ಅಯೋಧ್ಯೆ ವಿವಾದ- ವಕೀಲ ರಾಜೀವ್ ಧವನ್ ಗೆ ಕೊಕ್

ರಾಮ ಜನ್ಮ ಭೂಮಿ ಬಾಬರಿ ಮಸೀದಿ ವಿವಾದಕ್ಕೆ ಸಂಬಂಧಿಸಿದಂತೆ ಮುಸ್ಲಿಂ ಕಕ್ಷಿದಾರರ ಪರ ಸಮರ್ಥವಾದ ಮಂಡಿಸಿದ್ದ ಹಿರಿಯ ವಕೀಲ ರಾಜೀವ್ ಧವನ್ ಅವರನ್ನು  ಜಮಾಯತ್ ಉಲೇಮಾ ಐ ಹಿಂದ್ ಕೈ ಬಿಟ್ಟಿದೆ. ಧವನ್ ಅವರ ಜೊತೆ ಸಮಾಲೋಚನೆ ನಡೆಸದೇ ಸುಪ್ರೀಂ ಕೋರ್ಟ್ ನಲ್ಲಿ ಮೇಲ್ಮನವಿ ಸಲ್ಲಿಸಿರುರುವದಕ್ಕೆ ಅವರು ಬೇಸರ  ವ್ಯಕ್ತಪಡಿಸಿದ್ದರು ಎಂದು ಹೇಳಲಾಗಿದೆ.  ಟ್ವಿಟರ್ ನಲ್ಲಿ  ಸ್ವತ: ಧವನ್ ಅವರೇ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ. ಧವನ್ ಅವರು ಅಯೋಧ್ಯೆ ವಿಚಾರಣೆ ಸಂದರ್ಭದಲ್ಲಿ ಮಂಡಿಸಿದ್ದ ವಾದ ಕೆಲವರ ಮೆಚ್ಚುಗೆಗೆ ಮತ್ತು ಇನ್ನು ಕೆಲವರ ವಿರೋಧಕ್ಕೆ ಕಾರಣವಾಗಿತ್ತು. ತಮ್ಮ ನಿಲುವನ್ನು ಸಮರ್ಥಿಸಿಕೊಂಡಿದ್ದ ಧವನ್ ನಾನು ನನ್ನ ಕರ್ತವ್ಯ ಮಾತ್ರ ನಿರ್ವಹಿಸುತ್ತಿದ್ದೇನೆ ಎಂದು ಹೇಳಿದ್ದರು.