ಹಿರಿಯರನ್ನು ಕಡೆಗಣಿಸಿದರೆ ಜೈಲೇ ಗತಿ-ಅಳಿಯ, ಸೊಸೆಗೂ ಜವಾಬ್ದಾರಿ

ನವದೆಹಲಿ: ಮನೆಯ ಹಿರಿಯ ಸದಸ್ಯರನ್ನು ನಿರ್ಲಕ್ಷಿಸಿದರೆ ನೀವು ಸೀದಾ ಜೈಲು ಸೇರಬೇಕಾಗುತ್ತದೆ. ಕೇವಲ ಮಕ್ಕಳು ಮಾತ್ರವಲ್ಲ ಅಳಿಯ ಸೊಸೆ ಕೂಡ ಮನೆಯ ಹಿರಿಯರ ಬಗ್ಗೆ ಕಾಳಜಿ ವಹಿಸಬೇಕು. ಇದಕ್ಕೆ ತಪ್ಪಿದರೆ ಜೈಲು ವಾಸ ಗ್ಯಾರಂಟಿ.  ಪೋಷಕರ ಕಾಳಜಿ ವ್ಯಾಪ್ತಿ ಕಾಯ್ದೆಗೆ ತಿದ್ದುಪಡಿ ತರಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಕೇಂದ್ರ ಸಚಿವ ಸಂಪುಟ ಸಭೆ ಇದನ್ನು ಈಗಾಗಲೇ ಅಂಗೀಕರಿಸಿದೆ. ಸಮಾಜದಲ್ಲಿ ಹಿರಿಯ ನಾಗರಿಕರ ಗೌರವಯುತ ಬದುಕು ಖಾತರಿಪಡಿಸುವುದೇ ಇದರ ಗುರಿ ಎಂದು ಕೇಂದ್ರ ಸರ್ಕಾರ ಹೇಳಿದೆ. ದತ್ತುಪಡೆದ ಮಕ್ಕಳು ಕೂಡ ಹಿರಿಯ ಸದಸ್ಯರ ಬಗ್ಗೆ ಕಾಳಜಿ ವಹಿಸಬೇಕೇನ್ನುವ ಶರತ್ತನ್ನು ಇದು ಒಳಗೊಂಡಿದೆ.