Saturday, July 31, 2021

ಮಿಸ್ ಯು…

Follow Us

  • ಗಾಯತ್ರಿ ರಾಜ್
    response@134.209.153.225

“ವಾವ್!!!
ಇಂತಹ ಕಾಂಪ್ಲಿಮೆಂಟ್ ನನಗೆ ಯಾವತ್ತೂ ಸಿಕ್ಕಿಲ್ಲ.
ಐ ಶುಡ್ ಮಾರ್ಕ್ ದಿಸ್ ಡೇ”
ನನ್ನ ಟೀಮ್ ಮೇಟ್ ಮೆಸೇಜ್ ಮಾಡಿದ್ದ. ಅವನ ಪರ್ಫಾರ್ಮೆನ್ಸ್ ಗೆ ಅಪ್ಪ್ರೆಶಿಯೇಶನ್ ಕೊಟ್ಟದ್ದಕ್ಕೆ ಖುಷಿಯಾಗಿ.
ನಾನು “ ಎಸ್, ಯು ಕ್ಯಾನ್ ಮಾರ್ಕ್ ಇಟ್, ಡಿಸೆಂಬರ್ ೧೧, ೨೦೧೯” ಅಂದೆ.
“ ಪೆದ್ದೆ, ಇದು ನವೆಂಬರ್ ೧೧, ೨೦೧೯… ನೀನೇನು ಡಿಸೆಂಬರ್ ಅನ್ತಿದ್ದೀಯಲ್ಲ? ವಾಟ್ಸ್ ರಾಂಗ್?”
“ಊಪ್ಸ್!! ಐ ಅಂ ಸಾರೀ” ಎಂದು ವಾಟ್ಸಪ್ ನಿಂದ ಹೊರಗೆ ಬಂದಿದ್ದೆ.
ಅರೆ!! ನಿಜ!! ಹೌದು ಏನಾಗಿದೆ ನಂಗೆ? ಡಿಸೆಂಬರ್ ಅಂತ ನನಗೆ ಯಾಕೆ ಅನ್ನಿಸ್ತು? ನಾನು ಕಾಲದಲ್ಲಿ ಹಿಂದೆ ಉಳಿದುಬಿಟ್ಟಿದ್ದೀನ ! ಅಥವಾ ಮುಂದೆ ಓಡಿ ಹೋಗಿದ್ದೀನಾ!
ಹಿಂದೆ ಉಳಿದಿರುವುದೂ ಸರಿ ಹಾಗೇ ಮುಂದೆ ನಿರೀಕ್ಷಿಸುತ್ತಿರುವುದೂ ಸರಿ. ಹೇಗೆ ಮರೆಯಲಿ ಆ ದಿನವ. ಅಂದೆಯಲ್ಲವೇ ನೀನು ನನ್ನ ಬಿಟ್ಟು ಹೋಗಿದ್ದು “ಸುಮಿ”? ನನಗೆ ಗೊತ್ತು ನಿಂಗೆ “ಸುಮಿ” ಅನ್ನೋದು ಇಷ್ಟ ಆಗಲ್ಲ. ಅದೊಳ್ಳೆ ಹುಡುಗಿ ಹೆಸರು ಥರ ಅನ್ಸುತ್ತೆ ಅಂತ ಮುಖ ದಪ್ಪ ಮಾಡ್ತಿ. ಆದ್ರೆ ನಂಗೆ ನಿನ್ನ ಸುಮನ್ ಗಿಂತ “ ಸುಮಿ” ಅನ್ನೋಕ್ಕೆ ಇಷ್ಟ ಕಣೋ. ಅಬ್ಬಬ್ಬಾ!! ಅದೆಷ್ಟು ಕೋಪ ನಿಂಗೆ? ಅಷ್ಟಕ್ಕೂ ನಿನ್ನ ಯಾವ ಗುಣ ಹುಡುಗಿ ಥರ ಇದೆ ಹೇಳು? ನನ್ನ ಬಿಟ್ಟು ಹೋಗುವಾಗ ಕೂಡ ಅದೆಷ್ಟು ಕಂಟ್ರೋಲ್ ಮಾಡಿದ್ದೆ ಅಳುನ…ಆ ಕಡೆ ತಿರುಗಿ ಕಣ್ಣು ಒರೆಸಿದ್ದು ನನಗೆ ಏರ್ಪೋರ್ಟ್ ಲಾಂಜ್ ನ ಗ್ಲಾಸ್ ಲಿ ಕಾಣಿಸಿತ್ತು. ನಿನೊಂದಿಗೆ ಇದ್ದಾಗ ಕ್ಷಣಗಳಂತೆ ಉರುಳೋ ಈ ಕಾಲ, ನೀನಿಲ್ಲದೆ ಕಳೆಯೋದೆ ಕಷ್ಟ ಆಗಿದೆ. ನೀನಿಲ್ಲದ ಈ ಆಫೀಸ್ ಕೂಡ ಸತ್ತಂತಿದೆ. ಕ್ಯಾಂಟೀನ್ ನಲ್ಲಿ ನಮಿಷ್ಟದ ಪನೀರ್ ಪರೋಟ ಕೂಡ ಯಾಕೋ ಈಗ ಸಪ್ಪೆ ಸಪ್ಪೆ. ಕ್ಯಾಂಟೀನ್ ಹುಡುಗ ಇತ್ತೀಚಿಗೆ, ದಿನಾ ನನ್ನ ಕಂಪ್ಲೇಂಟ್ ಕೇಳಲಾರದೆ ಮೊದಲೇ ಎರಡು ಚಿಲ್ಲಿ ಜಾಸ್ತಿ ಕೊಡ್ತಾನೆ. ತಿಂದ ಮೇಲೆ ನಾಲಿಗೆ ಉರಿದ ನೆಪದಲ್ಲಿ ನಿನ್ನ ನೆನಪಲ್ಲಿ ಎರಡು ಹನಿ ಕಣ್ಣೀರು ಹಾಕಿ ನಿರಾಳ ಆಗ್ತೀನಿ. ಅದೆಷ್ಟು ಕೋಪ ನಿನಗೆ! ಈ ಮಿರ್ಚಿ ತರಾನೆ!
“ಗಂಡ ಹೆಂಡಿರ ಜಗಳದಲ್ಲಿ ಕೂಸು ಬಡವಾಯಿತು” ಅನ್ನುವ ಹಾಗೇ, ಅಪ್ಪನ ಮತ್ತು ನಿನ್ನ ಜಗಳದಲ್ಲಿ ನಾನು. ಅವರೇನೋ ಹಾಗೇ ಮಾತು ಮಾತಲ್ಲಿ, “ಮಗಳಿಗಿಂತ ಜಾಸ್ತಿ ದುಡಿಯೋ ಗಂಡನಿಗೆ ಮಾತ್ರ ನನ್ನ ಮಗಳನ್ನು ಕೊಡ್ತೀನಿ, ನೀನು ಅವಳ ಜೂನಿಯರ್ ಸೊ ಪೇರ್ ಸರಿ ಹೋಗಲ್ಲ ಅಂತ…” ಅಂದ್ರು. ಸರಿ ಅದಕ್ಕೆ ನೀನು ಅಲ್ಲೇ ಚಾಲೆಂಜ್ ಮಾಡಿ ಬಿಡೋದ “ ಮೈನೆ ಪ್ಯಾರ್ ಕಿಯ” ಚಿತ್ರದ ಹೀರೋ ಸಲ್ಮಾನ್ ಖಾನ್ ಥರ! “ನಿಮ್ಮ ಮಗಳಿಗಿಂತ ಹೆಚ್ಚು ಸಂಬಳ ಸಂಪಾದಿಸಿದ ನಂತರವೇ ಅವಳನ್ನು ಮದುವೆಯಾಗೋದು” ಅಂತ!!! ಸ್ಟುಪಿಡ್! ನಿಮ್ಮ ಇಗೋ ನಲ್ಲಿ ನಾವು ಹೆಣ್ಣು ಮಕ್ಕಳ ಆಸೆಗಳಿಗೆ ಬೆಲೆಯೇ ಇಲ್ವೇ? ಯಾರಿಗೆ ಬೇಕು ನೀನು ಹೆಚ್ಚಿಗೆ ದುಡಿಯೋದು? ನೀನು ದುಡಿದರೇನು? ನಾನು ದುಡಿದರೇನು? ನಾನು ನೀನು ಒಂದೇ ಆದಾಗ! ಇದು ಅಪ್ಪನಿಗೆ ಮನವರಿಕೆ ಮಾಡಿ ಅವರನ್ನು ಒಪ್ಪಿಸೋದ್ರಲ್ಲಿ ಬಂದೆ ಬಿಟ್ಟೆಯಲ್ಲ “ಯುಎಸ್” ಆಫರ್ನೊಂದಿಗೆ. ನನಗಿಂತ ಎರಡರಷ್ಟು ಸಂಬಳದ ನೌಕರಿಯೊಂದಿಗೆ!!
” ಬರೀ ಒಂದೇ ವರ್ಷ ಚಿನ್ನ ಬಂದುಬಿಡ್ತೀನಿ, ಯು ಕ್ಯಾನ್ ಮಾರ್ಕ್ ದಿಸ್ ಡಿಸೆಂಬರ್ ೧೧, ನೆಕ್ಸ್ಟ್ ಇಯರ್ ಡಿಸೆಂಬರ್ ೧೧ ಅಷ್ತೊತಿಗೆ ಇಲ್ಲಿರ್ತೀನಿ.” ಅಂದ್ಯಲ್ಲ…ಈಗ ಗೊತ್ತಾಯಿತ ಒಂದು ವರ್ಷ ಕಳೆಯೋದು ಎಷ್ಟು ಕಷ್ಟ ಅಂತ…ದಿನದಲ್ಲಿ ಇಬ್ಬರೂ ಸಮಯ ಒಂದಿಸಿ ಒಮ್ಮೆ ನೀನು ಒಮ್ಮೆ ನಾನು ನಿದ್ದೆ ಬಿಟ್ಟು, ಸ್ಕೈಪಿ, ವೀಡಿಯೊ ಚಾಟಿಂಗ್ ಅಂತ ಜಾಗರಣೆ ಮಾಡೋದು.. ನಂತರ ಆಫೀಸ್ನಲ್ಲಿ ಪ್ರಾಜೆಕ್ಟ್… ಟಾರ್ಗೆಟ್…ಅಂತ ಒದ್ದಾಡೋದು. ಯಾಕೆ ಬೇಕಿತ್ತು ಇದೆಲ್ಲ!!
ನಿಂಜೊತೆ ವಾರಕ್ಕೊಂದು ಹಿಂದಿ ಸಿನಿಮಾ…ಆ ಸಿನಿಮಾ…ಈ ಸಿನಿಮಾ ಅಂತ ನೋಡಿದ್ದೇ ತಪ್ಪಾಯಿತು ಅಂತ ನನಿಗೆ ಈಗ ಅನ್ನಿಸ್ತಿದೆ. ಜೀವನವನ್ನೂ ಸಿನಿಮಾ ಎಂದು ಕೊಂಡೆ ಬಿಟ್ಟೆಯೋ ಏನೋ? “ಇನ್ನೂ ಐದು ತಿಂಗಳು ಹೇಗೆ ಕಳೆಯೋದು” ಅಂತ ನಿನ್ನೆ ಗೋಗರೆದೆಯಲ್ಲ.. ಇಲ್ಲಿ ನನ್ನ ಪರಿಸ್ಥಿತಿನೂ ಏನು ಬೇರೆಯಿಲ್ಲ. ಅದು ನಿನಗೂ ಗೊತ್ತು.
ಅಪ್ಪನಿಗೂ ಗೊತ್ತಾಗಿದೆ, ನೀನು ಛಲಗಾರ ಅಂತ. ಅವರೂ ಮನಸಾರೆ ನಿನ್ನ ಒಪ್ಪಿಆಯಿತು.. ಆದರೂ ಮುಖ ಸಣ್ಣ ಆಗಿದೆ… ಮದುವೆ ಆದ ಮೇಲೆ ನನ್ನ ನಿನ್ನ ಜತೆ ಯುಎಸ್ ಗೆ ಕಳಿಸ್ಬೇಕಲ್ಲ ಅಂತ…ಅವರು ಅವತ್ತು ನಿನ್ನ ಹೀಯಾಳಿಸದೆ ಇದ್ದಿದ್ರೆ ಅಳಿಯ ಮಗಳು ಕಣ್ಣಮುಂದೆ ಇಲ್ಲೇ ಇರ್ತಿದ್ರೂ ಅಂತ ಒದ್ದಾಡ್ತಿದ್ದಾರೆ. ಪಾಪ!
ಬೇಗ ಬಂದ್ಬಿಡು ಸುಮಿ… ನಿನ್ನ ಬಿಟ್ಟು ಇರೋದು ತುಂಬಾ ಕಷ್ಟ ಆಗ್ತಿದೆ. ನಿನ್ನ ಹೆಸರ ಕನವರಿಸೋದು ಎಲ್ಲರಿಗೂ ಗೊತ್ತಾಗಿರೋ ವಿಷ್ಯಾನೇ ಈಗ ಅದ್ರ ಜತೆ ನೀನು ಬರೋ ದಿನಾಂಕನೂ ಸೇರ್ಕೊಳ್ತಾ ಅಂತಾ!? “ ಡಿಸೆಂಬರ್ ೧೧, ೨೦೧೯” ಅಂತ. ಮಿಸ್ ಯು ಸುಮಿ…ಲವ್ ಯು ಲಾಟ್ಸ್.

ಮತ್ತಷ್ಟು ಸುದ್ದಿಗಳು

Latest News

ಗಾಳಿಯ ರಭಸಕ್ಕೆ ಕಾಲೇಜಿನ ಗೇಟ್ ಬಿದ್ದು ಬಾಲಕ ಸಾವು

newsics.com ಬೆಳಗಾವಿ: ಜಿಲ್ಲೆಯ ಚಿಕ್ಕೋಡಿ ಪಟ್ಟಣದ ಆರ್.ಡಿ. ಕಾಲೇಜಿನ ಮುಖ್ಯ ಗೇಟ್ ಬಿದ್ದು 10 ವರ್ಷದ ಬಾಲಕ ಸಾವನ್ನಪ್ಪಿದ್ದಾನೆ. ಪಟ್ಟಣದ ಇಂದಿರಾನಗರ ನಿವಾಸಿ ಸುಫೀಯಾನ ರಾಜು ಮುಲ್ಲಾ ಮೃತಪಟ್ಟ...

ಏರ್ ಇಂಡಿಯಾ ಎಕ್ಸ್’ಪ್ರೆಸ್ ವಿಮಾನದ ಕಿಟಕಿಯಲ್ಲಿ ಬಿರುಕು: ತುರ್ತು ಭೂ ಸ್ಪರ್ಶ

newsics.com ತಿರುವನಂತಪುರಂ: ಏರ್ ಇಂಡಿಯಾ ಎಕ್ಸ್ ಪ್ರೆಸ್ ವಿಮಾನದ ಕಿಟಕಿಯಲ್ಲಿ ಬಿರುಕು ಪತ್ತೆಯಾದ ಹಿನ್ನೆಲೆಯಲ್ಲಿ ಶನಿವಾರ ತಿರುವನಂತಪುರದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಿದೆ. ಸೌದಿ ಅರೇಬಿಯಗೆ ಹೊರಟಿದ್ದ ವಿಮಾನ ತುರ್ತು ಭೂ...

ಮೈದುನರಿಂದಲೇ ಅತ್ತಿಗೆ ಮೇಲೆ ನಿರಂತರ ಅತ್ಯಾಚಾರ: ಪತಿಯ ಸಹಕಾರ!

newsics.com ಹರಿಯಾಣ: ನನ್ನ ಪತಿ ಹಾಗೂ ಆತನ ಇಬ್ಬರು ಸಹೋದರರು ನನ್ನನ್ನು ಮನೆಯಲ್ಲಿ ಕೂಡಿಹಾಕಿ ಚಿತ್ರಹಿಂಸೆ ನೀಡಿ ನಿರಂತರ ಅತ್ಯಾಚಾರವೆಸಗಿದ್ದಾರೆ ಎಂದು ಯಮುನಾನಗರ ಜಿಲ್ಲೆಯ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾಳೆ. ಮದುವೆಯಾದ ಕೆಲ‌ ಕಾಲ ಅನ್ಯೋನ್ಯವಾಗಿದ್ದ...
- Advertisement -
error: Content is protected !!