ಎರಡು ಕೋಟಿ ರೂಪಾಯಿ ಕಾರಿಗೆ ಹತ್ತು ಲಕ್ಷ ದಂಡ

ಅಹ್ಮದಾಬಾದ್ ; ಎರಡು ಕೋಟಿ ರೂಪಾಯಿ ಮೌಲ್ಯದ ವಿಲಾಸಿ ಕಾರು ಪೋರ್ಚೆ 911 ಮಾಲೀಕನಿಗೆ ಪೊಲೀಸರು  10 ಲಕ್ಷ ರೂಪಾಯಿ ದಂಡ ವಿಧಿಸಿದ್ದಾರೆ. ಸೂಕ್ತ ದಾಖಲೆ ಪತ್ರ ಹಾಜರುಪಡಿಸಲು ವಿಫಲ ಹಾಗೂ ನಂಬರ್ ಪ್ಲೇಟ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ದಂಡ ವಿಧಿಸಲಾಗಿದೆ. ತನಿಖೆಯ ವೇಳೆ ಕಾರು ಮಾಲಿಕ ಸೂಕ್ತ ದಾಖಲೆ ಪತ್ರ ಸಲ್ಲಿಸಿಲ್ಲ. ಅಲ್ಲದೇ ಇನ್ನಿತರ ಕಾನೂನು ಉಲ್ಲಂಘಿಸಿರುವ ಅಂಶ ಪತ್ತೆಯಾಯಿತು. ಈ ಹಿನ್ನೆಲೆಯಲ್ಲಿ 9 ಲಕ್ಷದ 80 ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ. ಸಾರಿಗೆ ಪ್ರಾಧಿಕಾರದಲ್ಲಿ ದಂಡ ಪಾವತಿಸಿದ ಬಳಿಕವಷ್ಟೇ ಕಾರು ಬಿಡುಗಡೆ ಮಾಡಲಾಗುವುದು. ಅಲ್ಲಿಯ ತನಕ ಕಾರು  ಪೊಲೀಸರ ವಶದಲ್ಲಿ ಮುಂದುವರಿಯಲಿದೆ ಎಂದು ಸಹಾಯಾಕ ಪೊಲೀಸ್ ಆಯುಕ್ತ ತೇಜಸ್ ಪಟೇಲ್ ಹೇಳಿದ್ದಾರೆ.