ಅಪರಾಧಿಗಳಿಗೆ ಹಾಲಿಡೇ ಪ್ಯಾಕೇಜ್ ಘೋಷಿಸಿದ ಕೇರಳ ಪೊಲೀಸ್

ತಿರುವನಂತಪುರ: ಕೇರಳ ಪೊಲೀಸರು ಅಪರಾಧಿಗಳಿಗೆ ಹಾಲಿಡೇ ಪ್ಯಾಕೇಜ್ ಘೋಷಿಸಿದ್ದಾರೆ.  ಅಚ್ಚರಿಪಡಬೇಡಿ. ಇದು ಸತ್ಯ. ಸಾಮಾಜಿಕ ಜಾಲ ತಾಣದಲ್ಲಿ ರಾಜ್ಯದ ಮೂರು ಸೆಂಟ್ರಲ್  ಜೈಲುಗಳ ಚಿತ್ರವನ್ನು ಪೊಲೀಸರು ಪೋಸ್ಟ್ ಮಾಡಿದ್ದಾರೆ.  ಯಾವುದೇ ಅಪರಾಧ ಎಸಗಿದವರಿಗೆ ಈ ಜೈಲುಗಳಲ್ಲಿ ಕಿರು ಅವಧಿಯ ಮತ್ತು ಜೀವಾತವಧಿಯ ಪ್ಯಾಕೇಜ್ ಲಭ್ಯವಾಗಲಿದೆ ಎಂದು ಎಚ್ಚರಿಕೆ ನೀಡಿದ್ದಾರೆ. ಯಾರು ಕೂಡ ಅಪರಾಧ ಚಟುವಟಿಕೆಯಲ್ಲಿ ಭಾಗವಹಿಸಬೇಡಿ. ಪಾಲ್ಗೊಂಡರೆ ಈ ಜೈಲುಗಳಲ್ಲಿ ಕೊಳೆಯಬೇಕಾಗುತ್ತದೆ ಎಂಬ ಎಚ್ಚರಿಕೆಯನ್ನು ಈ ಮೂಲಕ ನೀಡಲಾಗಿದೆ. ಪೊಲೀಸರ ಈ ಪೋಸ್ಟ್ ಗೆ  ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.