ಸಿಎಎ; ಅಸ್ಸಾಂನಲ್ಲಿ ಸಂಗೀತಮಯ ಪ್ರತಿಭಟನೆ

ಗವಾಹಟಿ: ಅಸ್ಸಾಂ ನಲ್ಲಿ ಪೌರತ್ವ ತಿದ್ದುಪಡಿ ಮಸೂದೆಗೆ ವಿನೂತನ ರೀತಿಯಲ್ಲಿ ಪ್ರತಿಭಟನೆ ನಡೆಯುತ್ತಿದೆ. ಅಲ್ಲಿನ ಗುವಾಹಟಿ ಮತ್ತು ಜೊಹರತ್ ಪ್ರದೇಶದಲ್ಲಿ ಕಲಾವಿದರು ಒಟ್ಟಾಗಿ ಹಾಡು, ಕವಿತೆಗಳನ್ನು ಹಾಡು ಹಾಗೂ ಚಿತ್ರ ರಚಿಸುವ ಮೂಲಕ ಮಸೂದೆಗೆ ವಿರೋಧ ಸೂಚಿಸುತ್ತಿದ್ದಾರೆ. ಭಾನುವಾರ ಗುವಾಹಟಿಯಲ್ಲಿ ನಿಷೇಧಾಜ್ಞೆ ಹಿಂಪಡೆದಿರುವ ಹಿನ್ನೆಲೆಯಲ್ಲಿ ನೂರಾರು ಜನರು ಒಟ್ಟಾಗಿ ಸೇರಿ ಈ ಕಲಾಪ್ರಕಾರದ ಪ್ರತಿಭಟನೆಗೆ ಸಾಥ್ ನೀಡುತ್ತಿದ್ದಾರೆ. ‘ಶಾಂತಿ ಮತ್ತು ಪ್ರಜಾಪ್ರಭುತ್ವ’ಕ್ಕಾಗಿ ಪ್ರತಿಭಟನೆ ಎಂಬ ಘೋಷಣೆಯೊಂದಿಗೆ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಗಾಯಕರು, ಸಂಗೀತಗಾರರು, ನಟರು, ಚಿತ್ರ ಕಲಾವಿದರು ಸೇರಿದಂತೆ ಹಲವು ಕಲಾವಿದರು ಪಾಲ್ಗೊಂಡಿದ್ದಾರೆ. ಪ್ರಖ್ಯಾತ ಸಂಗೀತ ಸಂಯೋಜಕ  ಜೂಬಿನ್ ಗಾರ್ಗ್ ಈ ತಂಡದ ನೇತೃತ್ವ ವಹಿಸಿದ್ದಾರೆ