ಕಾಸರಗೋಡಿನಲ್ಲಿ ಮತ್ತೆ 14 ಕೊರೋನಾ ಪ್ರಕರಣ

ಕಾಸರಗೋಡು: ಕೇರಳದಲ್ಲಿ ಹೊಸದಾಗಿ 49 ಕೊರೋನಾ ಪ್ರಕರಣ ವರದಿಯಾಗಿದ್ದು, ಇದರಲ್ಲಿ 14 ಕೊರೋನಾ ಪ್ರಕರಣ ಕಾಸರಗೋಡಿನಲ್ಲಿ ದೃಢಪಟ್ಟಿದೆ. ಇದು ಕಾಸರಗೋಡಿನಲ್ಲಿ ಆತಂಕ ಸೃಷ್ಟಿಸಿದೆ.  ಕಾಸರಗೋಡಿನ ನೆರೆಯ ಜಿಲ್ಲೆಯಾಗಿರುವ ಕಣ್ಣೂರು ಜಿಲ್ಲೆಯಲ್ಲಿ 10 ಕೊರೋನಾ ಪ್ರಕರಣ ವರದಿಯಾಗಿದೆ. 49 ಕೊರೋನಾ ಪ್ರಕರಣದಲ್ಲಿ  18 ಮಂದಿ ವಿದೇಶದಿಂದ ಬಂದವರಾಗಿದ್ದಾರೆ. 25 ಮಂದಿ ಇತರ ರಾಜ್ಯಗಳಿಂದ ಕೇರಳಕ್ಕೆ ಹಿಂತಿರುಗಿದವರಾಗಿದ್ದಾರೆ. ಈ 25 ಮಂದಿಯಲ್ಲಿ 17 ಮಂದಿ ಮಹಾರಾಷ್ಟ್ರದಿಂದ ಕೇರಳಕ್ಕೆ ಆಗಮಿಸಿದವರಾಗಿದ್ದಾರೆ.  ಲಾಕ್ ಡೌನ್ ನಿಯಮ ಸಡಿಲಿಕೆ ಮಾಡಿದ ಬಳಿಕ ಇದುವರೆಗೆ  ಕೇರಳಕ್ಕೆ ರಸ್ತೆ, ರೈಲು, ವಿಮಾನ ಮತ್ತು ಹಡಗಿನ ಮೂಲಕ 97 242 ಮಂದಿ ಕೇರಳಕ್ಕೆ ಹಿಂತಿರುಗಿದ್ದಾರೆ.  ಕಾಸರಗೋಡಿನಲ್ಲಿ ಇದೀಗ 43 ಮಂದಿ ಕೊರೋನಾಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದಾರೆ.