- ಅಂಬ್ರೀಶ್ ಎಸ್ ಹೈಯ್ಯಾಳ್
ದೇವರ ಫೋಟೊ
ಬೆಳಗೆದ್ದು ದೇವರ ಫೋಟೊ ನೋಡೆಂದು
ಅಮ್ಮ ಹೇಳಿದಳು ನಾನು ಅವಳನ್ನೆ ದಿಟ್ಟಿಸಿ
ನೋಡಿದೆ
***
ಉಸಿರು
ಗಾಳಿ ಹಿಡಿದೆ ತೀರುತ್ತೆನೆಂದು ಉಸಿರು
ಬಿಗಿ ಹಿಡಿದು ಕುಳಿತ
***
ಭವಿಷ್ಯ
ಹಸ್ತವಿಲ್ಲದವನ ಭವಿಷ್ಯ ಅಧ್ಬುತವಾಗಿತ್ತು.
***
ಅನಿಷ್ಟ
ಅನೇಕ ಸ್ವಚ್ಚತೆ ಕಾರ್ಯದಲ್ಲಿ ಪಾಲ್ಗೊಂಡಿದ್ದ
ಎಡಗೈ ಕೊನೆಗೆ ಅನಿಷ್ಟವಾಗೆ ಉಳಿಯಿತು.
***
ಸೋಮಾರಿ
ಅಲ್ರಾಮ್ ನಲ್ಲಿ ಸ್ನೂಜ್ ಕಂಡುಹಿಡಿದಿದ್ದು ಕೂಡ
ಒಬ್ಬ ಸೋಮಾರಿಯೆ…
***
ಸತ್ಯ
ಸುಳ್ಳು ಹೇಳಬೇಕೆಂದು ಎಣ್ಣೆ ಕುಡಿಸಿ
ಕೋರ್ಟಿಗೆ ಕರೆದುಕೊಂಡು ಬಂದರು
ಕುಡುಕ ಸತ್ಯ ಹೇಳಿದ
***
ಹಾರೈಕೆ
ವೃದ್ಧಾಶ್ರಮದಲ್ಲಿ ತಂದೆ ತಾಯಿ
ವಿದೇಶದಲ್ಲಿದ್ದ ಮಕ್ಕಳಿಗೆ
ನಮ್ಮಂತಾಗದೆ ಸುಖವಾಗಿರಲೆಂದು
ಹಾರೈಸಿದರು
***
ಸಾಧನೆ
ಶ್ರಮ ವಹಿಸಿ ದುಡಿದು ದೊಡ್ಡ
ಸಾಧನೆಗೈಯ್ಯಬೇಕೆಂದೆ ಆದರೆ
ವೈರಿಗಳಿರದೆ ಸೋತುಹೋದೆ
***
ಏಳು ಬಣ್ಣ
ಬಿಳಿ ಬಣ್ಣ ತಾನು ಚಂದ ಮತ್ತು
ಶುಭ್ರವೆಂದು ಹೊರಗೆ ಕೊಚ್ಚಿಕೊಳ್ಳುತ್ತಿತ್ತು
ಒಳಗಿನ ಏಳು ಬಣ್ಣಗಳು ಮರೆಯಲಿ
ಸುಮ್ಮನೆ ಕುಳಿತಿದ್ದವು
***
ಕುಡುಕ
ಬಾರ್ ಒಳಗೆ ನೀರು ಕುಡಿದು
ಹೊರ ಬರುವಾಗ ಅವನು
ಕುಡುಕನಾದ
***
ತಂತ್ರಜ್ಞಾನ
ಜಗತ್ತು ಅದೆಷ್ಟೊ ಮುಂದುವರೆದಿದ್ದರು
ಹಸಿವಾದಾಗ ಹೊಟ್ಟೆ ತುಂಬಿಸುವ
ತಂತ್ರಜ್ಞಾನ ಸೃಷ್ಟಿಸಲು ಸಾಧ್ಯವಿಲ್ಲ
