ನೌಕಾಪಡೆಯಲ್ಲಿ ಪಾಕ್ ಪರ ಬೇಹುಗಾರಿಕೆ: ಹದಿಮೂರು ಮಂದಿಯ ಬಂಧನ

ನವದೆಹಲಿ:  ಹನಿ ಟ್ರಾಪ್ ಗೆ ಒಳಗಾಗಿ ದೇಶದ ಮಹತ್ವದ ನೌಕಾಪಡೆ ರಹಸ್ಯಗಳನ್ನು ಪಾಕಿಸ್ತಾನದ ಐಎಸ್ ಐ ಗೆ ಹಸ್ತಾಂತರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ  11 ನೌಕಾಪಡೆ ಅಧಿಕಾರಿಗಳು ಸೇರಿದಂತೆ ಒಟ್ಟು 13 ಮಂದಿಯನ್ನು ಬಂಧಿಸಲಾಗಿದೆ.   ವಿಶಾಖಪಟ್ಟಣಂ ಸೇರಿದಂತೆ ದೇಶದ ಮಹತ್ವದ ನೌಕಾಪಡೆ ನೆಲೆಯಲ್ಲಿ ನ಼ಡೆಸಲಾದ ಕಾರ್ಯಾಚರಣೆಯಲ್ಲಿ ಈ ಅಧಿಕಾರಿಗಳನ್ನು ಬಂಧಿಸಲಾಗಿದೆ. ಮೊದಲಿಗೆ ನೌಕಾ ಪಡೆ ಅಧಿಕಾರಿಗಳನ್ನು ಹನಿ ಟ್ರಾಫ್ ಜಾಲಕ್ಕೆ ಸಿಲುಕಿಸಿದ ಖದೀಮರು ಬಳಿಕ ಬ್ಲಾಕ್ ಮೇಲ್ ತಂತ್ರದ ಮೂಲಕ ಮಾಹಿತಿ ಪಡೆಯುತ್ತಿದ್ದರು ಎಂದು ಆರೋಪಿಸಲಾಗಿದೆ. ಇದು ಬೆಳಕಿಗೆ ಬಂದ ಬಳಿಕ ನೌಕಾಪಡೆ ಸಿಬ್ಬಂದಿ ಸಾಮಾಜಿಕ ಜಾಲ ತಾಣಗಳನ್ನು ಬಳಸುವುದರ ಮೇಲೆ ನಿರ್ಭಂಧ ವಿಧಿಸಲಾಗಿತ್ತು.