ಮಾರುತಿ ಸುಜುಕಿ ಇಂಡಿಯಾ ಕಾರು ಮಾರಾಟ ಕುಸಿತ

ಮುಂಬೈ: ರಾಷ್ಟ್ರದ ಅತೀ ದೊಡ್ಡ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಇಂಡಿಯಾದ ದೇಶಿ ಕಾರು ಮಾರಾಟ ಈ ವರ್ಷದ ನವೆಂಬರ್​ನಲ್ಲಿ ಶೇ. 1.9ರಷ್ಟು ಕುಸಿತ ಕಂಡಿದೆ.

ಕಂಪನಿ ಬಿಡುಗಡೆ ಮಾಡಿರುವ ವರದಿ ಪ್ರಕಾರ, ಕಳೆದ ವರ್ಷ ನವೆಂಬರ್​ನಲ್ಲಿ ಕಂಪನಿ 1,53,539 ವಾಹನಗಳನ್ನು ಮಾರಾಟ ಮಾಡಿತ್ತು. ಈ ವರ್ಷದ ನವೆಂಬರ್​ನಲ್ಲಿ 1,50,630 ವಾಹನಗಳು ಮಾರಾಟಗೊಂಡಿವೆ.

ಕಂಪನಿ ತಯಾರಿಸುವ ಆಲ್ಟೋ ಹಾಗೂ ವ್ಯಾಗನ್​ ಆರ್​ ಸಣ್ಣ ಕಾರುಗಳ ಮಾರಾಟ ಕೂಡ ಇಳಿಮುಖವಾಗಿದೆ. ಕಳೆದ ವರ್ಷ 29,954 ಘಟಕಗಳು ಮಾರಾಟವಾಗಿದ್ದರೇ ಈ ವರ್ಷ 26,306 ಘಟಕಗಳು ಮಾರಾಟವಾಗಿವೆ. ಕಳೆದ ವರ್ಷ ಕೂಡ ಶೇ.12.2 ಕುಸಿದಿತ್ತು.