ಕೇರಳದಲ್ಲಿ 1500 ಕ್ಕೂ ಹೆಚ್ಚು ರೇಪ್ ಕೇಸ್ ದಾಖಲು!

ತಿರುವನಂತಪುರ: ಕೇರಳದಲ್ಲಿ 2019ರ ಸೆಪ್ಟೆಂಬರ್ ವರೆಗೆ 1,500ಕ್ಕೂ ಹೆಚ್ಚು ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ.
ಈ ಅಚ್ಚರಿಯ ಅಂಶವನ್ನು ಕೇರಳ ಪೊಲೀಸ್ ಇಲಾಖೆಯ ದಾಖಲೆಗಳೇ ಬಹಿರಂಗಗೊಳಿಸಿವೆ.
ಈ ವರ್ಷ ಒಟ್ಟು 10,516 ಮಹಿಳಾ ದೌರ್ಜನ್ಯ ಪ್ರಕರಣ ದಾಖಲಾಗಿವೆ. ಈ ಪೈಕಿ 1,537 ರೇಪ್ ಕೇಸ್​ಗಳು. ಕಳೆದ ವರ್ಷದ ಇದೇ ಅವಧಿಯಲ್ಲಿ 2,015 ರೇಪ್ ಕೇಸ್​ಗಳು ದಾಖಲಾಗಿದ್ದವು ಎಂದು ಪೊಲೀಸ್ ಕ್ರೈಮ್ ರೆಕಾರ್ಡ್ ಬ್ಯೂರೋ ವರದಿ ತಿಳಿಸಿದೆ. 2017ರಲ್ಲಿ 2003, 2016ರಲ್ಲಿ 1,656 ರೇಪ್ ಕೇಸ್​ಗಳು ದಾಖಲಾಗಿದ್ದವು.
ಈ ವರ್ಷ ರೇಪ್​ ಕೇಸ್​ಗಳ ಹೊರತಾಗಿ, 3,351 ಪೀಡನೆ ಕೇಸ್, 167 ಅಪಹರಣ ಪ್ರಕರಣ, 309 ಈವ್ ಟೀಸಿಂಗ್​ ಮತ್ತು ನಾಲ್ಕು ವರದಕ್ಷಿಣೆ ಸಾವು ಪ್ರಕರಣಗಳು, 2019 ಕೌಟುಂಬಿಕ ಪ್ರಕರಣಗಳು ದಾಖಲಾಗಿವೆ.