ಮಧ್ಯಪ್ರಾಚ್ಯ ಬಿಕ್ಕಟ್ಟು: ಭಾರತೀಯರಿಗೆ ಬಿಸಿ ತುಪ್ಪ

ನವದೆಹಲಿ: ಮಧ್ಯ ಪ್ರಾಚ್ಯದಲ್ಲಿ ಒಂದು ಸಣ್ಣ ಬಿರುಗಾಳಿ ಬೀಸಿದರೂ ಅದರ ಪ್ರಭಾವ ಭಾರತದ ಮೇಲಾಗುತ್ತದೆ. ಇದಕ್ಕೆ ಕಾರಣ ಕೂಡ ಇದೆ. ದೇಶದ ಸುಮಾರು 80 ಲಕ್ಷ ಮಂದಿ ಅಲ್ಲಿ ಕೆಲಸ ಮಾಡುತ್ತಿದ್ದಾರೆ.  80 ಲಕ್ಷ ಭಾರತೀಯರು ದೇಶದ ಆರ್ಥಿಕತೆಗೆ ಗಮನಾರ್ಹ ಕೊಡುಗೆ ಕೂಡ ನೀಡುತ್ತಿದ್ದಾರೆ. ಪ್ರತಿ ತಿಂಗಳು ಅವರು ಕಳುಹಿಸುವ ಹಣ ಇಲ್ಲಿನ ಮಾರುಕಟ್ಟೆಗೆ ಹರಿದು ಬರುತ್ತಿದೆ.  ಮಧ್ಯ ಪ್ರಾಚ್ಯದ ಬಿಕ್ಕಟ್ಟು ಯುದ್ದದ  ಸ್ವರೂಪ ಪಡೆದರೆ ಅಲ್ಲಿರುವ ಭಾರತೀಯರನ್ನು ಸ್ವದೇಶಕ್ಕೆ ಕರೆ ತರಬೇಕಾಗುತ್ತದೆ. ಈ ಹಿಂದೆ ಇರಾಕ್ ಯುದ್ದದ ವೇಳೆ ಒಂದು ಲಕ್ಷ ಭಾರತೀಯರನ್ನು ಭಾರತ ಏರ್ ಲಿಫ್ಟ್ ಮಾಡಿತ್ತು.  ಕೇರಳದವರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಅವರು ಮರಳಿ ಬಂದರೆ ಕೇರಳದಲ್ಲಿ ನಿರುದ್ಯೋಗ ಸಮಸ್ಯೆ ಗಂಭೀರ ಸ್ವರೂಪ ಪಡೆದುಕೊಳ್ಳಲಿದೆ. ಕಚ್ಚಾ ತೈಲದ ದರ ಶೇಕಡ 4ರಷ್ಟು ಏರಿಕೆಯಾಗಿದ್ದು, ಸಮಸ್ಶೆ ಉಲ್ಭಣವಾದರೆ ಕಚ್ಚಾ ತೈಲ ದರ ಕೈ ಸುಡಲಿದೆ. ಇದು ಕೂಡ ದೇಶದ ಆರ್ಥಿಕತೆ ಮೇಲೆ ಪರಿಣಾಮ ಬೀರಲಿದೆ.