ನವದೆಹಲಿ: ಹೊಸ ಪಾಸ್ ಪೋರ್ಟ್ ನ ಮೇಲೆ ಕಮಲದ ಚಿಹ್ನೆ ಇರುವುದು ಆಕ್ರೋಶಕ್ಕೆ ಕಾರಣವಾಗಿದೆ. ಕೇರಳದ ಸಂಸತ್ ಸದಸ್ಯರೊಬ್ಬರು ಇದನ್ನು ಸಂಸತ್ ನಲ್ಲಿ ಕೂಡ ಪ್ರಸ್ತಾಪಿಸಿದ್ದರು. ಇದು ಹಿಂದುತ್ವ ಹೇರಿಕೆಯ ಭಾಗ ಎಂದು ಟೀಕಿಸಿದ್ದರು. ಈ ಆರೋಪಗಳಿಗೆ ವಿದೇಶಾಂಗ ಇಲಾಖೆ ಸ್ಪಷ್ಟೀಕರಣ ನೀಡಿದೆ. ಭದ್ರತೆಯ ಕಾರಣದಿಂದ ಕಮಲದ ಚಿತ್ರವನ್ನು ಪಾಸ್ ಪೋರ್ಟ್ ಮೇಲೆ ಲಗತ್ತಿಸಲಾಗಿದೆ. ಕಮಲ ಭಾರತದ ರಾಷ್ಟ್ರೀಯ ಹೂ. ಅದೇ ರೀತಿ ಸರದಿಯಂತೆ ಮುಂದಿನ ದಿನಗಳಲ್ಲಿ ಇತರ ರಾಷ್ಟ್ರೀಯ ಚಿಹ್ನೆಗಳನ್ನು ಬಳಸಲಾಗುವುದು ಎಂದು ವಿದೇಶಾಂಗ ಇಲಾಖೆ ಸ್ಪಷ್ಟಪಡಿಸಿದೆ. ಬಿಜೆಪಿಯ ಚಿಹ್ನೆ ಕೂಡ ಕಮಲ ಆಗಿರುವ ಹಿನ್ನೆಲೆಯಲ್ಲಿ ಈ ವಿವಾದ ತಲೆದೋರಿತ್ತು.