Tuesday, October 4, 2022

ಅಸಾಧ್ಯವೆಂಬುದು ಯಾವುದೂ ಇಲ್ಲ…

Follow Us

ವಿವೇಕ ಸ್ಪೂರ್ತಿವಾಣಿ

  • ಪ್ರಭಾ ಭಟ್ ಹೊಸ್ಮನೆ

ವನೊಬ್ಬ ಬಡ ಮತ್ತು ಅನಕ್ಷರಸ್ಥ ಬಾಲಕ. ಕಡು ಬಡತನ. ಅವನಿಗೋ ತಾನು ಬರಹಗಾರನಾಗಬೇಕೆಂಬ ಅದಮ್ಯ ಹಂಬಲ. ಆದರೇನು ಮಾಡುವುದು ಬರೆಯಲು ಅಕ್ಷರ ಜ್ಞಾನವೂ ಇಲ್ಲ, ಪದಗಳ ಬಳಕೆಯನ್ನು ತಿಳಿಯಲು ಪದಕೋಶವನ್ನು ಕೊಳ್ಳಲೂ ಹಣವಿಲ್ಲದ ಅಸಾಹಯಕ ಪರಿಸ್ಥಿತಿ. ಒಮ್ಮೆ ಎಣಿಸಿದ, ಬರವಣಿಗೆ ಎಂಬುದು ನನ್ನಿಂದ ಅಸಾಧ್ಯವಾದುದು ಎಂದು. ಅಂತೂ ಅವನ ಬಿಡದ ಛಲದಿಂದಾಗಿ, ಅಲ್ಪ ಸ್ವಲ್ಪ ಹಣವನ್ನು ದುಡಿದು ಗಳಿಸಿ-ಉಳಿಸಿ ಒಂದು ಪದಕೋಶವನ್ನು ಕೊಳ್ಳುವಂತಾಯಿತು. ಸ್ವಕಲಿಕೆಯಿಂದ ಪದಗಳ ಬಳಕೆಯನ್ನು ಕಲಿಯಲು ಆರಂಭಿಸಿದ ಬಾಲಕ ಮೊದಲು ಮಾಡಿದ ಕೆಲಸವೇನೆಂದು ತಿಳಿದರೆ ನೀವೇ ದಂಗಾಗುತ್ತೀರಿ. ಪದ ಕೋಶದಲ್ಲಿದ್ದ “impossible” ಪದವನ್ನೇ ಕತ್ತರಿಸಿ ಸೀದಾ ಅದನ್ನು ಕಸದಬುಟ್ಟಿಗೆ ಹಾಕಿದನಂತೆ. ಅಸಾಧ್ಯವೆಂಬುದು ಯಾವುದೂ ಇಲ್ಲ, ಏಕೆಂದರೆ ಅಸಾಧ್ಯ ಎಂಬ ಪದದಲ್ಲೇ “ಸಾಧ್ಯ” ಇದೆಯೆಂಬುದನ್ನರಿತ. ಅವನ ಪದಕೋಶದಲ್ಲಿಯೂ ಅಸಾಧ್ಯವೆಂಬುದನ್ನು ಅಳಿಸಿ ಹಾಕಿದ. ಆ ಬಾಲಕನೇ ಖ್ಯಾತ “ನೆಪೋಲಿಯನ್ ಹಿಲ್”.
“Have faith in yourselves, great convictions are the mothers of great deeds”
“ನಿಮ್ಮಲ್ಲಿ ಆತ್ಮವಿಶ್ವಾಸವಿರಲಿ. ಮಹತ್ವಪೂರ್ಣವಾದ ದೃಢನಂಬಿಕೆಗಳು ಎಲ್ಲ ಮಹಾಕಾರ್ಯಗಳಿಗೂ ಮೂಲ”
(ಕೃತಿ ಶ್ರೇಣಿ – ಸಂಪುಟ ೪, ಪುಟ ೧೦೮)
ಎಲ್ಲಾ ಕಾರ್ಯಗಳಿಗೂ ನಮ್ಮಲ್ಲಿರುವ ಆತ್ಮವಿಶ್ವಾಸವೇ ದಾರಿಯನ್ನು ತೋರಿಸುವಂತದ್ದು. ಆತ್ಮವಿಶ್ವಾಸ ಅಹಂಕಾರವಾಗದರಲಿ ಆಗ ತನ್ನಿಂದ ತಾನೇ ದಾರಿ ಸೃಷ್ಟಿಯಾಗುತ್ತದೆ. ವಿವೇಕಾನಂದರ ಈ ಸ್ಪೂರ್ತಿ ವಾಣಿ ಇಂದಿನ ಯುವಜನತೆಗೆ ಬಹಳ ಪ್ರಯೋಜನಕಾರಿಯಾದುದು. ಪ್ರೀತಿಯಲ್ಲಿನ ವೈಫಲ್ಯಕ್ಕೋ, ನಿರೀಕ್ಷಿತ ಫಲಿತಾಂಶ ಸಿಗಲಿಲ್ಲವೆಂದೋ, ಅಪೇಕ್ಷಿಸಿದ ಉದ್ಯೋಗ ಅಥವ ಉನ್ನತಿ ದೊರೆಯಲಿಲ್ಲವೆಂದೋ ಖಿನ್ನತೆಗೆ, ಆತ್ಮಹತ್ಯೆಗೆ ಶರಣಾಗುವ ಅದೆಷ್ಟೋ ಯುವಕರು ದುಡುಕುವ ಮೊದಲು ಒಮ್ಮೆ ನಿಮ್ಮ ಆತ್ಮವನ್ನು ಪ್ರಶ್ನಿಸಿ. ನೀನಷ್ಟು ಹೇಡಿಯೇ? ಅಷ್ಟು ಅಶಕ್ತನೇ? ಎಂಬುದಾಗಿ. ನಿಮ್ಮ ಆತ್ಮವೇ ಅದಕ್ಕೆ ಉತ್ತರಿಸುತ್ತದೆ. ಎಲ್ಲರಲ್ಲಿಯೂ ಒಂದಿಲ್ಲೊಂದು ಪ್ರತಿಭೆಯನ್ನು ಪ್ರಕೃತಿ ನಮಗೆ ಕೊಡುಗೆಯಾಗಿ ನೀಡಿರುತ್ತದೆ. ಆ ಪ್ರತಿಭೆಗೆ ಒಂದಿಷ್ಟು ಕಾಳಜಿಯನ್ನು ತೋರಿಸಿದರೆ ನಿಮ್ಮೊಳಗಿನ ಆತ್ಮವಿಶ್ವಾಸ ಜಾಗೃತಗೊಳ್ಳುತ್ತದೆ. ನಿಮ್ಮ ಭವಿಷ್ಯಕ್ಕೆ ನೀವೇ ಹೊಣೆ ಎಂಬ ಸತ್ಯವನ್ನು ಅರಿತರೆ ಸಾಕು ಉಳಿದೆಲ್ಲಾ ಕಾರ್ಯಗಳಿಗೂ ಅದುವೇ ಸ್ಪೂರ್ತಿ.
ಇನ್ನೂ ವಿಶಾಲಾರ್ಥದಲ್ಲಿ ವಿವೇಕಾನಂದರ ಈ ಮೇಲಿನ ವಾಣಿಯನ್ನು ಅರ್ಥೈಸಿಕೊಳ್ಳುವುದಾದರೆ “ನಾವು ಮತ್ತು ನಮ್ಮದು” ಎಂಬೆರಡೇ ಸ್ವಾರ್ಥದಿಂದ ಹೊರಗೆ ಬಂದು ನನ್ನ ಸಮಾಜಕ್ಕೂ ಮತ್ತು ನನ್ನ ಪರಿಸರಕ್ಕೂ ನನ್ನಿಂದಾದ ಕೊಡುಗೆಯನ್ನು ನೀಡಬೇಕೆಂದು ಪಣತೊಡಬೇಕಾದುದು ಇಂದಿನ ಯುವಕರೇ. ಈ ಪಣವೇ ಅದೆಷ್ಟೋ ಸಮಾಜಮುಖಿಯಾದ ಕಾರ್ಯಗಳಿಗೆ ನಾಂದಿಯಾಗಬಲ್ಲದು. ಒಬ್ಬರಿಂದ ಆರಂಭವಾಗುವ ಪಯಣ ಇನ್ನೊಂದು ದಿನ ಒಂದು ಸಂಘಟನೆಯನ್ನೇ ಸೃಷ್ಟಿಮಾಡಬಲ್ಲದು. ಸಮಾಜದಲ್ಲಿನ ಋಣಾತ್ಮಕತೆಯನ್ನು ಹೋಗಲಾಡಿಸಿ ಧನಾತ್ಮಕತೆಯನ್ನು ತರಲು ಸಾಧ್ಯ ಎಂಬ ದೃಢನಂಬಿಕೆಯೊಂದಿಗೆ ಮುನ್ನೆಡೆದಾಗ ಅದೆಂತಹ ಕಷ್ಟಕರ ಕಾರ್ಯಗಳೂ ಮಂಜಿನಂತೆ ಸುಲಭದಲ್ಲಿ ಕರಗಿಹೋಗಬಲ್ಲದು.
“You cannot believe in God until you believe in yourself”
ಎಂಬಂತೆ ನಿನ್ನಲ್ಲಿ ನೀನು ಮೊದಲು ನಂಬಿಕೆಯಿಡು ಆಗ ಆ ಅಮೂರ್ತ ಶಕ್ತಿಯೇ ನಿನಗೆ ಮಾರ್ಗವನ್ನು ಸೂಚಿಸುತ್ತದೆ.

ಮತ್ತಷ್ಟು ಸುದ್ದಿಗಳು

vertical

Latest News

ಸೇನೆ ಸೇರ್ಪಡೆಯಾದ ಭಾರತದ ಮೊದಲ ಲಘು ಯುದ್ಧ ಹೆಲಿಕಾಪ್ಟರ್

newsics.com ಜೈಪುರ: ಸ್ವದೇಶಿ ನಿರ್ಮಿತ ಮೊದಲ ಲಘು ಯುದ್ಧ ಹೆಲಿಕಾಪ್ಟರ್ ಅನ್ನು ಇಂದು ವಾಯುಸೇನೆಗೆ ಸೇರ್ಪಡೆ ಮಾಡಿಕೊಳ್ಳಲಾಗಿದೆ. ರಕ್ಷಣಾ ಸಚಿವ ರಾಜನಾಥ್ ಸಿಂಗ್  ಮತ್ತು ವಾಯುಪಡೆ ಮುಖ್ಯಸ್ಥ ಏರ್...

ಉಗ್ರ ಸಂಘಟನೆಗೆ ಯುವಕರನ್ನ ನೇಮಿಸುತ್ತಿದ್ದ ವ್ಯಕ್ತಿಗೆ ಕಠಿಣ ಶಿಕ್ಷೆ, ದಂಡ!

newsics.com ತಿರುವನಂತಪುರಂ: ಉಗ್ರ ಸಂಘಟನೆಗೆ ಯುವಕರನ್ನು ನೇಮಿಸುತ್ತಿದ್ದ ವ್ಯಕ್ತಿಗೆ ರಾಷ್ಟ್ರೀಯ ತನಿಖಾ ದಳ ವಿಶೇಷ ನ್ಯಾಯಾಲಯ 5 ವರ್ಷ ಕಠಿಣ ಶಿಕ್ಷೆ  ಹಾಗೂ 10 ಸಾವಿರ ರೂ. ದಂಡ ವಿಧಿಸಿದೆ. ವಂದೂರು ಪೊಲೀಸ್ ಠಾಣೆಯಲ್ಲಿ ಶೈಬು...

57 ಲಕ್ಷ ಮಂದಿಗೆ ಆಹಾರ ಬಿಕ್ಕಟ್ಟು- ಎಚ್ಚರಿಕೆ ನೀಡಿದ ವಿಶ್ವಸಂಸ್ಥೆ

newsics.com ಇಸ್ಲಮಾಬಾದ್‌:  57 ಲಕ್ಷ ಪ್ರವಾಹ ಸಂತ್ರಸ್ತರು ಪಾಕಿಸ್ತಾನದಲ್ಲಿ ಮುಂದಿನ ಮೂರು ತಿಂಗಳಲ್ಲಿ ಗಂಭೀರವಾದ ಆಹಾರ ಸಮಸ್ಯೆ ಎದುರಿಸಲಿದ್ದಾರೆ ಎಂದು ವಿಶ್ವಸಂಸ್ಥೆ ಎಚ್ಚರಿಸಿದೆ. ಪಾಕಿಸ್ತಾನದಲ್ಲಿ ಉಂಟಾಗಿರುವ ಪ್ರವಾಹ ಪರಿಸ್ಥಿತಿ ಆಹಾರ ಅಭದ್ರತೆಗೆ ಕಾರಣವಾಗಲಿದೆ. ಪ್ರವಾಹ ಪೀಡಿತ...
- Advertisement -
error: Content is protected !!