ಮಗಳನ್ನು ರಾಜಕೀಯದಿಂದ ದೂರವಿಡಿ; ಸೌರವ್ ಗಂಗೂಲಿ

ನವದೆಹಲಿ: ಸಿಎಎಗೆ ಸಂಬಂಧಿಸಿದಂತೆ ಇನ್ ಸ್ಟಾಗ್ರಾಮ್ ನಲ್ಲಿ ಅಭಿಪ್ರಾಯ ಹಂಚಿಕೊಂಡು ಟ್ರೋಲ್ ಗೆ ಒಳಗಾಗಿರುವ ಮಗಳನ್ನು ಸಮರ್ಥಿಸಿಕೊಂಡಿರುವ ಭಾರತದ ಮಾಜಿ ಕ್ರಿಕೆಟಿಗ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ, ತಮ್ಮ ಮಗಳನ್ನು ರಾಜಕೀಯದಿಂದ ದೂರವಿಡಿ ಎಂದು ಮನವಿ ಮಾಡಿದ್ದಾರೆ.
  
“ದಯವಿಟ್ಟು ಸನಾಳನ್ನು ಈ ವಿಷಯಗಳಿಂದ ದೂರವಿರಿ. ಆ ಪೋಸ್ಟ್ ನಿಜವಲ್ಲ..ರಾಜಕೀಯದ ಕುರಿತು ಏನನ್ನಾದರೂ ಅರಿಯಲು ಆಕೆಯಿನ್ನೂ ತುಂಬಾ ಸಣ್ಣವಳು” ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಸನಾ ತನ್ನ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಕುಷವಂತ್ ಸಿಂಗ್ ಅವರ ‘ ದಿ ಎಂಡ್ ಆಫ್ ಇಂಡಿಯಾ’ ಪುಸ್ತಕದ ಫ್ಯಾಸ್ಟಿಸ್ಟ್ ಆಡಳಿತಕ್ಕೆ ಸಂಬಂಧಿಸಿದ ಕೆಲ ಸಾಲುಗಳನ್ನು ಹಂಚಿಕೊಂಡಿದ್ದರು. ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಗಿತ್ತು.