ಪಶು ವೈದ್ಯಾಧಿಕಾರಿಯ ಬರ್ಬರ ಹತ್ಯೆ- ನಾಲ್ವರ ಬಂಧನ

ಹೈದರಬಾದ್- ಹೈದರಾಬಾದ್  ಹೊರ ವಲಯದ ಶಾದ್ ನಗರದಲ್ಲಿ ಪಶು ವೈದ್ಯಾಧಿಕಾರಿಯ ಬರ್ಬರ ಹತ್ಯೆ ಮಾಡಿದ ನಾಲ್ವರು ಆರೋಪಿಗಳನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಪ್ರಿಯಾಂಕಾ ರೆಡ್ಡಿ ಎಂಬ ಯುವತಿಯನ್ನು ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಆಕೆಯನ್ನು ಬೆಂಕಿ ಹಚ್ಚಿ ಸುಟ್ಟು ಹತ್ಯೆಮಾಡಲಾಗಿದೆ.  ಮೊದಲು ಆರೋಪಿಗಳು ಪ್ರಿಯಾಂಕಾ ರೆಡ್ಡಿಯ  ದ್ವಿಚಕ್ರ ವಾಹನದ ಗಾಳಿ ತೆಗೆದಿದ್ದರು. ಬಳಿಕ ಆಕೆಗೆ ಸಹಾಯ ಮಾಡುವ ಸೋಗಿನಲ್ಲಿ ಆರೋಪಿಗಳನ್ನು ಆಕೆಯನ್ನು ಕರೆದೊಯ್ದು ಈ ಕೃತ್ಯ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ. ಪ್ರಿಯಾಂಕ ರೆಡ್ಡಿಯ ಮೇಲೆ ಲೈಂಗಿಕ  ದೌರ್ಜನ್ಯ ಕೂಡ ಎಸಗಲಾಗಿತ್ತು ಎಂದು ಆರೋಪಿಸಲಾಗಿದೆ. ಈ ಬರ್ಬರ ಹತ್ಯೆಗೆ ದೇಶಾದ್ಯಂತ ವ್ಯಾಪಕ ಖಂಡನೆ ವ್ಯಕ್ತವಾಗಿದೆ.