ಬೆಂಚ್ ಗೆ ಮಕ್ಕಳನ್ನು ಕಟ್ಟಿಹಾಕಿದ ಶಿಕ್ಷಕಿ

ಶಾಲೆಯಲ್ಲಿ ಮಕ್ಕಳ ತುಂಟತನ ಸಹಜ. ಕೆಲವೊಮ್ಮೆ ಇದು ಶಿಕ್ಷಕರಿಗೆ ಕಿರಿ ಕಿರಿ ಎನಿಸುತ್ತದೆ. ಸಾಮಾನ್ಯವಾಗಿ ಮಕ್ಕಳನ್ನು ಗದರಿಸಿ ಶಿಕ್ಷಕರು ಪರಿಸ್ಥಿತಿಯನ್ನ  ನಿಭಾಯಿಸುತ್ತಾರೆ. ಆದರೆ ಆಂಧ್ರಪ್ರದೇಶದ  ಅನಂತಪುರ ಜಿಲ್ಲೆಯಲ್ಲಿ ಮಾತ್ರ ಶಿಕ್ಷೆಯ ಹೆಸರಿನಲ್ಲಿ ದೌರ್ಜನ್ಯ ಎಸಗಲಾಗಿದೆ. ಇಬ್ಬರು ಮಕ್ಕಳನ್ನು ಶಾಲೆಯ ಬೆಂಚ್ ಗೆ ಕಟ್ಟಲಾಗಿದೆ. ಅನಂತಪುರ ಜಿಲ್ಲೆಯ ಕದಿರಿ ಮುನಿಸಿಪಲ್ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಪ್ರಕರಣ ಸಂಬಂಧ ಶಿಕ್ಷಣಇಲಾಖೆ ಉನ್ನತ ಮಟ್ಟದ ತನಿಖೆಗೆ ಆದೇಶ ನೀಡಿದೆ. ಪ್ರಕರಣ ಸಂಬಂಧ ಸಮಗ್ರ ವರದಿ ನೀಡುವಂತೆ ಶಿಕ್ಷಕಿ  ಶ್ರೀದೇವಿಗೆ ಸೂಚಿಸಲಾಗಿದೆ.