ನಕಲಿ ಜೀರಿಗೆ ಹಾವಳಿ

* ನಕಲಿ ಜೀರಿಗೆ ಕಾರ್ಖಾನೆ ಮೇಲೆ ದಾಳಿ

ದೆಹಲಿ: ಮಾರುಕಟ್ಟೆಗೆ ನಕಲಿ ಜೀರಿಗೆ ಬಂದಿದ್ದು, ಜೀರಿಗೆ ಖರೀದಿ ವೇಳೆ ಎಚ್ಚರ ವಹಿಸುವುದು ಒಳಿತು. ಇಲ್ಲಿನ ಬವಾನಾ ಪ್ರದೇಶದಲ್ಲಿ ನಕಲಿ ಜೀರಿಗೆ ತಯಾರಿಸುವ ಕಾರ್ಖಾನೆ ಮೇಲೆ ದೆಹಲಿ ಪೊಲೀಸರು ದಾಳಿ ನಡೆಸಿದ್ದಾರೆ. ವಿಶೇಷ ರೀತಿಯ ಹುಲ್ಲು, ಸಣ್ಣ ಕಣಗಳು ಮತ್ತು ಬೆಲ್ಲದ ಸಿರಪ್ ಬಳಸಿ ನಕಲಿ ಜೀರಿಗೆ ತಯಾರಿಸಲಾಗುತ್ತಿತ್ತು. ಕಾರ್ಖಾನೆಯಲ್ಲಿದ್ದ 20 ಸಾವಿರ ಕೆಜಿ ಸಿದ್ಧ ನಕಲಿ ಜೀರಿಗೆ ಮತ್ತು 8 ಸಾವಿರ ಕೆಜಿ ಕಚ್ಚಾ ವಸ್ತುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.