ಬಾಬ್ರಿ ಮಸೀದಿ ಧ್ವಂಸಕ್ಕೆ 27 ವರ್ಷ; ಅಯೋಧ್ಯೆಯಲ್ಲಿ ಕಟ್ಟೆಚ್ಚರ

ಅಯೋಧ್ಯೆ: ಬಾಬ್ರಿ ಮಸೀದಿ ಧ್ವಂಸಗೊಳಿಸಿ ಇಂದಿಗೆ 27 ವರ್ಷವಾಗಿದ್ದು ಅಯೋಧ್ಯೆಯಲ್ಲಿ ಬಿಗಿ ಪೊಲೀಸ್​ ಬಂದೋಬಸ್ತ್​ ಮಾಡಲಾಗಿದೆ.
ಕರಸೇವಕರು 1992 ಡಿ.6ರಂದು ಮಸೀದಿ ಧ್ವಂಸಗೊಳಿಸಿದ್ದರು. ಫೈಜಾಬಾದ್ ಜಿಲ್ಲೆಯನ್ನು ಸೂಕ್ಷ್ಮ ಎಂದು ಘೋಷಿಸಿ 4 ಭದ್ರತಾ ವಲಯ, 10 ಉಪ ವಲಯಗಳನ್ನಾಗಿ ವಿಂಗಡಿ ಪೊಲೀಸರನ್ನು ನಿಯೋಜಿಸಿ ಕಟ್ಟೆಚ್ಚರ ಇಡಲಾಗಿದೆ ಎಂದು ಜಿಲ್ಲಾ ಮ್ಯಾಜಿಸ್ಟ್ರೇಟ್ ಅನುಜ್ ಕುಮಾರ್ ತಿಳಿಸಿದ್ದಾರೆ.
ಬಾರಾಬಂಕಿ, ಗೊಂಡಾ, ಬಲರಾಂಪುರ್, ಅಂಬೇಡ್ಕರ್​ ನಗರ, ಸುಲ್ತಾನಪುರ, ಅಮೆಥಿ ಹಾಗೂ ರಾಯ್​ಬರೇಲಿ ಮತ್ತು ತಿವಾರಿ ಗಡಿ ಹಾಗೂ ಆಯಕಟ್ಟಿನ ಸ್ಥಳಗಳಲ್ಲಿ ಹೆಚ್ಚುವರಿ ಪೊಲೀಸರನ್ನು ನಿಯೋಜಿಸಲಾಗಿದೆ. ಅಯೋಧ್ಯೆಯಲ್ಲಿ 10ಕ್ಕೂ ಹೆಚ್ಚು ತಾತ್ಕಾಲಿಕ ಜೈಲು ಕೊಠಡಿಗಳನ್ನು ತೆರೆಯಲಾಗಿದೆ.