ಇಕ್ಷ್ವಾಕುಪುರಿ ಗ್ರೀನ್ ಸಿಟಿ ನಿರ್ಮಾಣಕ್ಕೆ ಯೋಗಿ ಸರ್ಕಾರ ನಿರ್ಧಾರ 

ಲಖನೌ: ಸರಯೂ ನದಿ ದಡದಲ್ಲಿನ ಗುಪ್ತಾರ್ ಘಾಟ್ನಿಂದ ಬ್ರಹ್ಮಕುಂಡ್ ಗುರುದ್ವಾರದವರೆಗಿನ ಪ್ರದೇಶವನ್ನು ಇಕ್ಷ್ವಾಕುಪುರಿ ಗ್ರೀನ್ ಸಿಟಿಯಾಗಿ ಅಭಿವೃದ್ಧಿಪಡಿಸಲು ಉತ್ತರಪ್ರದೇಶ ಸರ್ಕಾರ ಮುಂದಾಗಿದೆ.ಪ್ರವಾಸಿಗರನ್ನು ಸೆಳೆಯಲು ಯೋಗಿ ಆದಿತ್ಯನಾಥ್ ಸರ್ಕಾರ ಈ  ನಿರ್ಧಾರ ತೆಗೆದುಕೊಂಡಿದ್ದು, ಅಯೋಧ್ಯೆ ರಾಷ್ಟ್ರೀಯ ಹೆದ್ದಾರಿಯಿಂದ ಗುಪ್ತಾರ್ ಘಾಟ್ಗೆ 4 ಪಥದ ರಸ್ತೆಯ ಮೂಲಕ ಸಂಪರ್ಕ ಕಲ್ಪಿಸಲಾಗುತ್ತಿದೆ. ಈ ಹೆದ್ದಾರಿಯಲ್ಲಿ ಇಕ್ಷ್ವಾಕು ವಂಶದ ರಾಜರು, ಮನುನಿಂದ ದಶರಥ ಮಹಾರಾಜರವರೆಗಿನ ಅವರ ಜೀವನ ಚರಿತ್ರೆಯ ಐತಿಹಾಸಿಕ ಚಿತ್ರಗಳು, ಕಿರುಚಿತ್ರಗಳು, ಸಾಕ್ಷ್ಯಚಿತ್ರಗಳು, ಡಿಜಿಟಲ್ ಪುಸ್ತಕಗಳನ್ನು ನಿರ್ವಿುಸಲಾಗುತ್ತದೆ. ಶ್ರೀರಾಮನ ಜೀವನ ಚರಿತ್ರೆಗೆ ಸಂಬಂಧಿಸಿದ ಘಟನೆಗಳನ್ನು ಚಿತ್ರಿಸಲಾಗುತ್ತದೆ. ಇಲ್ಲಿ ವಿಜ್ಞಾನ ಮತ್ತು ಆಧ್ಯಾತ್ಮಿಕತೆ ಸಂಗಮವಿರುತ್ತದೆ ಎಂದು ಸಿಎಂ ವಿಶೇಷಾಧಿಕಾರಿ ಸಂಜೀವ್ ಸಿಂಗ್ ತಿಳಿಸಿದ್ದಾರೆ.