ತೇರೀ ಉಮ್ಮೀದ್ ತೇರಾ ಇಂತಸಾರ್ ಕರ್ ತೇಂ ಹೈ…

* ಸುಮನಾ ಲಕ್ಷ್ಮೀಶ [email protected]

ಬಾಲಿವುಡ್ ರೋಮ್ಯಾಂಟಿಕ್ ಹೀರೋ, 80ರ ದಶಕದಲ್ಲಿ ಯುವತಿಯರ ಕನಸಿಗೆ ನೀರೆರೆದಿದ್ದ ತುಂಟ ಕಂಗಳ, ನಗುಮೊಗದ ನಟ ರಿಷಿ ಕಪೂರ್. ಹಲವು ವರ್ಷಗಳಿಂದ ಅನಾರೋಗ್ಯಕ್ಕೆ ತುತ್ತಾಗಿದ್ದ ರಿಷಿ ಈಗ ನೆನಪು ಮಾತ್ರ.

ಬಾಲಿವುಡ್ ಸಿನಿಮಾ ಜಗತ್ತಿನ ಶೋ ಮ್ಯಾನ್ ಸಾಲದಲ್ಲಿ ಮುಳುಗಿಹೋಗಿದ್ದ ಸಮಯ. ಬಹು ನಿರೀಕ್ಷೆಯ “ಮೇರಾ ನಾಮ್ ಜೋಕರ್’ ಕಲೆಕ್ಷನ್’ನಲ್ಲಿ ಸೋತಿತ್ತು. ಮಾಡಿದ ಸಾಲ ತೀರಿಸಲು ಆ ಶೋ ಮ್ಯಾನ್ ಯುವ ಜೋಡಿಯ ಪ್ರಣಯವನ್ನು ಒಳಗೊಂಡ ಸಿನಿಮಾ ನಿರ್ಮಾಣಕ್ಕೆ ತೊಡಗಿದ್ದ. ಆತನಿಗೆ ಅಂದಿನ ಸೂಪರ್ ಸ್ಟಾರ್ ರಾಜೇಶ್ ಖನ್ನಾ ಮೇಲೆ ಮನಸ್ಸು. ತನ್ನ ಹೊಸ ಸಿನಿಮಾದ ಹೀರೋ ರಾಜೇಶ್ ಖನ್ನಾ ಆಗಬೇಕೆಂಬ ಆಸೆ. ಆದರೆ, ಹಣಕಾಸು ಕೂಡಿಬರಬೇಕಲ್ಲ? ಹೀಗಾಗಿ, ಮಗನನ್ನೇ ಹಾಕಿಕೊಂಡು ಸಿನಿಮಾ ಮಾಡಿದ. ಸಿನಿಮಾ ಸೂಪರ್ ಹಿಟ್ ಆಗಿದ್ದಷ್ಟೇ ಅಲ್ಲ, ಮೊದಲ ನಟನೆಗೇ ಹೊಸ ಹೀರೋನನ್ನು ಫಿಲಂಫೇರ್ ಅವಾರ್ಡ್ ಮೂಲಕ ಸ್ವಾಗತಿಸಿತು. “ಹಮ್ ತುಮ್ ಇಕ್ ಕಮರೇ ಮೇ ಬಂದ್ ಹೋ’ ಹಾಡನ್ನು ಒಳಗೊಂಡ ರೋಮ್ಯಾಂಟಿಕ್ ಸಿನಿಮಾ “ಬಾಬಿ’ ಬಾಲಿವುಡ್’ನಲ್ಲಿ ಇತಿಹಾಸ ಸೃಷ್ಟಿಸಿದ್ದು ಹೀಗೆ. ಬಾಲಿವುಡ್ ಶೋ ಮ್ಯಾನ್ ರಾಜ್ ಕಪೂರ್ ತನ್ನ ಮಗನನ್ನು ಸಿನಿ ಜಗತ್ತಿಗೆ ಪರಿಚಯಿಸಿದ್ದು ಹೀಗೆ. ಏಕಾಏಕಿ ಹೀರೋ ಆಗಿ, ಸ್ಟಾರ್ ಪಟ್ಟಕ್ಕೆ ಬಂದು ಬಾಲಿವುಡ್ ಸಿನಿಪ್ರಿಯರ ಮನದಲ್ಲಿ ಖಾಯಂ ನೆಲೆ ಕಂಡುಕೊಂಡ ಆ ಯುವ ನಟ ಬೇರ್ಯಾರೂ ಅಲ್ಲ ರಿಷಿ ಕಪೂರ್. ಅಂದು ಪದಾರ್ಪಣೆ ಮಾಡಿದ ರಿಷಿ ಕಪೂರ್ ತಮ್ಮ ಕೊನೆಯ ಕಾಲದವರೆಗೂ ಬಾಲಿವುಡ್’ನಲ್ಲಿ ಮಿಂಚಿದರು. ಮೊದಲ ರೊಮ್ಯಾಂಟಿಕ್ ಚಿತ್ರದ ಮೂಲಕ ರೊಮ್ಯಾಂಟಿಕ್ ಹೀರೋ ಎನ್ನುವ ಖ್ಯಾತಿ ರಿಷಿಗೆ ಖಾಯಂ ಆಗಿ ಉಳಿಯಿತು.
ರಿಷಿ ಕಪೂರ್…ಕಪೂರ್ ಕುಟುಂಬದ ಕುಡಿ. ರಕ್ತದಲ್ಲೇ ಬಂದ ನಟನೆ. ಜತೆಗೆ ಅದೃಷ್ಟ. ಹೀಗಾಗಿ, ಇಡೀ ದೇಶದ ಯುವ ಮನಸ್ಸುಗಳಲ್ಲಿ ಮುಖ್ಯವಾಗಿ ಹೆಂಗಳೆಯರ ಮನದಲ್ಲಿ ನೆಲೆ ನಿಂತರು. ರಿಷಿಯಂತೆ ಮೀಸೆಯನ್ನು ತೆಗೆಸಿಕೊಂಡು ತಾನೂ ಬಾಲಿವುಡ್ ನಟ ಎಂಬಂತೆ ಬೀಗಿದ ಯುವಕರು ಅದೆಷ್ಟೋ ಮಂದಿ. ತನ್ನ ಮದುವೆಯಾಗುವವ ರಿಷಿಯಂತೆ ನಗುನಗುತ್ತ ಇರಬೇಕೆಂದು ಕನಸು ಕಂಡ ಯುವತಿಯರಿಗೆ ಲೆಕ್ಕವಿಲ್ಲ. ತುಂಟ ಕಂಗಳ, ನಗುಮೊಗದ ರಿಷಿಯನ್ನು ಇಷ್ಟಪಡದವರು ಯಾರೂ ಇರಲಿಲ್ಲ.  
“ತೇರೀ ಉಮ್ಮೀದ್ ತೇರಾ ಇಂತಸಾರ್ ಕರ್ ತೇ ಹೈಂ…’ ಎನ್ನುತ್ತ ದಿವ್ಯಾಭಾರತಿ ಹಿಂದೆ ಸುತ್ತುವ ದೀವಾನಾ ಆಗಿ, “ಪಾಯಲಿಯಾ ಹೋ ಹೋ ಹೋ…’ ಎನ್ನುತ್ತ ಗೆಜ್ಜೆಯ ಮೇಲೆ ಹಾಡು ಹಾಡಿ ಯುವತಿಯರ ಎದೆಯಲ್ಲಿ ಕಿರಿದಾದ ನಾದ ಮೂಡಿಸಿದ ನಾಯಕನಾಗಿ, “ಸರ್ಗಮ್’ ಚಿತ್ರದ “ಡಫಲಿವಾಲಾ’ ಆಗಿ ರಿಷಿ ಮೂಡಿಸಿದ ಭಾವೋನ್ಮಾದವನ್ನು ಆತನನ್ನು ಇಷ್ಟಪಟ್ಟವರ್ಯಾರೂ ಮರೆಯರು.
“ದರ್ದೆ ದಿಲ್, ದರ್ದೆ ಜಿಗರ್…ದಿಲ್ ನೆ ಜಗಾಯಾ ಆಪನೆ’ ಹಾಡಿನ ಯುವ ಕೋಲ್ಮಿಂಚು ರಿಷಿ. “ಚೆಹೆರಾ ಹೈ ಯಾ ಚಾಂದ್ ಖಿಲಾ ಹೈ..’ ಎಂದ ರಿಷಿ ಪ್ರತಿ ಪ್ರೇಮಿಯೂ ತನ್ನ ಪ್ರಿಯತಮೆಗೆ ನೀಡಬಹುದಾದ ಹಾಡಿನ ಉಡುಗೊರೆ ಕೊಟ್ಟರು.
ರಿಷಿಯ ಹೆಗ್ಗಳಿಕೆ ಎಂದರೆ, ಸ್ಟಾರ್ ಗಿರಿಗೆ ಅಪ್ಪಿಕೊಂಡು ನಿಲ್ಲಲಿಲ್ಲ. ಇನ್ನೋರ್ವ ಸ್ಟಾರ್ ಜತೆಗೆ ಯಾವುದೇ ಬಿಂಕವಿಲ್ಲದೆ ನಟಿಸಿ ಮಾದರಿಯಾದರು. ಹೀಗಾಗಿ, ಬೇರೆ ಬೇರೆ ಸ್ಟಾರ್ ನಟರ ಜತೆಗಿನ ಚಿತ್ರಗಳೇ ಅವರು ಹೆಚ್ಚು ಯಶಸ್ವಿಯಾದದ್ದು. ಅವುಗಳೊಂದಿಗೆ ತಮ್ಮದೇ ರೊಮ್ಯಾಂಟಿಕ್ ಸಿನಿಮಾಗಳಾದ, “ಲೈಲಾ ಮಜ್ನೂ, ಪ್ರೇಮ್ ರೋಗ್, ಸರ್ಗಮ್, ಚಾಂದಿನಿ, ದೀವಾನಾ, ದಾಮಿನಿ…’ ಮುಂತಾದವುಗಳ ಮೂಲಕ ಎಲ್ಲರ ಮನದೊಳಗೆ ಬೆಚ್ಚಗಿನ ಸ್ಥಾನ ಪಡೆದಿದ್ದಾರೆ. 1980ರಲ್ಲಿ ನೀತೂ ಸಿಂಗ್ ಜತೆ ವಿವಾಹವಾದ ರಿಷಿ ತುಂಬು ಬದುಕನ್ನು ಬಾಳಿದರು.
ಹೌದು, ರಿಷಿ…ಇನ್ನೊಮ್ಮೆ ಹುಟ್ಟಿ ಬನ್ನಿ. ನಿಮ್ಮನ್ನು ಈ ದೇಶ ಅದೇ ಪ್ರೀತಿಯಿಂದ ಬರಮಾಡಿಕೊಳ್ಳುತ್ತದೆ. ರಾಜ್ ಕಪೂರ್ ಮಗನೆಂದಲ್ಲ, ನೀತೂ ಸಿಂಗ್ ಗಂಡನೆಂದಲ್ಲ, ರಣಬೀರ್ ಕಪೂರ್ ಅಪ್ಪನೆಂದಲ್ಲ… ಕೇವಲ ರಿಷಿಯಾಗಿ ನಿಮ್ಮನ್ನು ಅಪ್ಪಿಕೊಳ್ಳುತ್ತದೆ.

LEAVE A REPLY

Please enter your comment!
Please enter your name here

Read More

RBI ಗವರ್ನರ್ ಶಕ್ತಿಕಾಂತ್ ದಾಸ್’ ಗೆ ಕೊರೋನಾ

ನವದೆಹಲಿ: ಆರ್ ಬಿ ಐ ಗೌವರ್ನರ್ ಶಕ್ತಿಕಾಂತ್ ದಾಸ್ ಅವರಿಗೆ ಕೊರೋನಾ ಪಾಸಿಟಿವ್ ದೃಢವಾಗಿದೆ. ಈ ಬಗ್ಗೆ ಟ್ವೀಟ್ ಮಾಡಿ 'ಯಾವುದೇ ಕೊರೋನಾ ಲಕ್ಷಣಗಳು ಕಂಡುಬಂದಿಲ್ಲ , ಮನೆಯಿಂದಲೇ ಕೆಲಸ ಮಾಡುತ್ತೇನೆ. ನನ್ನ...

ಲಡಾಖ್ ನಲ್ಲಿ ಋತುವಿನ ಮೊದಲ ಹಿಮಪಾತ

ಲಡಾಖ್: ಇನ್ನೇನು ಚಳಿಗಾಲ ಆರಂಭದ ದಿನಗಳು ಬರುತ್ತಿವೆ. ಅಂತೆಯೇ ಇಂದು (ಅ.25) ವಿಶ್ವದ ಎರಡನೇ ಅತಿ ತಂಪಾದ ಜನ ವಸತಿ ಸ್ಥಳವಾದ ಲಡಾಖ್ ನ ಡ್ರಾಸ್ ನಲ್ಲಿ ಋತುವಿನ ಮೊದಲ ಹಿಮಪಾತವಾಗಿದೆ ಎಂದು...

ಮೈಸೂರು ಮೃಗಾಲಯಕ್ಕೆ ಹೊಸ ಅತಿಥಿ

newsics.comಮೈಸೂರು: ಜಯಚಾಮರಾಜೇಂದ್ರ ಮೃಗಾಲಯದಲ್ಲಿ ಜೀಬ್ರಾ ಮರಿ ಜನನವಾಗಿದೆ.ಪ್ರಾಚಿ ಹೆಸರಿನ ಜೀಬ್ರಾಗೆ ಒಂದು ಹೆಣ್ಣು ಮರಿ ಜನನವಾಗಿದ್ದು, ಪ್ರಾಚಿ ಮತ್ತು ರಿಷಿ ಜೋಡಿಯ ಜೀಬ್ರಾಗಳಿಗೆ ಜನಿಸಿರುವ ಮರಿಯಾಗಿದೆ.ಮೈಸೂರಿನ ಜಯಚಾಮರಾಜೇಂದ್ರ ಮೃಗಾಲಯದ ಇತಿಹಾಸದಲ್ಲಿ...

Recent

RBI ಗವರ್ನರ್ ಶಕ್ತಿಕಾಂತ್ ದಾಸ್’ ಗೆ ಕೊರೋನಾ

ನವದೆಹಲಿ: ಆರ್ ಬಿ ಐ ಗೌವರ್ನರ್ ಶಕ್ತಿಕಾಂತ್ ದಾಸ್ ಅವರಿಗೆ ಕೊರೋನಾ ಪಾಸಿಟಿವ್ ದೃಢವಾಗಿದೆ. ಈ ಬಗ್ಗೆ ಟ್ವೀಟ್ ಮಾಡಿ 'ಯಾವುದೇ ಕೊರೋನಾ ಲಕ್ಷಣಗಳು ಕಂಡುಬಂದಿಲ್ಲ , ಮನೆಯಿಂದಲೇ ಕೆಲಸ ಮಾಡುತ್ತೇನೆ. ನನ್ನ...

ಲಡಾಖ್ ನಲ್ಲಿ ಋತುವಿನ ಮೊದಲ ಹಿಮಪಾತ

ಲಡಾಖ್: ಇನ್ನೇನು ಚಳಿಗಾಲ ಆರಂಭದ ದಿನಗಳು ಬರುತ್ತಿವೆ. ಅಂತೆಯೇ ಇಂದು (ಅ.25) ವಿಶ್ವದ ಎರಡನೇ ಅತಿ ತಂಪಾದ ಜನ ವಸತಿ ಸ್ಥಳವಾದ ಲಡಾಖ್ ನ ಡ್ರಾಸ್ ನಲ್ಲಿ ಋತುವಿನ ಮೊದಲ ಹಿಮಪಾತವಾಗಿದೆ ಎಂದು...

ಮೈಸೂರು ಮೃಗಾಲಯಕ್ಕೆ ಹೊಸ ಅತಿಥಿ

newsics.comಮೈಸೂರು: ಜಯಚಾಮರಾಜೇಂದ್ರ ಮೃಗಾಲಯದಲ್ಲಿ ಜೀಬ್ರಾ ಮರಿ ಜನನವಾಗಿದೆ.ಪ್ರಾಚಿ ಹೆಸರಿನ ಜೀಬ್ರಾಗೆ ಒಂದು ಹೆಣ್ಣು ಮರಿ ಜನನವಾಗಿದ್ದು, ಪ್ರಾಚಿ ಮತ್ತು ರಿಷಿ ಜೋಡಿಯ ಜೀಬ್ರಾಗಳಿಗೆ ಜನಿಸಿರುವ ಮರಿಯಾಗಿದೆ.ಮೈಸೂರಿನ ಜಯಚಾಮರಾಜೇಂದ್ರ ಮೃಗಾಲಯದ ಇತಿಹಾಸದಲ್ಲಿ...
error: Content is protected !!