ಮಗುವನ್ನು ಬಸ್ಸಿನಲ್ಲೇ ಮರೆತುಹೋದ ಅಮ್ಮ

ಕಾಸರಗೋಡು: ಮಕ್ಕಳನ್ನು ಜೊತೆಯಲ್ಲಿ ಕರೆದುಕೊಂಡು ಹೋಗುವಾಗ ಅಮ್ಮಂದಿರು ಹೆಚ್ಚಿನ ಜಾಗ್ರತೆ ವಹಿಸುತ್ತಾರೆ. ಅವರ ಮೇಲೆ ಸದಾ ಗಮನ ಹರಿಸುತ್ತಾರೆ. ಆದರೆ ಇಲ್ಲೊಬ್ಬಳು ತಾಯಿ ಮಗುವನ್ನು ಬಸ್ಸಿನಲ್ಲಿ ಮರೆತು ಹೋಗಿದ್ದಾಳೆ. ಈ ಘಟನೆ ನಡೆದದ್ದು ಕಾಸರಗೋಡಿನಲ್ಲಿ. ವಿದ್ಯಾನಗರ ಬಳಿ ಬಸ್ಸಿನಿಂದ ಇಳಿದ ಆ ತಾಯಿ ಸಂಬಂಧಿಕರನ್ನು ನೋಡಲು ಸೀದಾ ಆಸ್ಪತ್ರೆಗೆ ಧಾವಿಸಿದ್ದಾಳೆ. ಮಗು ತನ್ನ ಬಳಿ ಇಲ್ಲ ಎಂಬುದೇ ಆಕೆಗೆ ತಿಳಿದಿರಲಿಲ್ಲ. ಬಸ್ಸು ಹೊಸ ಬಸ್ ನಿಲ್ದಾಣಕ್ಕೆ ತಲುಪಿದಾಗ ಮಗು ಅಳಲು ಪ್ರಾರಂಭಿಸಿತ್ತು. ಬಳಿಕ ಪೊಲೀಸರ ಸಹಾಯದಿಂದ ಆರು ವರ್ಷದ ಮಗುವನ್ನು ಆ ಮಹಾ ತಾಯಿಗೆ ಒಪ್ಪಿಸಲಾಯಿತು.