ಜನವರಿಯಿಂದ ಹುಂಡೈ ಕಾರುಗಳ ಬೆಲೆ ಹೆಚ್ಚಳ

ಮುಂಬೈ: ಹುಂಡೈ ಮೋಟಾರ್​ ಲಿಮಿಟೆಡ್​ ತನ್ನ ಎಲ್ಲ ವಿಧದ ವಾಹನಗಳ ಬೆಲೆ ಇದೇ ಜನವರಿಯಿಂದ ಏರಿಕೆಯಾಗಲಿದೆ.
ಬೆಲೆ ಏರಿಕೆಯ ಪ್ರಮಾಣ ಹಾಗೂ ದಿನಾಂಕವನ್ನು ಹುಂಡೈ ಇನ್ನೂ ಪ್ರಕಟಿಸಿಲ್ಲ.
ದೇಶದ ಎರಡನೇ ದೊಡ್ಡ ವಾಹನ ತಯಾರಿಕಾ ಕಂಪನಿಯಾಗಿರುವ ಹುಂಡೈ, ಇನ್ಪುಟ್​ಗಳ ಹಾಗೂ ತಯಾರಿಕಾ ಉಪಕರಣಗಳ ವೆಚ್ಚದಲ್ಲಿ ಏರಿಕೆಯಾಗಿರುವ ಹಿನ್ನೆಲೆಯಯಲ್ಲಿ ವಾಹನಗಳ ಬೆಲೆ ಹೆಚ್ಚಿಸಲು ಮುಂದಾಗಿರುವುದಾಗಿ ತಿಳಿಸಿದೆ.
ಇದರೊಂದಿಗೆ ಟಾಟಾ ಮೋಟಾರ್​, ಮಹೀಂದ್ರಾ ಆ್ಯಂಡ್ ಮಹೀಂದ್ರಾ ವಾಹನ ತಯಾರಿಕಾ ಕಂಪನಿಗಳೂ ತಮ್ಮ ಉತ್ಪನ್ನಗಳ ಬೆಲೆ ಏರಿಕೆ ಮಾಡುವ ಸಾಧ್ಯತೆ ಹೆಚ್ಚಿದೆ.