ತೀರ್ಪು ಕಾಯ್ದಿರಿಸಿದ ಸುಪ್ರೀಂ ಕೋರ್ಟ್

ಮಹಾರಾಷ್ಟ್ರ ರಾಜಕೀಯ  ಬೆಳವಣಿಗೆಗೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ ತನ್ನ ತೀರ್ಪನ್ನು ಕಾಯ್ದಿರಿಸಿದೆ. ನಾಳೆ ಬೆಳಗ್ಗೆ  10.30ಕ್ಕೆ ನ್ಯಾಯಾಲಯ ಈ ಸಂಬಂಧ  ತೀರ್ಪು ನೀಡಲಿದೆ. ಇದಕ್ಕೂ ಮುನ್ನ ನ್ಯಾಯಾಲಯ ಕಲಾಪ ಆರಂಭವಾದ ಕೂಡಲೇ  ಬಿರುಸಿನ ವಾದ ಪ್ರತಿವಾದಕ್ಕೆ ನ್ಯಾಯಾಲಯ ಸಾಕ್ಷಿಯಾಯಿತು. ಕಪಿಲ್ ಸಿಬಲ್, ಅಭಿಷೇಕ್ ಮನು ಸಿಂಘ್ವಿ, ತುಷಾರ್ ಮೆಹ್ತಾ ಮತ್ತು  ಮುಕುಲ್ ರೋಹ್ಟಗಿ ತಮ್ಮ ತಮ್ಮ ಕಕ್ಷಿದಾರರ ಪರ ಪ್ರಬಲ ವಾದ ಮಂಡಿಸಿದರು. ತಕ್ಷಣ ಸದನದಲ್ಲಿ ಬಹುಮತ ಸಾಬೀತುಪಡಿಸುವಂತೆ ನ್ಯಾಯಾಲಯ ನಿರ್ದೇಶನ ನೀಡಬೇಕೆಂದು ಕಪಿಲ್ ಸಿಬಲ್ ವಾದ ಮಂಡಿಸಿದರು.