ಸ್ಟಾಲಿನ್ ಮನೆಯ ಮುಂದೆಯೂ ರಂಗೋಲಿ ಪ್ರತಿಭಟನೆ

ಚೆನ್ನೈ:  ಪೌರತ್ವ ಕಾನೂನು ತಿದ್ದುಪಡಿ ವಿರೋಧಿ ಹೋರಾಟ ತಮಿಳುನಾಡಿನಲ್ಲಿ ಹೊಸ ಸ್ವರೂಪ ಪಡೆದುಕೊಂಡಿದೆ. ಕಾನೂನು ವಿರೋಧಿಸಿ ತಮಿಳುನಾಡಿನಲ್ಲಿ ರಂಗೋಲಿ ಮೂಲಕ ಆಕ್ರೋಶ ವ್ಯಕ್ತಪಡಿಸಲಾಗುತ್ತಿದೆ. ಚೆನ್ನೈನಲ್ಲಿ ಡಿಎಂಕೆ ನಾಯಕ ಸ್ಟಾಲಿನ್, ಮಾಜಿ ಮುಖ್ಯಮಂತ್ರಿ ಕರುಣಾ ನಿಧಿ ಮತ್ತು ಕನ್ನಿಮೋಳಿ ನಿವಾಸದ ಎದುರು ಈ ರಂಗೋಲಿ ಹಾಕಲಾಗಿದೆ. ರಾಜಕಾರಣಿಗಳು ಕೂಡ ರಂಗೋಲಿ ಪ್ರತಿಭಟನೆಗೆ ಸಾಥ್ ನೀಡಿರುವ ಹಿನ್ನೆಲೆಯಲ್ಲಿ ಇದು ಇನ್ನಷ್ಟು ಬಿರುಸು ಪಡೆಯುವ ಸಾಧ್ಯತೆ ಹೆಚ್ಚಾಗಿದೆ.