ಮಣಿಪುರ ಮಾಜಿ ಸಿಎಂ ಬಳಿ ರದ್ದು ನೋಟುಗಳು!

ಇಂಪಾಲ್: ಮಣಿಪುರದ ಮಾಜಿ ಸಿಎಂ ಓಕ್ರಂ ಇಬೋಬಿ ಸಿಂಗ್ ಅವರ ಮನೆಯಲ್ಲಿ ಲಕ್ಷಾಂತರ ರೂ. ಮೌಲ್ಯದ ರದ್ದಾಗಿರುವ ನೋಟುಗಳು ದೊರೆತಿವೆ.ಸರ್ಕಾರದ 332 ಕೋಟಿ ರೂ. ದುರ್ಬಳಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶುಕ್ರವಾರ ಸಿಬಿಐ ಅಧಿಕಾರಿಗಳ ತಂಡ ಏಕಾಕಲಕ್ಕೆ ಮಣಿಪುರ, ಮೇಘಾಲಯ, ಹರ್ಯಾಣಾಗಳಲ್ಲಿ ನಡೆಸಿದ ದಾಳಿ ವೇಳೆ ಈ ಅಂಶ ಬಹಿರಂಗವಾಗಿದೆ.ದಾಳಿ ವೇಳೆ 1000 ಹಾಗೂ 500 ರೂ‌. ಮುಖಬೆಲೆಯ ಅಮಾನ್ಯೀಕರಣಗೊಂಡ 26 ಲಕ್ಷ ರೂ.‌ ಮೌಲ್ಯದ ನೋಟುಗಳು ಪತ್ತೆಯಾಗಿವೆ ಎಂದು ಕೇಂದ್ರೀಯ ತನಿಖಾ ದಳ (ಸಿಬಿಐ) ತಿಳಿಸಿದೆ.ಈ‌ ಮಧ್ಯೆ, ಸಿಬಿಐ ದಾಳಿಯನ್ನು ಸ್ವಾಗತಿಸಿರುವ ಮಣಿಪುರ ಮಾಜಿ ಸಿಎಂ ಇಬೋಬಿ ಸಿಂಗ್, ತನಿಖೆ ಬಳಿಕ ಸತ್ಯ ತಿಳಿಯಲಿದೆ ಎಂದು ಹೇಳಿದ್ದಾರೆ.