ಎನ್ ಡಿ ಎ ಯಿಂದ ಹೊರದಬ್ಬಲು ನೀವು ಯಾರು

ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಮೈತ್ರಿಕೂಟ ಎನ್ ಡಿ ಎ ಯಿಂದ ಹೊರದಬ್ಬಲು ನೀವು ಯಾರು.. ಇದು ಶಿವಸೇನಾ ಬಿಜೆಪಿಗೆ ಕೇಳಿರುವ ನೇರ ಪ್ರಶ್ನ. ಶಿವಸೇನಾದ ಮುಖವಾಣಿ ಸಾಮ್ನದಲ್ಲಿ ಈ ಸಂಬಂಧ ಶಿವಸೇನಾ ಟೀಕೆಗಳ ಸುರಿಮಳೆಗೈದಿದೆ. ಶಿವಸೇನಾ ಸಂಸ್ಥಾಪಕ ಬಾಳ್ ಠಾಕ್ರೆ ಪುಣ್ಯ ತಿಥಿ ದಿನದಂದೆ ಈ ನಿರ್ಧಾರ ಪ್ರಕಟಿಸಲಾಗಿದೆ. ಇದರ ಔಚಿತ್ಯ ಎನು ಎಂದು ಶಿವಸೇನಾ ಪ್ರಶ್ನಿಸಿದೆ. ಈ ಮಧ್ಯೆ ನೂತನ ಸರ್ಕಾರ ರಚನೆ ಸಂಬಂಧ ಗೊಂದಲ ಮುಂದುವರಿದಿದೆ. ಶಿವಸೇನಾ ಜೊತೆ ಎಚ್ಚರಿಕೆಯ ಹೆಜ್ಜೆ ಇಡಲು ಎನ್ ಸಿ ಪಿ ಮತ್ತು ಕಾಂಗ್ರೆಸ್ ನಿರ್ಧರಿಸಿದೆ. ಇದರಿಂದಾಗಿ ವಿಳಂಬವಾಗುತ್ತಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಕಾಂಗ್ರೆಸ್ ನ ಒಂದು ಬಣ ಶಿವಸೇನಾ ಜೊತೆಗಿನ ಮೈತ್ರಿಯನ್ನು ತೀವ್ರವಾಗಿ ವಿರೋಧಿಸುತ್ತಿದೆ ಎಂದು ವರದಿಯಾಗಿದೆ.