ಪ್ರಿಯಕರನ ಕೆನ್ನೆಯ ಹೊಡೆತಕ್ಕೆ ಬಲಿಯಾದ ಪ್ರಿಯತಮೆ

ಮುಂಬೈ: ತನ್ನ ಪ್ರಿಯತಮೆ ಇನ್ನೊಬ್ಬನ ಹತ್ತಿರ ಮಾತನಾಡುವುದನ್ನು ಸಹಿಸದ ಪ್ರಿಯಕರ ಆಕೆಯ ಕೆನ್ನೆಗೆ ಬಾರಿಸಿದ್ದಾನೆ. ಪೆಟ್ಟಿನ ಆಘಾತಕ್ಕೆ ಪ್ರಿಯತಮೆ ಆಸ್ಪತ್ರೆಗೆ ಸಾಗಿಸುವ ದಾರಿ ಮಧ್ಯೆ ಸಾವನ್ನಪ್ಪಿದ್ಧಾಳೆ. ಈ ಘಟನೆ ನಡೆದದ್ದು ಮುಂಬೈ ಸಮೀಪದ ಮರ್ಕಂಡ್ ರೈಲು ನಿಲ್ದಾಣದ ಬಳಿ. ಮೃತಪಟ್ಟವಳನ್ನು  ಸೀತಾ ಪ್ರಧಾನ್ ಎಂದು ಗುರುತಿಸಲಾಗಿದೆ. ಆಕೆಯ ಪ್ರಿಯಕರ ರಾಜು ಪೂಜಾರಿಯನ್ನು ಪೊಲೀಸರು ಬಂಧಿಸಿದ್ದಾರೆ. ರಾಜು ಮತ್ತು ಸೀತಾ ಪ್ರಧಾನ್ ಪರಸ್ಪರ ಪ್ರೀತಿಸುತ್ತಿದ್ದರು ಎಂದು ಹೇಳಲಾಗಿದೆ. ಆದರೆ ಮರ್ಕಂಡ್ ರೈಲು ನಿಲ್ದಾಣದಲ್ಲಿ ಆಕೆ ಇನ್ನೊಬ್ಬನ ಜತೆ ಮಾತಾನಾಡುತ್ತಿದ್ದಾಗ ರಾಜು ಆಕೆಯ ಕೆನ್ನೆಗೆ ಬಲವಾಗಿ ಹೊಡೆದಿದ್ದಾನೆ. ಘಟನೆಯಿಂದ ತೀವ್ರ ಆಘಾತಗೊಂಡ ಸೀತಾ ಆಸ್ಪತ್ರೆಗೆ ಸಾಗಿಸುವ ದಾರಿ ಮಧ್ಯೆ ಸಾವನ್ನಪ್ಪಿದ್ಧಾಳೆ.