂದರೆ…

Follow Us


♦ ವಿದ್ಯಾಶ್ರೀ ಎಸ್ ಅಡೂರ್

newsics.com@gmail.com


 ವಿತೆಯೆಂದರೆ ಮನದೊಳಗೊಂದು
ಚುಚ್ಚುವ ನೋವು….
ಕವಿತೆಯೆಂದರೆ ಉಕ್ಕಿಹರಿವ
ಮನಸಿನ ನಲಿವು….

ಕವಿತೆಯೆಂದರೆ ಮೌನಮನಸಿನ
ಸ್ವಚ್ಚಂದ ಆಕಾಶ
ಕವಿತೆಯೆಂದರೆ ಗಿಜಿಗುಡುವ
ಏಕತಾನತೆಯ ಆಕ್ರೋಶ

ಕವಿತೆಯೆಂದರೆ ಸುಮ್ಮನೆ
ನಿಡುಸುಯ್ದ ನಿಟ್ಟುಸಿರು
ಕವಿತೆಯೆಂದರೆ ನೀರು-ಗೊಬ್ಬರ
ಹಾಕಿ ಬೆಳೆಸಿದ ಹಸಿರು

ಕವಿತೆಯೆಂದರೆ ರಂಗುರಂಗಿನ
ಬಣ್ಣ ಬಣ್ಣದ ಕಾಮನಬಿಲ್ಲು
ಕವಿತೆಯೆಂದರೆ ಗಾಢಾಂಧಕಾರದಿ
ಬಿಡುಗಡೆಯ ಸೊಲ್ಲು

ಕವಿತೆಯೆಂದರೆ ಮೌನ
ಮನಸ್ಸಿನ ಟಿಪ್ಪಣಿ
ಕವಿತೆಯೆಂದರೆ ಕೂಗಿ ಕರೆಯುವ
ಹಾರಿ ಸಾರುವ ಪುರವಣಿ

ಕವಿತೆಯೆಂದರೆ ಜಗಕ್ಕೆ ಬೆನ್ನು ಮಾಡಿ
ಉಪ್ಪಿ ಅಪ್ಪಿದ ಮೌನ
ಕವಿತೆಯೆಂದರೆ ಅಂಗೈಯಲ್ಲಿ
ಮೊಗೆಮೊಗೆದು ಅನುಭವಿಸುವ ಜೀವನ

ಕವಿತೆಯೆಂದರೆ ಹೆಪ್ಪುಗಟ್ಟಿದ
ಭಾವಗಳ ಕಾರ್ಮುಗಿಲು
ಕವಿತೆಯೆಂದರೆ ಧುಮ್ಮಿಕ್ಕಿ ಸುರಿಯುವ
ಮನಸಿನ ದಿಗಿಲು

ಕವಿತೆಯೆಂದರೆ ಬಿದ್ದಾಗ
ಆಸರೆ ಕೊಡುವ ನೆಲ
ಕವಿತೆಯೆಂದರೆ ಸದಾ ಹಸಿರು
ತೆನೆಗಳಿಂದ ತೊಯ್ದಾಡುವ ಹೊಲ

ಕವಿತೆಯೆಂದರೆ ಮನದ ತಮ ಕಳೆಯಲು
ನಾನೇ ಹಚ್ಚಿದ ದೀಪ
ಕವಿತೆಯೆಂದರೆ ಬಗೆ ಬಗೆ
ಭಾವದ ಬಗೆಬಗೆ ರೂಪ

ಕವಿತೆಯೆಂದರೆ ನನ್ನ ಸದಾ
ಪೊರೆವ ಅಮ್ಮನ ಮಡಿಲು
ಕವಿತೆಯೆಂದರೆ ಭಾವದ ಕೂಸು
ಮಲಗಿರುವ ತೂಗುವ ತೊಟ್ಟಿಲು

ಮತ್ತಷ್ಟು ಸುದ್ದಿಗಳು

Latest News

ಧರ್ಮಸ್ಥಳ, ಕುಕ್ಕೆ ದೇವಾಲಯ, ಕಟೀಲಿನಲ್ಲಿ ಸೇವೆ ಸ್ಥಗಿತ: ವಾರಾಂತ್ಯ ಭಕ್ತರಿಗೂ ನಿರ್ಬಂಧ

newsics.com ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೊರೋನಾ ಹೆಚ್ಚುತ್ತಿರುವ ಕಾರಣ ನಾಳೆಯಿಂದ ಆ‌ 15ರವರೆಗೆ ಧರ್ಮಸ್ಥಳ, ಕಟೀಲು, ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಗಳಿಗೆ ಶನಿವಾರ, ಭಾನುವಾರ ಭಕ್ತರ...

ಒಲಿಂಪಿಕ್ಸ್: ಸೆಮೀಸ್’ನಲ್ಲಿ ಮಹಿಳೆಯರ ಹಾಕಿ ತಂಡಕ್ಕೆ ಸೋಲು

newsics.com ಟೋಕಿಯೋ: ಒಲಿಂಪಿಕ್ಸ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಸೆಮಿ ಫೈನಲ್ ಪ್ರವೇಶಿಸಿದ್ದ ಮಹಿಳಾ ಹಾಕಿ ತಂಡಕ್ಕೆ ನಿರಾಸೆಯಾಗಿದೆ. ತಂಡ ಸೆಮಿಫೈನಲ್ ನಲ್ಲಿ ಅರ್ಜೆಂಟೈನಾ ವಿರುದ್ಧ 1-2 ಗೋಲುಗಳ ಅಂತರದಿಂದ ಸೋಲನ್ನು ಅನುಭವಿಸಿದೆ. ಆದರೆ ಪದಕ...

16 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರಗೈದು ಕೊಲೆ

newsics.com ಕೋಲಾರ : ಮನೆಯಲ್ಲಿ ಯಾರೂ ಇಲ್ಲದ ವೇಳೆ ವಿವಾಹಿತನೊಬ್ಬ 16 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರಗೈದು ಕೊಲೆ‌ಮಾಡಿದ ಘಟನೆ ಕೋಲಾರದ ಮಾಲೂರು ಬಳಿ ನಡೆದಿದೆ. ಬಾಲಕಿ ತಂದೆತಾಯಿ ತಮಿಳುನಾಡಿಗೆ ಹೋದ ವೇಳೆ...
- Advertisement -
error: Content is protected !!