22 ಲಕ್ಷ ರೂಪಾಯಿ ಮೌಲ್ಯದ ಈರುಳ್ಳಿ ಲಾರಿ ನಾಪತ್ತೆ

ದೇಶಾದ್ಯಂತ ಈರುಳ್ಳಿ ದರ ಗಗನಕ್ಕೇರಿದೆ. ಗೃಹಿಣಿಯರು ಈರುಳ್ಳಿಯಿಂದ ದೂರ ಸರಿಯುತ್ತಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಈರುಳ್ಳಿ ನಾಪತ್ತೆಯಾದರೇ.. ಅದು ಗಂಭೀರ ವಿಷಯ ತಾನೇ..ಮಹಾರಾಷ್ಟ್ರದ ನಾಸಿಕ್ ನಿಂದ 22 ಲಕ್ಷ ರೂಪಾಯಿ ಮೌಲ್ಯದ ಈರುಳ್ಳಿ ಲಾರಿ ಗೋರಖ್ ಪುರಕ್ಕೆ ಪ್ರಯಾಣ ಬೆಳೆಸಿತ್ತು. ನವೆಂಬರ್ 11ಕ್ಕೆ ಹೊರಟ ಲಾರಿ 22ಕ್ಕೆ ಅಲ್ಲಿ ತಲುಪಬೇಕಿತ್ತು. ಆದರೇ ಲಾರಿ ಮಾತ್ರ ಸರಕಿನೊಂದಿಗೆ ಅಲ್ಲಿ ತಲುಪಿಯೇ ಇಲ್ಲ. ಲಾರಿಯಲ್ಲಿ 40 ಟನ್ ಈರುಳ್ಳಿ ಇತ್ತು. ಕಂಗಾಲಾದ ವ್ಯಾಪಾರಿ ಪ್ರೇಮ್ ಚಂದ್ ಶುಕ್ಲಾ ಅಂತಿಮವಾಗಿ ಪೊಲೀಸರಿಗೆ ದೂರು ನೀಡಿದರು. ಕೊನೆಗೆ  ಟೆಂಡೂ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಲಾರಿಯನ್ನು ಪತ್ತೆ ಹಚ್ಚಲಾಯಿತು. ಆದರೇ ಅದರಲ್ಲಿ ಈರುಳ್ಳಿ ಮಾತ್ರ ನಾಪತ್ತೆಯಾಗಿತ್ತು.